17-Dec-2020

କୋକସରା (ତ୍ରିନାଥ ବେଶ୍ରା)
କଳାହାଣ୍ଡି ଜିଲ୍ଲାକୋକସରା ବ୍ଲକ କୁସୁମଖୁଣ୍ଟି ଏନ ଏଚ 26 ମିନିଷ୍ଟାଡିଅମ ରେ କୁସୁମଖୁଣ୍ଟି କ୍ରିକେଟ କ୍ଳବ ଆନୁକୂଲ୍ୟରେ ନକଆଉଟ କ୍ରିକେଟ ଟୁର୍ନାମେଣ୍ଟ ଫାଇନାଲ ମ୍ୟାଚ ଅନୁଷ୍ଠିତ ହୋଇଯାଇଛି l ଗତାବନ୍ଦ ଓ ଚାରଵାହାଲ ମଧ୍ୟରେ ଫାଇନାଲ ଖେଳ ଅନୁଷ୍ଠିତ ହୋଇଥିଲା l ଏଥିରେ ଗତାବନ୍ଦ  ଦଳ ପ୍ରଥମେ ବ୍ୟାଟିଙ୍ଗ କରି ନିର୍ଧାରିତ 12ଓଭର ରେ 8 ଉଇକେଟ ହରେଇ 118 ରନ ସଂଗ୍ରହ କରିଥିଲା l ଜବାବରେ ଚାରଵାହାଲ  ଦଳ 4 ଉଇକେଟ ହରେଇ 109 ରନ କରି ପରାଜିତ ହୋଇଥିଲା l ଗତାବନ୍ଦ ଦଳ ର  ଚିତା ମାଝୀ ମେନ ଅଫ ଦି ସିରିଜ ଓ ଚାରଵାହାଲ ଦଳ ର ଗୋପୀ କିସାନ ମେନ ଅଫ ଦି ମ୍ୟାଚ ଘୋଷିତ ହୋଇଥିଲେ lକୁସୁମଖୁଣ୍ଟି କ୍ରିକେଟ କ୍ଳବ ର ଅଶ୍ୱିନ କର ଓ ରାଜକୁମାର ବାଗ,ଦେବ ପୂଜାରୀ  ଙ୍କ ସଂଯୋଜନା ରେ ଅନୁଷ୍ଠିତ ହୋଇଥିବା ଏହି ଟୁର୍ନାମେଣ୍ଟ ର ଫାଇନାଲ ଦିବସ ରେ ମୋଟେର ସରପଞ୍ଚ ଇଂ ସୁଶୀଲ କୁମାର ଶବର ମୁଖ୍ୟ ଅତିଥି ଭାବେ ଯୋଗ ଦେଇଥିଲେ l ଅନ୍ୟ ଅତିଥି ମାନଙ୍କ ମଧ୍ୟରେ ଟିକେଶ୍ୱର ରାଉତ, ଲିଙ୍ଗରାଜ ବେହେରା, ସୁଦର୍ଶନ ବେହେରା, କୃପାସିନ୍ଧୁ ପାତ୍ର, ନିହାର ମୁଣ୍ଡ, ଅନିଲ କୁମାର ବାଗ, କୁଷଧ୍ଵଜ ଛତ୍ରିଆ, ପ୍ରମୁଖ ମଞ୍ଚାସିନ ହୋଇ  ବିଜୟୀ ଓ ରନର୍ସଅପ ଦଳ କୁ ଟ୍ରଫି ସହ ପୁରସ୍କାର ରାଶି 8000 ଓ 6000 ଟଙ୍କା ପ୍ରଦାନ କରାଯାଇଥିଲା l ଦୀନେଶ ଧଙ୍ଗଡାମାଝୀ ଓ ହିତେଶ ନାଏକ ଙ୍କୁ ବରିଷ୍ଟ ସ୍ବେଛାସେବୀ ପୁରସ୍କାର ପ୍ରଦାନକରାଯାଇଥିଲା l ବରିଷ୍ଠ କ୍ରିକେଟର ହିରଣ୍ୟ ବେହେରା ଓ ଦୟା କର ଏହି ଖେଳ କୁ ପରିଚାଳନା କରିଥିଲେ l ପପୁ ବେହେରା(ଭାଇ ଜାନ ) ସ୍କୋର ବୋର୍ଡ ସମ୍ଭାଳି ଥିବା ବେଳେ ପ୍ରଶାନ୍ତ ଖିଲ ଓ ମନମୋହନ ଦାସ  ଖେଳର ପ୍ରତ୍ୟକ୍ଷ ଦର୍ଶୀ ଧାରା ବିବରଣୀ ପ୍ରଦାନ କରିଥିଲେ l