08-Feb-2024

ସମ୍ବଲପୁର-(ସଂଜୀବପାଣିଗ୍ରାହୀ) : ରାଜଧାନୀ ନୂଆଦିଲ୍ଲୀ ଠାରେ ଅନୁଷ୍ଠିତ ଚଳିତ ବର୍ଷ ସାଧାରଣତନ୍ତ୍ର ଦିବସ କର୍ତ୍ତବ୍ୟପଥ ପ୍ୟାରେଡ ରେ ଯୋଗଦାନ କରି ପିଏମ୍ ଶ୍ରୀ କେନ୍ଦ୍ରୀୟ ବିଦ୍ୟାଳୟ ନଂ.୧  ସମ୍ବଲପୁର ର ନବମ ଶ୍ରେଣୀ ଛାତ୍ରୀ ଏନସିସି କ୍ୟାଡେଟ୍ ପ୍ରିୟମ୍ବଦା ପାଣି ନିଜର କୃତିତ୍ଵ ପ୍ରଦର୍ଶନ କରିଛନ୍ତି I ସାଧାରଣତନ୍ତ୍ର ଦିବସ ପ୍ୟାରେଡ ଭାଗ ନେଇ କୃତିତ୍ବର ସହିତ ସମ୍ବଲପୁର ଆସିବା ପରେ ଆଜି ପିଏମ୍ ଶ୍ରୀ କେନ୍ଦ୍ରୀୟ ବିଦ୍ୟାଳୟ ନଂ ୧  ସମ୍ବଲପୁର ପକ୍ଷରୁ ଛାତ୍ରୀ ପ୍ରିୟମ୍ବଦା ପାଣି ଙ୍କୁ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା I ବିଦ୍ୟାଳୟ ର ଅଧକ୍ଷ ରଣ ରଞ୍ଜୟ ସିଂ ଛାତ୍ରୀ ପ୍ରିୟମ୍ବଦା ଙ୍କୁ ପୁଷ୍ପ ଗୁଚ୍ଛ ପ୍ରଦାନ ପୂର୍ବକ ସମ୍ବର୍ଦ୍ଧିତ କରିଥିଲେ I ଏହି ଅବସରରେ ଏନସିସି ଏଏନଓ ଶିକ୍ଷକ ସନ୍ତୋଷ କୁମାର କିସାନ, ବିର୍ମଲ ନାଗ, ପ୍ରମୋଦ କୁମାର ସାହୁ, ସୁଧାଂଶୁ ନାୟକ, ପ୍ରିୟମ୍ବଦା ଙ୍କ ପିତା ବିଜୟ କୁମାର ପାଣି ମାତା ଝରଣା ପାଣି ବିଦ୍ୟାଳୟ କର୍ତ୍ତୃପକ୍ଷ ଏବଂ ଶିକ୍ଷକ ଶିକ୍ଷୟତ୍ରୀ ଉପସ୍ଥିତ ଥିଲେ I