26-Jul-2024

(ଡୋଲେଶ୍ଵର ବାଗ )
 ନୂଆପଡ଼ା ଜିଲ୍ଲା ସିନାପାଲି ବ୍ଲକ୍ ଅନ୍ତର୍ଗତ ଘଣ୍ଟି ଗୁଡ଼ା ଗ୍ରାମପଞ୍ଚାୟତ ନିବାସୀ ସୋମନାଥ ବାଗ ନାଗବମ୍ୱ ରେ ବାହାରି ଦୀର୍ଘ ୪୦ କିଲୋମିଟର ସଡ଼କ ଉପରେ ନାଗସାପ ପରି ଘୁରୁଣ୍ଡି ଗୁରୁଣ୍ଡି ଗାଡ଼ି ଗାଡ଼ି ଶିବଙ୍କ ଉପାସନା କରି ଚାଲିଛନ୍ତି। ଭକ୍ତ ଏବଂ ଭଗବାନ ଙ୍କ ସମ୍ପର୍କ ଅତି ନିବିଡ ହୋଇଥାଏ। ନିଜ ମନୋସ୍କାମନା ପୂରଣ ନେଇ ଏକ ସପ୍ତାହ ମଧ୍ୟରେ ପାତାଳଗଙ୍ଗାରୁ  ଘଣ୍ଟିଗୁଡ଼ା ଗ୍ରାମକୁ ପହଞ୍ଚିବା ସ୍ବପ୍ନ ସଡ଼କ ଉପରେ ଗଡ଼ି ଗଡ଼ି ଅତିକ୍ରମ କରି ଚାଲିଛନ୍ତି। ଦୃଢ଼ ମନୋବଳ ଏବଂ ଗ୍ରାମବାସୀଙ୍କ ଉତ୍ସାହ ପ୍ରଦାନ ଦ୍ବାରା ତାଙ୍କ ଲକ୍ଷ ପଥରେ ଅତିକ୍ରମ କରିଛନ୍ତି। ଭଗବାନ ଙ୍କୁ ପାଇବା ପାଇଁ  କଠିନ ପରିଶ୍ରମ ଏବଂ ତପସ୍ୟା କରିବା ପରମ୍ପରା ପୂର୍ବରୁ ରହିଅଛି। ଆଜି ଜ୍ୱଳନ୍ତ ଉଦାହରଣ ସ୍ୱରୂପ ସୋମନାଥ ବାଗ ଶ୍ରବଣ ମାସ ର ପ୍ରଥମ ସୋମବାର ଠାରୁ ଯାତ୍ରା ଆରମ୍ଭ କରିଛନ୍ତି। ଦ୍ବିତୀୟ ସୋମବାର ଦିନ ନିଜ ଗ୍ରାମ ଶିବ ମନ୍ଦିରରେ ଜଳାଭିଷେକ କରିବେ।ଆଜି ସିନାପାଲି ବ୍ଲକ୍ ଜାମଗାଁ  ଦୀର୍ଘ ୨୫ କିଲୋମିଟର ଅତିକ୍ରମ କରିଛନ୍ତି। ନାଗ ବମ୍ବ ଯାତ୍ରା ରେ ଗ୍ରାମବାସୀମାନେ ସ୍ବାଗତ କରିବା ସହ ଯାତ୍ରା ସମୟରେ ସଡ଼କ କୁ ଝାଡୁ ମାରିବା, ଫୁଳ ପୁଷ୍ପ, କ୍ଷୀର, ବେଲପତ୍ର, ନଡିଆ ଆଦି ଦେଇ ପୁଜା କରିଥାନ୍ତି।