18-Apr-2024

ଲୋଇସିଂହା, (ବିନୋଦ କୁମାର ଦୀପ) ନିର୍ବାଚନ ମଣ୍ଡଳୀ ର ଲୋଇସିଂହା ବିଜେଡି କାର୍ଯ୍ୟାଳୟ ପକ୍ଷରୁ ରାମନବମୀ ପର୍ବ ପାଳିତ ହେବାସହ ବିଜୁବାବୁ ଙ୍କ ତିରୋଧାନ ଦିବସ ପାଳିତ ହୋଇ ଯାଇଛି l ଏହି ପରିପ୍ରେକ୍ଷୀରେ ପ୍ରଥମେ ଏକ ବିରାଟ ବାଇକ୍ ଶୋଭାଯାତ୍ରା ବିଜେଡି କାର୍ଯ୍ୟାଳୟ ରୁ ବାହାରି ଲୋଇସିଂହା ର ବିଭିନ୍ନ ଅଞ୍ଚଳ ପରିଭ୍ରମଣ କରା ଯାଇଥିଲା। ଜୟ ଶ୍ରୀରାମ ନାରା ଦେଇ ଡିଜେ ବଜାଇ ବିଭିନ୍ନ ଅଞ୍ଚଳ ପରିଭ୍ରମଣ କରିଥିଲେ l ବିଶେଷ କରି ରୁଗୁଡିଖାଲ ଛକ, ବୁର୍ଡ଼ା, ଲୋଇସିଂହା ର ବିଭିନ୍ନ ଅଞ୍ଚଳ ପରିଭ୍ରମଣ କରି ବାଇକ୍ ଶୋଭାଯାତ୍ରା କରାଗଲା l ଦଳ ପକ୍ଷରୁ ବିଭିନ୍ନ ସ୍ଥାନରେ ମିଠା ଓ ପଣା ବଣ୍ଟନ କରା ଯାଉଥିବାର ଦେଖିବାକୁ ମିଳିଥିଲା। ଏହି ଶୋଭାଯାତ୍ରାରେ ଲୋଇସିଂହା ବିଜେଡି ବିଧାୟକ ପ୍ରାର୍ଥୀ ଶ୍ରୀ ନିହାର ରଞ୍ଜନ ବେହେରା ଙ୍କ ନେତୃତ୍ୱରେ ବାଇକ୍ ଶୋଭାଯାତ୍ରା ବାହାରି ଅଞ୍ଚଳ ପରିଭ୍ରମଣ କରିଥିଲା। ଲୋଇସିଂହା ବ୍ଲକ ବିଜେଡି ସଭାପତି ଶ୍ରୀ ହୃଦାନନ୍ଦ ବେହେରା, ବ୍ଲକ୍ ଅଧକ୍ଷ ଶ୍ରୀ ଯତୀନ୍ଦ୍ର ପଟେଲ୍, ଲୋଇସିଂହା ନିର୍ବାଚନ ମଣ୍ଡଳୀ ର ଯୁବ ସଭାପତି ଶ୍ରୀ ନୀତେଶ କୁମାର ଅଗ୍ରୱାଲ ଓ ନାରୀ ନେତ୍ରୀ ଶ୍ରୀମତୀ ଜୋସ୍ନାମୟୀ ନାଗ ପ୍ରଭୃତି ବରିଷ୍ଠ ବିଜେଡି କର୍ମୀ ମାନେ ଯୋଗ ଦେଇଥିଲେ। ଏହାସହ ଶତାଧିକ ବିଜେଡି କର୍ମୀ ଶୋଭାଯାତ୍ରା ରେ ବାହାରି ବିଭିନ୍ନ ଅଞ୍ଚଳ ପରିଭ୍ରମଣ କରିଥିଲେ ଓ ସନ୍ଧ୍ୟାରେ ଏକ ସଭାର ଆୟୋଜନ କରା ଯାଇଥିଲା। ସ୍ବର୍ଗତ ବିଜୁ ବାବୁଙ୍କ ତିରୋଧାନ ଦିବସ ଉପଲକ୍ଷେ ଏକ ସଭା ଅନୁଷ୍ଠିତ ହୋଇଥିଲା। ଏହି ସଭାରେ ବିଜୁ ବାବୁଙ୍କ ସ୍ମୃତି କୁ ମନେ ପକାଇ ତାଙ୍କର ଅମର ଆତ୍ମା ର ସଦ୍ ଗତି କାମନା କରା ଯାଇଥିଲା। ଲୋଇସିଂହା ନିର୍ବାଚନ ମଣ୍ଡଳୀ ର ବିଜେଡି ପ୍ରାର୍ଥୀ ଶ୍ରୀ ନିହାର ରଞ୍ଜନ ବେହେରା ଙ୍କୁ କିପରି ବହୁ ଭୋଟ ବ୍ୟବଧାନ ରେ ବିଜୟ ଲାଭ କରାଇବା ସେ ସମସ୍ତ ଆଲୋଚନା କରା ଯାଇଥିଲା। ଆଗାମୀ ନିର୍ବାଚନ ରେ କିପରି ଶ୍ରୀ ନିହାର ରଞ୍ଜନ ବେହେରା ଙ୍କୁ ବିପୁଳ ପରିମାଣ ରେ ଭୋଟ ଦେଇ ବିଜୟୀ କରିବା ପାଇଁ ସଂକଳ୍ପ ନିଆ ଯାଇଥିଲା। ଏହି ସଭାରେ ଶହ ଶହ ସଂଖ୍ୟାରେ ମହିଳା ମାନେ ଯୋଗ ଦେଇ ବିଜୁ ପଟ୍ଟନାୟକ ଙ୍କ ହାତମୁଠା କୁ ପୁଣିଥରେ ଟାଣ କରିବା ବୋଲି ସଂକଳ୍ପ ନେଇଥିବା ଦେଖିବାକୁ ମିଳିଥିଲା l