19-Dec-2020

ବଲାଙ୍ଗୀର,(ପ୍ରେରଣା ଖବର)- ଆଜି ସିଭିଲ କୋର୍ଟ ପରିସରରେ ଏକ ରାଷ୍ଟ୍ରୀୟ ଲୋକ  ଅଦାଲତ ଅନୁଷ୍ଠିତ ହୋଇଯାଇଛି । ଜିଲ୍ଲା ଜଜ୍ ତଥା ଅ।ଇନ ସେବା ପ୍ରାଧିକରଣର ସଚିବ ଦେବାଶିଷ ଦାସଙ୍କ ପରିଚାଳନାରେ ଅନୁଷ୍ଠିତ ଏହି ଲୋକ ଅଦାଲତରେ ୨୭ଟି ଦେୱାନୀ ମୁକଦ୍ଦମାର ଫଇସଲା ହୋଇଥିଲା । ୧୨ଟି ବ୍ୟାଙ୍କ ମୁକଦ୍ଦମାର ଫାଇସଲା ହୋଇ ୩ଠ.୨୫,୪୩୩ ଟଙ୍କାରେ କେସ୍ ଫାଇସଲା ହୋଇଥିଲା ।  ୮୧ଟି ଫୌଜଦାରୀ ମାମଲାର ଫଇସଲା ହୋଇଥିବା ବେଳେ ୧୧ଟି ଏମ୍‌ଏସିଟି କେସ୍‌ର ଫଇସଲା ହୋଇ ୭୮ ଲକ୍ଷ ୮୬ ହଜାର ଟଙ୍କାରେ ସମାଧାନ ହୋଇଥିଲା । ୫ଟି ପାରିବାରିକ କନ୍ଦଳର ସମାଧାନ ହୋଇଥିଲା । ପ୍ରାକ୍ ମୁକଦ୍ଦମା ଭାବରେ ୫୯ଟି କେସ୍‌ର ଫାଇସଲା ହୋଇଥିବା ସୂଚନା ମିଳିଛି l

ଅନ୍ୟ ମାନଙ୍କ ମଧ୍ୟରେ ଫେମିଲି ଜଜ୍ ପ୍ରସାନ୍ତ ନାୟକ,ସ୍ଥାୟୀ ଲୋକ ଅଦାଲତର ଅଧ୍ୟକ୍ଷ ପ୍ରଶାନ୍ତ ଦାସ, ଭିଜିଲାନ୍ସ ଜଜ୍ ଅଜନ୍ତା ଷଡଙ୍ଗୀ, ଅତିରିକ୍ତ ଜିଲ୍ଲା ଜଜ୍ ପ୍ରଜ୍ଞା ପରମିତା ରାଉଳ, ମୁଖ୍ୟ ବିଚାର ବିଭାଗୀୟ ଜଜ୍ ଅଭିଲାଷ ସେନାପତି, ସିଭିଲ କୋର୍ଟ ରେଜିଷ୍ଟାର ଅମିତ କୁମାର ବାରିକ, ସିଭିଲ ଜଜ୍‌(ବରିଷ୍ଠ) ସସ୍ମିତା ନନ୍ଦିନୀ ତ୍ରିପାଠୀ, ଅତିରିକ୍ତ ସିଭିଲ ଜଜ୍ ସୀମା ତ୍ରିପାଠୀ, ଏସ୍‌ଡିଜେଏମ୍ କୈଲାସ ସାହୁ,  ସିଭିଲ ଜଜ୍‌(କନିଷ୍ଠ) ସସ୍ମିତା ସେଠୀ, ପ୍ରଥମ ବିଚାର ବିଭାଗୀୟ ଜଜ୍ ସୌରଭ ସର୍ମା ଓ ଅବିନାଶ ନନ୍ଦ ଏବଂ ସ୍ପେସିଆଲ ଜୁଡିସିଆଲ ମାଜିଷ୍ଟ୍ରେଟ୍ ରମେଶ ଚନ୍ଦ୍ର ରାୟଗୁରୁ ପ୍ରମୁଖ ଏହି ଲୋକ ଅଦାଲତରେ ଉପସ୍ଥିତ ରହି ମୁକଦ୍ଦମା ଗୁଡିକର ଫଇସଲା କରିଥିଲେ । ଜିଲ୍ଲା ଜଜ୍ ତଥା ଜିଲ୍ଲା ଆଇନ ସେବା ପ୍ରାଧିକରଣର ଅଧ୍ୟକ୍ଷ ଶ୍ୟାମ ସୁନ୍ଦର ଦାଶଙ୍କ ପ୍ରତ୍ୟକ୍ଷ ପରିଚାଳନାରେ ଅନଷ୍ଠିତ ଏହି ଲୋକ ଅଦାଲତରେ  ସିଭିଲ କୋର୍ଟ ସମସ୍ତ ଜଜ୍ ଉପସ୍ଥିତ ଥିବା ବେଳେ  ସିଭିଲ କୋର୍ଟ କର୍ମଚାରୀ ମାନେ ଲୋକ ଅଦାଲତ ପରିଚାଳନାରେ ସହଯୋଗ କରିଥିଲେ ।