08-Feb-2024

ବଲାଙ୍ଗିର(ଦେବାଶିଷ ବହିଦାର ): ଟାଟା ପାୱାର ଏବଂ ଓଡ଼ିଶା ସରକାରଙ୍କ ଯୌଥ ଉଦ୍ୟୋଗ ଟିପି ୱେଷ୍ଟର୍ଣ୍ଣ ଓଡ଼ିଶା ଡିଷ୍ଟ୍ରିବ୍ୟୁସନ ଲିମିଟେଡ (ଟିପିଡବ୍ଲୁଓଡିଏଲ୍) ଏକ ଅଗ୍ରଣୀ ବିଦ୍ୟୁତ୍ ବିତରଣ କମ୍ପାନୀ ଭାବେ ପଶ୍ଚିମ ଓଡ଼ିଶାରେ ଗୁଣାତ୍ମକ ବିଦ୍ୟୁତ୍ ସେବା ଯୋଗାଇ ଦେବା ସହ ନିଜର ସାମାଜିକ ଦାୟିତ୍ୱବୋଧ ପ୍ରତି ସଚେତନ ରହିଆସିଛି । ଏକ ପ୍ରତିଷ୍ଠିତ

କର୍ପୋରେଟ୍ ସଂସ୍ଥା ଭାବେ ସମାଜର ମୂଲ୍ୟବୋଧ ଏବଂ ଅର୍ଥନୈତିକ ଉନ୍ନତି ପାଇଁ କମ୍ପାନୀ ଅନେକ ଲୋକାଭିମୁଖି ପଦକ୍ଷପ ଗ୍ରହଣ କରୁଅଛି । 

ଏହି ପରିପେକ୍ଷୀରେ ଆଜି ବଲାଙ୍ଗିର ସହରର ରାଜେନ୍ଦ୍ରପଡ଼ାଠାରେ କମ୍ପାନୀର ସାମାଜିକ ଦାୟିତ୍ୱବୋଧ ବିଭାଗ ଦ୍ୱାରା   ଏକ ନିଶୁଳ୍କ ବୃତ୍ତିଗତ ବିୟୁଟିସିଆନ୍ ଓ ନର୍ସିଂ ତାମିଲ କେନ୍ଦ୍ରକୁ ଟିପିଡବ୍ଲୁଓଏଲର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଶ୍ରୀଯୁକ୍ତ ଗଜାନନ୍ କାଲେ ଉଦଘାଟନ କରିଛନ୍ତି । ଏହି ତାଲିମ କେନ୍ଦ୍ରରେ ଆନୁସଙ୍ଗିକ ଭିତ୍ତିଭୂମି ପ୍ରସ୍ତୁତ କରାଯାଇ ବ୍ୟବହାରିକ ପ୍ରଶିକ୍ଷଣ ପ୍ରଦାନ କରାଯାଉଅଛି । ଏଥିନିମନ୍ତେ ଜାତୀୟ କ୍ଷାତି ସମ୍ପର୍ଣ୍ଣ ସଂସ୍ଥା ପ୍ରଥମ (NGO)କୁ ନିୟୋଜିତ କରାଯାଇଛି  । ଆଗାମୀ ଦିନରେ ଯେପରି ବଲାଙ୍ଗିର ସହର ଏବଂ ଏହାର ଆଖପାଖ ଅଞ୍ଚଳର ବହୁ ସଂଖ୍ୟକ ଯୁବକ ଓ ଯୁବତୀ ଏହି ପ୍ରଶିକ୍ଷଣ କେନ୍ଦ୍ରରେ ଶିକ୍ଷାଦାନ ହାସଲ କରି ଜୀବିକା ନିର୍ବାହ କରିପାରିବା ସହ ପରିବାର ତଥା ସମାଜର ଅର୍ଥନୈତିକ ଅଭିବୃଦ୍ଧିରେ ସହାୟକ ହୋଇପାରିବେ । ପ୍ରକାଶଥାଉ କି, ଆଜି ସୁଦ୍ଧା ଏହି କେନ୍ଦ୍ରରୁ 280 ରୁ ଅଧିକ ଯୁବକ ଯୁବତୀ ପ୍ରଶିକ୍ଷିତ ହୋଇ ବିଭିନ୍ନ ସଂସ୍ଥାରେ କର୍ମନିଯୁକ୍ତି ହାସଲ କରିପାରିଛନ୍ତି । 

ଏହି ଅବସରରେ କମ୍ପାନୀର ସିଇଓ ଶ୍ରୀ କାଲେ ପ୍ରକାଶ କରିଛନ୍ତି ଯେ, ଆଗାମୀ ଦିନରେ ଛାତ୍ରଛାତ୍ରୀଙ୍କ ପ୍ରଶିକ୍ଷଣ ଲାଗି ଆବଶ୍ୟକତାକୁ ଦୃଷ୍ଟିରେ ରଖି ଆମର ସାମାଜିକ ଦାୟିତ୍ୱବୋଧ ବିଭାଗ ତରଫରୁ ଜିଲ୍ଲାରେ ଅଧିକରୁ ଅଧିକ କାର୍ଯ୍ୟକ୍ରମ ହାତକୁ ନିଆଯିବ । ସେହିପରି ବଲାଙ୍ଗିର ସହର ଏବଂ ଏହାର ଆଖପାଖ ଅଞ୍ଚଳରେ ସାମାଜିକ ବିକାଶ ପାଇଁ କମ୍ପାନୀ ସଦାସର୍ବଦା ପ୍ରଚେଷ୍ଟା ଜାରି ରଖିବ । ଗୁଣାତ୍ମକ ବିଦ୍ୟୁତ୍ ସେବା ସହିତ ସାମାଜିକ ଦାୟିତ୍ୱବୋଧକୁ କମ୍ପାନୀ ନିଷ୍ଠାପର ଭାବେ ପାଳନ କରୁଅଛି ।