25-Dec-2023

ବେଲପଡା (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ବେଲପଡା ଥାନା ଅନ୍ତର୍ଗତ ପାଲେଶିରା ଗାଁ ରେ ଜଣେ ଅସହାୟ ଗରିବ ମହିଳାଙ୍କ ଗୃହ ନିର୍ମାଣ କାର୍ଯ୍ୟ ରେ ବାଧାପ୍ରାପ୍ତ ହୋଇଥିବାରୁ ଥାନା ର ଦ୍ବାରସ୍ଥ ହୋଇଛନ୍ତି। ସୂଚନା ଅନୁସାରେ ନୁନହାଡ ପଞ୍ଚାୟତ ପାଲେଶିରା ଗାଁ ରେ ରୁହନ୍ତି ଅମ୍ବିକା କୁଅଁର (୫୫) ସ୍ବାମୀ.ଅର୍ତୁ କୁଅଁର । ତାଙ୍କ ଜମିବାଡ଼ି ନଥିବାରୁ ସେ ଦୀର୍ଘ ପଚାଶ ବର୍ଷ ହେଲା ବିଦ୍ୟାଳୟ ପଛପଟେ ସରକାରୀ ଜମି ରେ ମାଟି କୁଡିଆ ନିର୍ମାଣ କରି ରହି ଆସୁଥିଲେ । ତାଙ୍କ ନାମରେ ପ୍ରଧାନମନ୍ତ୍ରୀ ଆବାସ ଯୋଜନାରେ ଏକ ଗୃହ ମଞ୍ଜୁର ହୋଇଥିବା ବେଳେ ସେ ନିର୍ମାଣ କାର୍ଯ୍ୟ ଆରମ୍ଭ କରିଥିଲେ। ହେଲେ ଉକ୍ତ ଗ୍ରାମର କିଛି ଖଳ ପ୍ରକୃତିର ଲୋକ ୨୨/୧୨/୨୩ ଦିନ ଆସି ତୁ ଏଠି ଘର ନିର୍ମାଣ କରିପାରିବୁ ନାହିଁ।ଏହା ସରକାରୀ ଜମି ବୋଲି ଧମକ ଦେଇଥିବାରୁ ସେ ନିଃସହାୟ ମହିଳା ଜଣକ ଗାଁ ର ଜଣେ ସମାଜସେବୀ ବିଷ୍ଣୁ ସୁନା ନାମକ ବ୍ୟକ୍ତିଙ୍କୁ ଗୁହାରି କରିଥିଲେ। ବିଷ୍ଣୁ ସୁନା ଏ ବିଷୟରେ ଏଲ,ଡି,ଏ ପ୍ରତିଷ୍ଠାତା ଲବ ସୁନାଙ୍କୁ ଜଣାଇ ଥିବା ବେଳେ ଆଜି ଲବ ସୁନାଙ୍କ ନେତୃତ୍ୱରେ ଏକ ଟିମ୍ ଆସି ବେଲପଡା ଥାନା ରେ ଏତଲା ଦେଇଛନ୍ତି। ଏତଲା ରେ ଉକ୍ତ ଗାଁ ର ମହନ ଖର୍ସେଲ, ଶାନ୍ତନୁ ଖର୍ସେଲ, ଗୋବିନ୍ଦ ଖର୍ସେଲ, ନବଘନ ଖର୍ସେଲ, ରାଜକୁମାର ପାଣିଗ୍ରାହୀ ଙ୍କ ନାଁ ଉଲ୍ଲେଖ କରାଯାଇଛି। ଉକ୍ତ ବ୍ୟକ୍ତି ଙ୍କୁ ଆସନ୍ତାକାଲି ଡ଼ାକି ସମସ୍ୟାର ସମାଧାନ କରିବାକୁ ସବ୍ ଇନ୍ସପେକ୍ଟର ପଦ୍ମଲୋଚନ ଖର୍ସେଲ ପ୍ରତିଶୃତି ଦେଇଛନ୍ତି ।