19-Sep-2023

ବଲାଙ୍ଗୀର(ଅନ୍ତର୍ଯ୍ୟାମୀ ସାହୁ ):  ଜାତୀୟ ରାଜପଥ -୨୬ ବଲଗାଁ ନିକଟରେ  ଗତ ତା. ୧୮/୦୯/୨୩  ସମୟ ସନ୍ଧ୍ୟା  ୮:୩୦ ଘଣ୍ଟାରେ  ସଇଁନ୍ତଳା ବ୍ଲକ ଅନ୍ତର୍ଗତ ଭଦ୍ରା ପଂଚାୟତ ବଡ଼ମୁଣ୍ଡା ନିବାସୀ ଗୋବିନ୍ଦ ସାଲମା (୧୮ବର୍ଷ ) ଦୁର୍ଘଟଣା ଗ୍ରସ୍ତ ହୋଇ ଅଚେତ ଅବସ୍ଥାରେ  ଜାତୀୟ ରାସ୍ତାରେ ପଡ଼ିଥିଲେ । ମୁଣ୍ଡରେ ଭୀଷଣ ଆଘାତ ଯୋଗୁଁ ପ୍ରଚୁର ମାତ୍ରାରେ ରକ୍ତସ୍ରାବ ହୋଉଥିଲା । ସେହି ରାସ୍ତା ଦେଇ ଯାଇଥିବା ଡେଙ୍ଗ ହାଇସ୍କୁଲର ଶିକ୍ଷକ ତଥା ରେଡ଼କ୍ରସ କର୍ମୀ ରାମ ନାରାୟଣ ଦାଶ ତୁରନ୍ତ ଦେଵଦୂତ ଭାବରେ ଆସି କ୍ରାଉଡ଼ ମେନେଜମେଣ୍ଟ କରି ଆମ୍ବୁଲାନ୍ସ ସେବାକୁ ଫୋନ କରିଥିଲେ ।  ଦୁର୍ଘଟଣା ଗ୍ରସ୍ତ ବ୍ୟକ୍ତି ଟ୍ରୋମ ଅବସ୍ଥାକୁ ଲକ୍ଷ୍ୟ କରି ରକ୍ତସ୍ରାବ ବନ୍ଦ କରିବା

ପାଇଁ ନିଜେ ପିନ୍ଧି ଥିବା ଗେଞ୍ଜି ବ୍ୟବହାର କରିବା ସହିତ ଅନ୍ୟ ଲୋକଙ୍କ ସାହାର୍ଯ୍ୟରେ ସର୍କ ମେନେଜମେଣ୍ଟ କରିଥିଲେ ।ଆମ୍ବୁଲାନ୍ସ ଆସିବାରେ ବିଳମ୍ବ ହେବାରୁ  ପୋଲିସ କର୍ମଚାରୀ ଓ ଅଗ୍ନିଶ୍ରମ କର୍ମଚାରୀ ସହାୟତାରେ ତୁରନ୍ତ ସଇଁନ୍ତଳା ଡାକ୍ତରଖାନାକୁ ନେଇଥିଲେ  । ପରେ ଗୋବିନ୍ଦ ସାଲମା ଅବସ୍ଥା ସଙ୍କଟାପନ୍ନ ଥିବାରୁ ପରିବାର ଜନ ବଲାଙ୍ଗୀର ହସ୍ପିଟାଲକୁ ନେଇଥିଲେ । ବଲାଙ୍ଗୀର ଡାକ୍ତରଙ୍କ ପରାମର୍ଶ କ୍ରମେ ବୁର୍ଲା ହସ୍ପିଟାଲକୁ ଗୋବିନ୍ଦକୁ ପରେ ସ୍ଥାନାନ୍ତରିତ କରାଯାଇଥିଲା । ଖବର ଲେଖା ବେଳେକୁ ଗୋବିନ୍ଦର ସ୍ୱାସ୍ଥ୍ୟ ଅବସ୍ଥା କିଛି ମାତ୍ରରେ ଉନ୍ନତି ହୋଇଥିବାର ଜଣାପଡିଛି  ।