25-Jan-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): ସରକାର କୋମଳମତି ଶିଶୁମାନଙ୍କ ସ୍ବାସ୍ଥ୍ୟ ସହ ଶିକ୍ଷାର ବିକାଶ ପାଇଁ ଅନେକ ଯୋଜନା କରି ବିପୁଳ ଅର୍ଥ ବିନିଯୋଗ କରୁଛନ୍ତି ।ହେଲେ ବିଭାଗୀୟ ଅଧିକାରୀଙ୍କ ଅବହେଳା ଯୋଗୁଁ ଶିଶୁମାନେ ସରକାରୀ ସୁବିଧାରୁ ବଞ୍ଚିତ ହେଉଥିବା ଅଭିଯୋଗ ହୋଇଛି । ସରକାର କା ମାଲ୍ ଦରିଆରେ ମେ ଡାଲ ଭଳି ଏଠି ଯୋଜନା ଚାଲିଛି ।ଏଭଳି ଏକ ସମସ୍ୟା ଦେଖିବାକୁ ମିଳିଛି କଣ୍ଟାମାଳ ବ୍ଲକ ଶିମିଳିପଦର ପଞ୍ଚାୟତ ଅନ୍ତର୍ଗତ ଫଗୁଣାମାଳ ଗ୍ରାମରେ ଥିବା ଅଙ୍ଗନୱାଡି କେନ୍ଦ୍ର ।ଦୀର୍ଘ ୩ବର୍ଷ ପୂର୍ବେ ନିର୍ମାଣ କାର୍ଯ୍ୟ ଆରମ୍ଭ ହୋଇଥିଲା । ହେଲେ କୌଣସି କାରଣ ବଶତଃ ଉକ୍ତ କେନ୍ଦ୍ରଟି ବର୍ତ୍ତମାନ ସୁଦ୍ଧା ଲିନଟେନ ପର୍ଯ୍ୟନ୍ତ କାମ ହୋଇ ଅସମ୍ପୂର୍ଣ୍ଣ ହୋଇପଡ଼ି ରହିଥିବା ଗ୍ରାମବାସୀ ଅଭିଯୋଗ କରିଛନ୍ତି ।ଉକ୍ତ କେନ୍ଦ୍ରକୁ ଶୀଘ୍ର ସଂପୂର୍ଣ୍ଣ କରିବାକୁ ସାଧାରଣରେ ଦାବି ହେଉଛି ।ଏସଂପର୍କରେ କଣ୍ଟାମାଳ ବିଡିଓ ସାମି ଜୟଶ୍ରୀ ରେଡ୍ଡୀଙ୍କୁ ପଚାରିବାରୁ ଏହାକୁ ଅତି ଶୀଘ୍ର ମରାମତି କରାଯିବ ବୋଲି କହିଛନ୍ତି ।