14-Dec-2020

ବଲାଙ୍ଗିର, (ପ୍ରେରଣା ଖବର) - ବଲାଙ୍ଗୀର ସହର ମଧ୍ୟରେ ଥିବା ଜେଏସଏମ,ବାଣିଜ୍ୟ ବିଭାଗ କଲେଜ ପରିସରରେ ପ୍ରଥମ ଥର ତଥା ପ୍ରଥମ ବର୍ଷ ପାଇଁ ସି ଏ (ଚାର୍ଟଟେଟ ଏକାଉଁଟେଣ୍ଡ) ପରୀକ୍ଷା ଆରମ୍ଭ ହୋଇଥିଲା। ନଭେମ୍ବର ୨୧ ତାରିଖ ରୁ ଡିସେମ୍ବର ୧୪ ତାରିଖ ପର୍ଯ୍ୟନ୍ତ ଚାଲିଥିବା ଏହି ପରୀକ୍ଷାରେ କରୋନା କଟକଣାକୁ ପାଳନ କରାଯାଇ ତଥା ରାଜ୍ୟ ସରକାରଙ୍କ ନିର୍ଦେଶlନୁକ୍ରମେ ଛାତ୍ରଛାତ୍ରୀଙ୍କ ସ୍ୱାସ୍ଥ୍ୟବସ୍ଥା କରାଯାଇଥିଲା l  କୋଭିଡ଼ କଟକଣା ପାଇଁ ସରକାରଙ୍କ ସରକାରୀ ଗାଇଡ଼ ଲାଇନ ଅନୁସାରେ ପରୀକ୍ଷା ଶେଷ ହୋଇଯାଇଛି l ଜିଲ୍ଲାରେ ଏହା ପ୍ରଥମ ଥର ଜେ ଏସ୍ ଏମ୍ କଲେଜ ରେ ଏହି ପରୀକ୍ଷା ହୋଇଥିବାରୁ ସମସ୍ତଙ୍କ ମଧ୍ୟରେ ଉତ୍ସାହ ଦେଖା ଦେଇଥିଲା l  ସେପଟେ ଏହି ଘଡ଼ିସନ୍ଧି ମୁହୂର୍ତ୍ତରେ ଜିଲ୍ଲାର ବିଭିନ୍ନ ସ୍ଥାନରୁ ଆସିଥିବା ସି ଏ ପରୀକ୍ଷାର୍ଥୀ ନିଜ ସ୍ଥାନରେ ହୋଇଥିବା ପରୀକ୍ଷା ଓ ତାଙ୍କ ପାଇଁ ସମସ୍ତ ସୁ ବନ୍ଦୋବସ୍ତ କୁ ନେଇ ଉତ୍ସାହିତ ଥିବା ଜଣାପଡିଥିଲା।  ସିଏ ପରୀକ୍ଷା ନିଜ ସ୍ଥାନରେ ହେଲେ  ଏଠିକାର ଛାତ୍ରଛାତ୍ରୀ ଉପକୃତ ହେବେ ବୋଲି ଛାତ୍ରଛାତ୍ରୀ ନିଜସ୍ୱ ମତ ରଖିଛନ୍ତି। ଅନ୍ୟପଟେ  ଇନଷ୍ଟିଚ୍ୟୁଟ ଅଫ ଚାର୍ଟେଡ ଏକାଉଣ୍ଟ୍ ଅଫ ଇଣ୍ଡିଆ କୁ ବଲାଙ୍ଗୀର ଭଳି ଗୋଟିଏ ରିମୋଟ୍ ଏରିଆ ର  ଜେ ଏସ୍ଏମ କଲେଜ ଅଫ୍ କମର୍ସ କଲେଜ କୁ ସିଏ ପରୀକ୍ଷା କେନ୍ଦ୍ର ଭାବେ ଚୟନ କରିଥିବାରୁ  କଲେଜ କର୍ତୃପକ୍ଷ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି।