14-Dec-2020

ସମ୍ବଲପୁର,(ସଞ୍ଜିବ ପାଣିଗ୍ରାହୀ ଙ୍କ ରିପୋର୍ଟ): ବିଜେପି ରାଜ୍ୟ ସଭାପତି ସମୀର ମହାନ୍ତି ଆଜି ଠୁ ବାହାରିଛନ୍ତି ତିନି ଦିନିଆଁ ପଶ୍ଚିମ ଓଡିଶା ଗସ୍ତରେ । ଶ୍ରୀ ମହାନ୍ତି ଙ୍କ ସହିତ  ରାଜ୍ୟ ସମ୍ପାଦକ ଟଙ୍କଧର ତ୍ରିପାଠୀ ଆଜି ଭୁବନେଶ୍ୱର ରୁ ରେଳ ଯୋଗେ ଆସି  ମଧ୍ୟାହ୍ନ ରେ ସମ୍ବଲପୁର ରେ ପହଞ୍ଚି ଥିଲେ । ସମ୍ବଲପୁର ରେଳ ଷ୍ଟେସନରେ ସମ୍ବଲପୁର ବିଜେପି ପକ୍ଷରୁ ତାଙ୍କୁ ଭବ୍ୟ ସ୍ୱାଗତ କରାଯାଇଥିଲା । ସେଠାରୁ ସେ ସଡକ ପଥ ଦେଇ ବରଗଡ଼ ଜିଲ୍ଲା କୁ ଗସ୍ତ କରିଛନ୍ତି । ବରଗଡ଼ ଠାରେ ଧାନ ମଣ୍ଡି ପରିଦର୍ଶନ ସଙ୍ଗେ ସଙ୍ଗେ ବିଜେପି କାର୍ଯ୍ୟକର୍ତ୍ତା ଙ୍କ ସହ ସାକ୍ଷାତ ଓ ଆଲୋଚନା ର କାର୍ଯ୍ୟକ୍ରମ ରହିଛି । ସେଠାରୁ ଫେରିଲା ପରେ ସନ୍ଧ୍ୟା ରେ ସମ୍ବଲପୁର ବିଜେପି ଠାରେ ଜିଲ୍ଲା ର ବିଜେପି କର୍ମୀ ଓ ପଦାଧିକାରୀ ଙ୍କ ସହ ସାକ୍ଷାତ ଓ ଆଲୋଚନା ର କାର୍ଯ୍ୟକ୍ରମ ରହିଛି ।
         ଆଜି ସମ୍ବଲପୁର ରେଳ ଷ୍ଟେସନରେ ରେଙ୍ଗାଲି ବିଧାୟକ ନାଉରି ନାଏକ, ରାଜ୍ୟ ଯୁବ ମୋର୍ଚ୍ଚା ସଭାପତି ଇରାଶିଷ ଆଚାର୍ଯ୍ୟ,  ସମ୍ବଲପୁର ଜିଲ୍ଲା ପରିଷଦ ଅଧ୍ୟକ୍ଷ  ରାଧେଶ୍ୟାମ ବାରିକ, ସୀମାଞ୍ଚକ ଖଟେଇ, ଦେବେନ୍ଦ୍ର ମହାପାତ୍ର ରାମ ଚନ୍ଦ୍ର ମେହେର, ଅନିଲ ବେହେରା,  ଦାମୋଦର କର, ଡା. ରାଜକୁମାର ବଡ଼ପଣ୍ଡା, ଶମ୍ବୁ ବାରେଲିଆ, ପ୍ରକାଶ ସାହୁ, ପ୍ରଦୀପ କୁମାର ବେହେରା, ମୋହନ ପଣ୍ଡା, ମୋହନ ଦାଶ,  ସଞ୍ଜୟ ଷଡଙ୍ଗୀ, ଅନୁପ ମିଶ୍ର,  ସବିତା ନନ୍ଦ, ଆରତୀଲତା ବରାଡ଼, ରୁନୁ ପ୍ରଧାନ, କାନ୍ତି ମେହେର, ସୁଜାତା ଗୁରୁ, ଅଶ୍ୱିନୀ ମାଝୀ,  କ୍ଷେତ୍ରିୟ ପ୍ରବକ୍ତା ତଥା ଗଣମାଧ୍ୟମ ସଂଯୋଜକ, ମାନସ ରଞ୍ଜନ ବକ୍ସି,  ସମସ୍ତ ମଣ୍ଡଳ ସଭାପତି, ଯୁବ ମୋର୍ଚ୍ଚା, ମହିଳା ମୋର୍ଚ୍ଚା, ଜିଲ୍ଲା ବିଜେପି ର ବହୁ ପଦାଧିକାରୀ ଓ କାର୍ଯ୍ୟକାର୍ତ୍ତା ଉପସ୍ଥିତ ରହିଥିଲେ ।