29-Jul-2023

ନୂଆପଡ଼ା ଜିଲ୍ଲାରେ ୧୬ହଜାର ଆଦିବାସୀ ଜଙ୍ଗଲ ଜମି ପଟ୍ଟା ପାଇବାର ବଞ୍ଚିତ ରହିଛନ୍ତି l ଏନେଇ ଶୁକ୍ରବାର ଦିନ ଜିଲ୍ଲାପାଳ ଅଫିସ୍ ଘେରାଉ କରାଯାଇଛି l
ଆଦିବାସୀ ମାନେ ପାରମ୍ପରିକ ଅସ୍ତ୍ରଶସ୍ତ୍ର ଧରି ଜିଲ୍ଲାପାଳ ଅଫିସ୍ କୁ ଧସେଇ ପଶିବା ବେଳେ ପୋଲିସ ସହ ଧସ୍ତାଧସ୍ତି ହୋଇଛନ୍ତି l ଜିଲ୍ଲା ଆଦିବାସୀ କଲ୍ୟାଣ ସଂଘ ସଭାପତି ଭାନୁପ୍ରତାପ ସିଂ ମାଝୀ ନେତୃତ୍ବରେ ବହୁ ସଂଖ୍ୟାରେ ଆଦିବାସୀ ମାନେ ଠୁଳ ହୋଇ ପୋଲିସ ପଡ଼ିଆ ଠାରେ ଏକଯୁଟ ହେଇଥିଲେ l ପାରମ୍ପରିକ ଅସ୍ତ୍ରଶସ୍ତ୍ର ଧରି ବାଜା ଗଜା ସହ ଏକ ଶୋଭାଯାତ୍ରା ବାହାରି ଏକତା ଛକ୍ ରେ ସ୍ବର୍ଗତ ଘାସିରାମ

ମାଝୀ ଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରାଯାଇଥିଲା l ଏକତା ଛକ କୁ ବିଦ୍ଧି ଦ୍ଧ ଭାବେ ସ୍ବର୍ଗତ ଘାସିରାମ ମାଝୀ ଛକ ନାଁ ରେ ନାମିତ କରିଥଲେ l ସେଠାରୁ ଏକ ଶୋଭାଯାତ୍ରାରେ ସହର ପରିକ୍ରମା କରି ଜିଲ୍ଲାପାଳଙ୍କ ଅଫିସ୍ ସମ୍ମୁଖରେ ପହଞ୍ଚିଥିଲେ l ଜିଲ୍ଲାପାଳ ଅଫିସ୍ ଘେରାଉ କରିବା ସହ ଜଙ୍ଗଲ ଜମି ଅଧିକାରକୁ ନେଇ ଗର୍ଜି ଥିଲେ l ପରେ ସଭାପତି ଭାନୁପ୍ରତାପ ମାଝୀଙ୍କ ଅଧ୍ୟକ୍ଷତତାରେ ଏକ ପ୍ରତିବାଦ ସଭା ଆୟୋଜନ ହୋଇଥିଲା l ଏଥିରେ ମୁଖ୍ୟ ଅତିଥି ମୁଖ୍ୟ ଉପଦେଷ୍ଠା ବିହାରିଲାଲ ବିଶ୍ଵାଳ ଏବଂ ସମ୍ମାନିତ ଅତିଥି ଭାବେ ସମ୍ବଲପୁର ଜିଲ୍ଲା ଆଦିବାସୀ କଲ୍ୟାଣ ସଂଘ ଉପସଭାପତି ରାଜୁ ଖାଡ଼ିଆ, ଜିଲ୍ଲା ସାଧାରଣ ସମ୍ପାଦକ ବାଲକୃଷ୍ଣ ଶବର, 
ଉପ ସଭାପତି କମଲେସ ଠାକୁର, 
 

ଉପଦେଷ୍ଠା ଖାମସିଂ ମାଝୀ, ସ୍ବର୍ଗତ ଘାସିରାମ ମାଝୀ ମେମୋରିଆଲ ଟ୍ରଷ୍ଟ ଅଧ୍ୟକ୍ଷା ସରୋଜିନୀ ମାଝୀ, କୋମନା ବ୍ଲକ ସଭାପତି ଜ୍ଞାନେଶ୍ଵର ମାଝୀ, ଖଡ଼ିଆଲ ବ୍ଲକ। କାର୍ତିକେସ୍ୱର ମାଝୀ, ସିନାପାଲି ବ୍ଲକ, ଦୁର୍ବଳ ମାଝୀ, ସଭାନେତ୍ରୀ ରମ୍ବାକାନ୍ତି ମାଝୀ ପ୍ରମୁଖ ଯୋଗ ଦେଇଥିଲେ l
ନୂଆପଡ଼ା ଜିଲ୍ଲା ବ୍ଲକ ସଭାପତି ଭକ୍ତବନ୍ଧୁ ଧରୁଆ ସଭା ପରିଚଳନା କରିଥିଲେ l

(ବିଶି ଚନ୍ଦନ ମାଝୀ ଙ୍କ ରିପୋର୍ଟ )