07-May-2024

ବଲାଙ୍ଗୀର(ପ୍ରେରଣା ଖବର ): ଗତ ଦଶବର୍ଷ ହେଲା ବଲାଙ୍ଗୀର ସହର ତଥା ଆଖପାଖ ଅଞ୍ଚଳର ସାଧାରଣ ଜନତା ହୁଅନ୍ତୁ କି ବ୍ୟବସାୟୀ ସମସ୍ତେ କିପରି ଶାନ୍ତିପୂର୍ଣ ଜୀବନଯାପନ ତଥା ବ୍ୟବସାୟ କରନ୍ତୁ ସେ ଉପରେ ମାନ୍ୟବର ବଲାଙ୍ଗୀର ବିଧାୟକ ନରସିଂହ ମିଶ୍ର ସ୍ଥାନୀୟ ପୋଲିସ ପ୍ରଶାସନ ତଥା ରାଜ୍ୟ ଗୃହ ବିଭାଗ ଉପରେ  ଚାପ ପକାଇ ଯେତେ ସମ୍ଭବ ବଲାଙ୍ଗୀର ଅଞ୍ଚଳକୁ ଏକ ଶାନ୍ତି ସୌହାର୍ଦ୍ୟପୂର୍ଣ୍ଣ ଅଞ୍ଚଳ ଭାବେ ଗଢି ତୋଳିଛନ୍ତି କିନ୍ତୁ ଦୁଃଖର ବିଷୟ ବଲାଙ୍ଗୀର ର ସ୍ଥାନୀୟ ବିଜେଡିର ରାଜନେତା ତଥା ଆମ ପ୍ରତିଦ୍ବନ୍ଦୀ ବଲାଙ୍ଗୀରକୁ "ଅପରାଧୀଙ୍କ ରାଜଧାନୀ" ବୋଲି ଆଖ୍ୟା ଦେଇ 

ଦେଇ କେବଳ ବଲାଙ୍ଗୀରକୁ ବଦନାମ କରୁନାହାନ୍ତି, ତା ସହିତ ଗୃହ ବିଭାଗ ଦାୟିତ୍ୱରେ ଥିବା ନିଜ ଦଳର ରାଜ୍ୟ ସଭାପତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଅପାରଗ ବୋଲି ପ୍ରମାଣ କରୁଛନ୍ତି ବୋଲି ଆଜି ଆଜି ବଲାଙ୍ଗୀର ବ୍ଲକ ଅନ୍ତର୍ଗତ ଭାନପୁର, ସାଉଁତମୁଣ୍ଡା, ପ୍ରତାପପୁର,ଶିରୀଶ ଓ ନୁନିଆଢିପ ଗାଁ ରେ ଜନଆଶୀର୍ବାଦ ସଭାରେ ବଲାଙ୍ଗୀର ବିଧାନସଭା ପାଈଁ କଂଗ୍ରେସ ଦଳର ପ୍ରାର୍ଥୀ ସମରେନ୍ଦ୍ର ମିଶ୍ର ନିଜ ଭାଷଣରେ କହିଛନ୍ତି l 

ଏହି ନିର୍ବାଚନୀ ସଭାରେ ସମରେନ୍ଦ୍ର ଆହୁରି ମଧ୍ୟ କହିଛନ୍ତି ଯେ, ଗତ ନିର୍ବାଚନରୁ ଆଜି ପର୍ଯ୍ୟନ୍ତ ଯେଉଁ ରାଜପରିବାରର ଆମ ପ୍ରତିଦ୍ବନ୍ଦୀ ବଲାଙ୍ଗୀରର କୁଖ୍ୟାତ ଅପରାଧୀ ମାନଙ୍କୁ ନେଇ ନିଜ ନିର୍ବାଚନ ପରିଚାଳନା କରୁଥିଲେ, ଯେଉଁ ରାଜପରିବାର ବିରୁଦ୍ଧରେ ନିଜ ବୋହୁ ବଧୂ ନିର୍ଯାତନା ମାମଲା ରୁଜୁ କରିଛନ୍ତି ସେମାନେ ଆଜି ଅପରାଧମୁକ୍ତ ବଲାଙ୍ଗୀରର ମିଛ ସ୍ବପ୍ନ ସାଧାରଣ ଜନତାଙ୍କୁ ଦେଖାଉଛନ୍ତି ଲଲୋକେ ଠିକ ଜାଣିଲେଣି ଏହି ନିର୍ବାଚନରେ ନିଶ୍ଚିତ ଭାବେ ଶିକ୍ଷା, ରୋଜଗାର, ଜଳସେଚନ ଗମନାଗମନ, ସ୍ୱାସ୍ଥ୍ୟ ସର୍ବୋପରି ବଲାଙ୍ଗୀରର ସର୍ବାଙ୍ଗୀନ ଵିକାଶ ସପକ୍ଷରେ ମତଦାନ କରିବେ ବୋଲି କହିଥିଲେ l 
କଂଗ୍ରେସ ସରକାରକୁ ଆସିଲେ କୃଷି ଋଣ ଛାଡ, ମହିଳା ସ୍ୱୟଂ ସହାୟକ ଗୋଷ୍ଠୀଙ୍କ ଋଣ ଛାଡ଼, ଧlନର ସର୍ବନିମ୍ନ ସହାୟକ ମୂଲ୍ୟ କୁଇଣ୍ଟାଲ ପ୍ରତି ୩୦୦୦ ଟଙ୍କା, ଗରିବଙ୍କୁ ୨୦୦ ୟୁନିଟ ମାଗଣା ବିଜୁଳି, ବେକାରୀ ଭତ୍ତା ୩୦୦୦ ଟଙ୍କା, ସାମାଜିକ ସୁରକ୍ଷା ଯୋଜନାରେ ବାର୍ଦ୍ଧକ୍ୟ, ବିଧବା ଓ ବିକଳାଙ୍ଗ ଭତ୍ତା ମାସିକ ୨୦୦୦ ଟଙ୍କା, ବେକାରୀ ଭତ୍ତା ୩୦୦୦ ଟଙ୍କା ପ୍ରଦାନର

 ଗେରେଣ୍ଟି କଂଗ୍ରେସ ତରଫରୁ ଦିଆଯାଉଛି ବୋଲି କହି ସାଧାରଣ ଲୋକଙ୍କ ହିତାଧିକାରୀ ପାଈଁ ସମସ୍ତେ ବିଧାନସଭା ଓ ଲୋକସଭା ପାଈଁ ଉଭୟ ଭୋଟ ହତାଚିହ୍ନ ରେ ଭୋଟ ଦେଇ କଂଗ୍ରେସ ପ୍ରାର୍ଥୀଙ୍କୁ ବିଜୟୀ କରନ୍ତୁ ବୋଲି ଅନୁରୋଧ ସମରେନ୍ଦ୍ର ଅନୁରୋଧ କରିଥିଲେ l