28-Jul-2023

ବରଗଡ଼:-ବରଗଡ଼ ଜିଲ୍ଲା ବିଜେପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଅନ୍ତର୍ଗତ ପହଣ୍ଡି ସ୍ୱାସ୍ଥ୍ୟ ଆରୋଗ୍ୟ କେନ୍ଦ୍ରର ସି.ଏଚ.ଓ ସୁଶ୍ରୀ ଦିନମଣୀ ପଣ୍ଡା, ପହଣ୍ଡି ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ଛାତ୍ରଛାତ୍ରୀ ମାନଙ୍କୁ ନେଇ ସୁସ୍ଥ ପରିବେଶ ସୁସ୍ଥ ସମାଜ ଉପରେ ଏକ ସଚେତନତା କାର୍ଯ୍ୟକ୍ରମରେ ଭାଗନେଇ ପିଲା ମାନଙ୍କୁ ଜୀବନର ଶୈଳୀ ଉପରେ ପ୍ରାଞ୍ଜଳ ଭାବେ କ୍ଲାସ କରିଥିଲେ।ନିଜନିଜ ଅଭିଭାବକ ତଥା ପଡୋଶୀ ମାନଙ୍କୁ ବିଭିନ୍ନ ସଂକ୍ରମଣ ରୋଗରୁ ରକ୍ଷା ପାଇବା ପାଇଁ ପରାମର୍ଶ ପ୍ରଦାନ କରିବା ସହ ସଚେତନତା ସୃଷ୍ଟି କରିବାକୁ ଛାତ୍ରଛାତ୍ରୀ ମାନଙ୍କୁ ଆହ୍ୱାନ ଦେଇଥିଲେ।ପ୍ରତିଦିନ ଖାଦ୍ୟ ଖାଇବା ପୂର୍ବରୁ ସାବୁନରେ ଭଲ ଭାବରେ ହାତ ଧୋଇବା,ନଖ କାଟିବା,ଖାଲ ଢ଼ିପ ସ୍ଥାନ କୁ ଗୋଡିସାଟି ପକାଇ ସମତଳ କରିବା,ପଦାରେ

ମଳତ୍ୟାଗ ନ କରିବା,ପ୍ରତି ୬ ମାସରେ ଥରେ ସ୍କୁଲରେ ଉପଲବ୍ଧ କୃମି ନାଶକ ବଟିକା ସରକାରୀ ଆଲବେଣ୍ଡାଜୋଲ ସେବନ କରିବା ଇତ୍ୟାଦି ଉପରେ ଶିକ୍ଷା ଦେବା ସହ ଗ୍ରାମରେ ସଚେତନତା ରେଲି କରାଯାଇଥିଲା।ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ସ୍ୱାସ୍ଥ୍ୟ ଉପକେନ୍ଦ୍ର ପହଣ୍ଡିରେ କାର୍ଯ୍ୟରତ ମହିଳା ସ୍ୱାସ୍ଥ୍ୟକର୍ମୀ ସୁଶ୍ରୀ କୁନ୍ତଳା ମହାଲିକ,ମହିଳା ସ୍ୱାସ୍ଥ୍ୟକର୍ମୀ ଶ୍ରୀମତୀ ଶୃତି ପଣ୍ଡା,ଆଶାକର୍ମୀ ମଞ୍ଜୁଲତା ସାହୁ ଜନସଚେତନତା ଉପରେ ବିଭିନ୍ନ ସ୍ଲୋଗାନ ମାନ ଦେଇ ଗ୍ରାମରେ ଜନସଚେତନତା ର ସନ୍ଦେଶ ବାର୍ତ୍ତା ପ୍ରଦାନ କରିଥିଲେ।