15-Nov-2023

ଆଗଲପୁର, (ବିନୋଦ କୁମାର ଦୀପ) ଆଗଲପୁର ବ୍ଲକର ଦୈନିକ ସମାଜ ର ସାମ୍ବାଦିକ ତଥା ରାଜ୍ୟ ପେଶାଦାର ସାମ୍ବାଦିକ ସଂଘ ଓ ବଲାଙ୍ଗୀର ଜିଲ୍ଲା ସାମ୍ବାଦିକ ସଂଘର ସଦସ୍ଯ ଡାକ୍ତର ପୁଟେଲଙ୍କ ବାପା ମହାଜନ ପୁଟେଲଙ୍କ ୯୧ ବର୍ଷ ବୟସରେ ଆଜି ପରଲୋକ ହୋଇଯାଇଛି। ସ୍ବର୍ଗତ ମହାଜନ ପୁଟେଲ ୧୯୭୦ ରୁ ୧୯୭୫ ମସିହା ପର୍ଯ୍ୟନ୍ତ ରିନବଚନ ସରକାରୀ ବିଦ୍ୟାଳୟରେ ଓ ୧୯୮୦ ରୁ ୧୯୯୦ ମସିହା ପର୍ଯ୍ୟନ୍ତ ବାଗଝୋଲା ସରକାରୀ ବିଦ୍ୟାଳୟ ପରିଚାଳନା କମିଟିର ସଭାପତି ଭାବେ ଦାଇତ୍ବ ତୁଲାଇଥିଲେ। ସେ ଜଣେ ଧର୍ମପରାୟଣ ପରୋପକାରୀ ମଣିଷ ଭାବରେ ପରିଚିତି ଥିଲେ l ଆଗଲପୁର ଅଞ୍ଚଲର ବିଭିନ୍ନ ଧାର୍ମିକ ଅନୁଷ୍ଠାନ ମାନଙ୍କ ସହିତ  ଶ୍ରୀ ପଟେଲ ସମ୍ପୁର୍ଣ୍ଣ ଭାବରେ ଜଡିତ ଥିଲେ। ତାଙ୍କର ମୃତ୍ୟୁ ସମୟରେ ଜୈଷ୍ଠ  ପୁତ୍ର ମହାଦେବ, ମଧ୍ୟମ ପୁତ୍ର ଡାକ୍ତର , ସାନ ପୁତ୍ର ସୁବାଷ,  ପୁତ୍ରବଧୁ  ଧରିତ୍ରୀ , ବିଷ୍ଣୁପ୍ରିୟା, ବିଜୟଲକ୍ଷ୍ମୀ ନାତି ଧରଣିଧର, ଟିକେଶ୍ବର, ବୈଷ୍ଣବ, ମୋହନ ନାତୁଣି ଜ୍ୟୋତିର୍ମୟୀ, ସୃତିରାଣୀ, ଝିଅ, ଜ୍ୱାଇଁ ଉପସ୍ଥିତ ଥିବା ବେଲେ ଅଞ୍ଚଲର ଅନେକ ଜନସାଧାରଣ ତାଙ୍କ ଶେଷ ଦର୍ଶନ କରିଥିଲେ l ଜୈଷ୍ଠ ପୁତ୍ର ମହାଦେବ ଗ୍ରାମର ମଶାଣୀ ଘାଟରେ ମୁଖାଗ୍ନି ଦେଇଥିଲେ। ମହାଜନ ପଟେଲଙ୍କ ବିୟୋଗ ଖବର ପାଇବା ପରେ ଅଞ୍ଚଳରେ ଶୋକର ଛାୟା ଖେଳିଯାଇଛି l