29-Jul-2023

ପଦ୍ମପୁର (ପ୍ରେରଣା ଖବର )
 ସରସ୍ୱତୀ ଶିଶୁ ବିଦ୍ୟା ମନ୍ଦିର, ପଦ୍ମପୁର ର ବିଦ୍ୟାଳୟ ସ୍ତରୀୟ ଜ୍ଞାନ ବିଜ୍ଞାନ ମେଳା ଉଦଘାଟିତ ହୋଇଯାଇଛି ।ଶିଶୁ ମନ୍ଦିର ପରିସରରେ ଶ୍ରୀମତୀ ଜୟନ୍ତୀ ବେହେରା ଦୀପ ପ୍ରଜ୍ୱଳନ ପୂର୍ବକ ଉଦ୍ଘାଟନ କରିଥିଲେ ।ଶିଶୁ ବାଟିକା ଓ ପ୍ରାଥମିକ ବିଭାଗ ରୁ  ୧୯୧  ଜଣ ପ୍ରତିଭାଗୀ ଶିଶୁ ଭାଗନେଇ ଥିବା ବେଳେ ଦିବା ପର୍ଯ୍ୟାୟ ପ୍ରମୁଖ ମୁଦିରଥ ପଣ୍ଡା ଓ ପ୍ରାତଃ ପର୍ଯ୍ୟାୟ ପ୍ରମୁଖା ସୁଜାତା ତ୍ରିପାଠୀ ପୁରସ୍କାର ପ୍ରଦାନ କରିଥିଲେ ।ସହ ବିଜ୍ଞାନ ପ୍ରମୁଖ ବିବେକା ଗୁରୁଜୀ ସହଯୋଗ କରିଥିଲେ ।ବିଦ୍ୟା ମନ୍ଦିର ପରିସରରେ ଶ୍ରୀଯୁକ୍ତ କିଶୋର ପାତ୍ର ବିଜ୍ଞାନ ଶିକ୍ଷକ ମୂଖ୍ୟ ଅତିଥି ଭାବରେ ଯୋଗଦେଇ କୁନି ବୈଜ୍ଞାନିକ ମାନଙ୍କୁ ବୈଜ୍ଞାନିକ ଚିନ୍ତା ଧାରା ଉପରେ ଉତ୍ସାହିତ କରିଥିଲେ ।ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ଯୁବରାଜ ପଧାନ ଉଦ୍ଦେଶ୍ୟ ଜ୍ଞାପନ କରିଥିଲେ ।ସହ ପ୍ରଧାନ ଆଚାର୍ଯ୍ୟ ଚୈତନ୍ୟ ଭୋଇ ଅତିଥି  ପରିଚୟ ଓ ସ୍ୱାଗତ ଭାଷଣ ପ୍ରଦାନ କରିଥିଲେ।ମମତା ଗଡ଼ତିଆ ବିଜ୍ଞାନ ପ୍ରମୁଖ ଧନ୍ୟବାଦ ଅର୍ପଣ କରିଥିଲେ ।ଶିଶୁ ବର୍ଗ ରୁ ୫୪ ଜଣ,ବାଳବର୍ଗ ରୁ  ୩୮ ଜଣ ଓ କିଶୋର ବର୍ଗରୁ ୧୦ ଜଣ ଭାଗନେଇ ଥିବା ବେଳେ ୧୦ ଜଣ ସଂକୁଳ ସ୍ତରୀୟ ଜ୍ଞାନ ବିଜ୍ଞାନ ମେଳା କୁ ମନୋନୀତ ହୋଇଥିଲେ ।ସମସ୍ତ ଗୁରୁଜୀ ଗୁରୁମା ଙ୍କ ସହଯୋଗ ରେ କାର୍ଯ୍ୟକ୍ରମ ଟି ସଫଳ ହୋଇଥିଲା ।