23-Jun-2024

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ)ଗତ ୨୪.୨.୨୪ ଦିନ ବଲାଙ୍ଗିର ଜିଲ୍ଲା ବେଲପଡା ବ୍ଲକ କାନୁଟ ଗାଁ ରେ ଘଟିଥିଲା ଏକ ଚାଞ୍ଚଲ୍ୟକର ଘଟଣା ଯାହାକି ଅଞ୍ଚଳ କୁ ନିଶବ୍ଦ କରିଦେଇଥିଲା। ଏଥିରେ ଉଜୁଡିଯାଇଥିଲା ଅଦାବରିଆ ପରିବାର ଲାଗିଥିଲା ଗୋଟିଏ ପରେ ଗୋଟିଏ ମୃତ୍ୟୁ ର ତାଣ୍ଡବ । ହେଲେ ଦିର୍ଘ ଦୁଇ ମାସ ପରେ କିଛି ପରିମାଣରେ ସୁସ୍ଥ ହୋଇ ଫେରିଥିଲେ ଶାଶୁ ବୋହୂ। କିନ୍ତୁ କାଳର ଖେଳ ରେ ଟେକି ରହିପାରିଲେ ନାହିଁ ଶାଶୁ ଦୂତି ଅତାବରିଆ (୫୫) ଆଜି ରାତି ୯:୩୦ ମିନିଟ୍ ରେ ତାଙ୍କ ପ୍ରାଣବାୟୁ ଉଡି ଯାଇଛି। ବର୍ତ୍ତମାନ ଗ୍ୟାସ୍ ସିଲିଣ୍ଡର୍ ବିସ୍ଫୋରଣ ଘଟଣା ର ଜଣେ ଜୀବିତ ଅଛନ୍ତି ସେ ହେଉଛନ୍ତି ତାଙ୍କ ବୋହୂ ଭାଗ୍ୟବତୀ ଜାଲ। ମୃତ୍ୟୁ ର ଶିକାର ହୋଇଥିବା ପରିବାର ଲୋକଙ୍କୁ ଆଜି ପର୍ଯ୍ୟନ୍ତ ମିଳିନାହିଁ କୌଣସି ସରକାରୀ ସୁବିଧା। ଏତେ ବଡ଼ ଦୁର୍ଘଟଣାର ଶୀକାର ହୋଇଥିବା ପରିବାର ପ୍ରତି  ପ୍ରଶାସନ ର ନାହିଁ ଦୟାଭାବ ବୋଲି ସ୍ଥାନୀୟ ପ୍ରଶାସନକୁ ନିନ୍ଦା କରୁଛନ୍ତି ଅଞ୍ଚଳବାସୀ।ଦେବଦୂତ ସାଜି ସ୍ଥାନୀୟ କାନୁଟ ସରପଞ୍ଚ ଅଶୋକ କୁମାର ମହାପାତ୍ର ଘଟଣା ର ଆରମ୍ଭ ରୁ ସାହାଯ୍ୟ ସହଯୋଗ କରି ଆସୁଥିବା ବେଳେ ବର୍ତ୍ତମାନ ସେ ଶବକୁ ଜଗିବା ସହ ମୃତକଙ୍କ ପରିବାର ପାଖରେ ଛିଡ଼ାହୋଇ ସମବେଦନା ଜଣାଉଛନ୍ତି। ଆସନ୍ତାକାଲି ଶବ ବ୍ୟବଚ୍ଛେଦ ହେବା ପର୍ଯ୍ୟନ୍ତ ସାଙ୍ଗରେ ରହି ସହଯୋଗ କରିବି ବୋଲି ସମାଜସେବୀ ତଥା ସରପଞ୍ଚ ଅଶୋକ କୁମାର ମହାପାତ୍ର ପ୍ରତିକ୍ରିୟା ଦେଇଛନ୍ତି।