01-Feb-2024

ବୀରମହାରାଜପୁର,( ବିନୋଦ ପାଣ୍ଡେ  ): ବୀରମହାରାଜପୁର ବ୍ଲକ ପିତାମହୁଲ ପଞ୍ଚାୟତ ଅନ୍ତର୍ଗତ ଚୌହାନପୁର ସ୍ଥିତ ମାତା ମଠ ପରିସରରେ ଜଳ ଯୋଗାଣ ପ୍ରକଳ୍ପ ନିର୍ମାଣ ପାଇଁ ଗୁରୁବାର ଭୂମି ପୂଜନ ଅନୁଷ୍ଠିତ ହୋଇଯାଇଛି। ଏଥିରେ ସ୍ଥାନୀୟ ସରପଞ୍ଚ ଆକସ୍ମିକ ବଢିଆ ମୁଖ୍ୟ ଅତିଥି ଭାବେ ଯୋଗଦେଇ ପୂଜାର୍ଚ୍ଚନା କରି ଉକ୍ତ ପ୍ରକଳ୍ପ ନିର୍ମାଣ କାର୍ଯ୍ୟ ଶୁଭାରମ୍ଭ କରିଥିଲେ। ଏହି ପ୍ରକଳ୍ପ ନିର୍ମାଣ ହେଲେ ପିତାମହୁଲ ବ୍ୟତୀତଟେଭାପଦର,ବୁରମାଲ,ଦୁରଦୁରା,ଚୌହାନପୁର,କାଶଲପୁର ,ଭାଟପଦର,କୁଞ୍ଜାମହୁଲ, ଡୁଲେଶ୍ଵର, ଠାକୁରପୁର ଓ ଗରିଆମୁଣ୍ଡା ଗ୍ରାମର ଜନସାଧାରଣ ଉପକୃତ ହେବାର ଲକ୍ଷ୍ୟ ରଖାଯାଇଛି। ଆଗରୁ ବିଶୁଦ୍ଧ ପିଇବା ପାଣି ପାଇଁ ଅନେକ ଥର ଅଭିଯୋଗ ହୋଇଆସୁଥିଲା।‌ ଏଣୁ ରାଜ୍ୟ ସରକାର ଙ୍କ  ପକ୍ଷରୁ ବହୁ ଅର୍ଥ ବିନିମୟରେ ଉକ୍ତ ପ୍ରକଳ୍ପ ନିର୍ମାଣ କାର୍ଯ୍ୟ ହେଉଥିବା ଜଣାଯାଇଛି। ଯଥାଶୀଘ୍ର ଏହି ପ୍ରକଳ୍ପ ନିର୍ମାଣ କାର୍ଯ୍ୟ ଶେଷ କରି ଲୋକଙ୍କୁ ବିଶୁଦ୍ଧ ପାନୀୟ ଜଳ ଯୋଗାଇ ଦିଆଯିବ ବୋଲି ଠିକାଦାର ଶ୍ରୀନ୍ନିବାସ ମିଶ୍ର ପ୍ରକାଶ କରିଛନ୍ତି। ଏଥିରେ ସମାଜସେବୀ ପ୍ରଦିପ ବଢ଼ିଆ, ଶ୍ରୀକାନ୍ତ କର୍ମୀ ଓ ୱ।ର୍ଡ ସଭ୍ୟଙ୍କ ସହ ଜନସାଧାରଣ ଉପସ୍ଥିତ ଥିଲେ।