24-Jan-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ): କଣ୍ଟାମାଳ ବନବିଭାଗ ପକ୍ଷରୁ କଣ୍ଟାମାଳ ରେଞ୍ଜ ଅନ୍ତର୍ଗତ ଘଣ୍ଟାପଡ଼ା ଅଞ୍ଚଳରୁ ୪୭ ଖଣ୍ଡ କେନ୍ଦୁ ଗଣ୍ଡି ଓ ଗାଡି ଜବତ କରାଯାଇଛି l ଏଥିରେ ସମ୍ପୃକ୍ତ ଜଣେ ବ୍ୟକ୍ତିକୁ ଗିରଫ କରାଯାଇଛି l ସୂଚନା ପ୍ରକାରେ ବିଶ୍ୱସ୍ତ ସୂତ୍ରରୁ ଖବର ପାଇ ଏସିଏଫ ଆଶିଷ କହଁରଙ୍କ ନେତୃତ୍ୱରେ ଗତକାଲି ରାତି ପ୍ରାୟ ଦୁଇ ଘଣ୍ଟା ସମୟରେ ବନବିଭାଗର ଏକ ଟିମ ଘଣ୍ଟାପଡ଼ା ରୁ ଆମ୍ବଗାଁ ରାସ୍ତାରେ ପେଟ୍ରୋଲିଙ୍ଗ କରୁଥିଲେ l ଉକ୍ତ ସମୟରେ ନାରାୟଣପ୍ରସାଦ ଅଞ୍ଚଳରୁ ଆସୁଥିବା ଏକ ୪୦୭ ଡାଲା ଗାଡି (ଓଆର ୧୭ସି ୦୦୧୯) କୁ ଅଟକାଇ ଯାଞ୍ଚ କରିବାରୁ ୪୭ ଖଣ୍ଡ

କେନ୍ଦୁ ଗଣ୍ଡି ମିଳିଥିଲା l କେନ୍ଦୁ ଗଣ୍ଡି ଓ ଗାଡି ଜବତ କରିବା ସହିତ ଚୋରା ଚାଲାଣରେ ସମ୍ପୃକ୍ତ ଜଣେ ବ୍ୟକ୍ତିକୁ ଗିରଫ କରିଛି ବନବିଭାଗ l ଅଭିଯୁକ୍ତ ଜଣକ ବରଗଡ଼ ଜିଲା ଗାଇସିଲେଟ ବ୍ଲକ ଟେଙ୍ଗନାପାଲି ଗ୍ରାମର ଲକ୍ଷ୍ମଣ ବରିହା(୨୫) ବୋଲି ଜଣା ପଡିଛି l ଉକ୍ତ ଚଢ଼ାଉରେ ଘଣ୍ଟାପଡ଼ା ବନପାଳ ଚନ୍ଦ୍ରଶେଖର ଦାଶ, ବନରକ୍ଷୀ ଦିଗାମ୍ବର ପ୍ରଧାନ, ବୌଦ୍ଧ ମୋବାଇଲ ଏପିଆର ଦଳ ଏବଂ କଣ୍ଟାମାଳ ବନାଞ୍ଚଳର ବନ ବିଭାଗ କର୍ମଚାରୀ ସାମିଲ ଥିଲେ l