27-Jul-2023

ବଲାଙ୍ଗିର(ପ୍ରେରଣା ଖବର ): ଆଜି ପୁଇଁତଲା ବ୍ଲକ ଅନ୍ତର୍ଗତ ପଂଚାୟତ ଉଚ୍ଚ ବିଦ୍ୟାଳୟ, ବନ୍ଧପଡାଠାରେ ପରିଚାଳନା ପରିଷଦର ସଭାପତି ଶ୍ୟାମସୁନ୍ଦର ବଗର୍ତ୍ତୀଙ୍କ ସଭାପତିତ୍ୱରେ ପ୍ରଧାନ ଶିକ୍ଷକ ଆନନ୍ଦ ବଡ଼ପଣ୍ଡା ତମାଖୁ ବର୍ଜନ ସଚେତନତା କାର୍ଯ୍ୟକ୍ରମରେ ଲକ୍ଷ୍ୟ ଓ ଉଦ୍ଦେଶ୍ୟ ଜ୍ଞାପନ କରିଥିଲେ | ଗୋଷ୍ଠୀ ସ୍ୟାସ୍ଥ୍ୟ କେନ୍ଦ୍ର ଜାମଗାଁ ତରଫରୁ ବନବାହାଲ ଗୋଷ୍ଠୀ ସ୍ୱାସ୍ଥ୍ୟ ଅଧିକାରୀ ହରିପ୍ରିୟା ସେନାପତି,ଆର. ଡବ୍ଲୁ ବ୍ଲେସିନା ବାରିକ ଯୋଗଦେଇ ପିପିଟି ମାଧ୍ୟ୍ୟମରେ ତମାଖୁ ବ୍ୟବହାରର

କୁପ୍ରଭାବ ସମାଜ ଉପରେ କିପରି ପଡୁଛି, ଆମ ବିଦ୍ୟାଳୟକୁ କିପରି ତମାଖୁ ମୁକ୍ତ କରିବା ତାହା ଉପରେ ବିଷଦଭାବେ ଆଲୋକପାତ କରିଥିଲେ | ଏହି ଅବସରରେ ସମସ୍ତ ଛାତ୍ରଛାତ୍ରୀ, ଶିକ୍ଷକ ଶିକ୍ଷା କର୍ମଚାରୀ ତମାଖୁ ବର୍ଜନ ସଚେତନତାରେ ସାମିଲ ହେବା ପାଇଁ ଶପଥ ନେଇଥିଲେ | ଛାତ୍ରଛାତ୍ରୀମାନଙ୍କ ମଧ୍ୟରେ ପ୍ରବନ୍ଧ, କୁଇଜ ଓ ଚିତ୍ରାଙ୍କନ ପ୍ରତିଯୋଗିତା ହୋଇଥିଲା,କୃତୀ ପ୍ରତିଯୋଗୀମାନଙ୍କୁ ମାନପତ୍ର ଓ  ମେଁମେନଟୋ ପ୍ରଦାନ କରାଯାଇଥିଲା | କୁଇଜ ପ୍ରତିଯୋଗିତାରେ ସତ୍ୟବ୍ରତ ପଧାନ, ରୋଶନାରାଣୀ ଗୁରୁ, ଖୁସିରାମ ସାହୁ ଯଥାକ୍ରମେ ପ୍ରଥମ, ଦ୍ୱିତୀୟ ଓ ତୃତୀୟ ସ୍ଥାନ ଅଧିକାର କରିଥିଲେ | ପ୍ରବନ୍ଧ ପ୍ରତିଯୋଗିତାରେ ସତ୍ୟବ୍ରତ

ପଧାନ, କାହ୍ନ| ସାଣ୍ଢ ଓ ସୌମ୍ୟ ରଞ୍ଜନ ତାଣ୍ଡି ଯଥାକ୍ରମେ ପ୍ରଥମ, ଦ୍ଵିତୀୟ ଓ ତୃତୀୟ ସ୍ଥାନ ଅଧିକାର କରିଥିଲେ | ଚିତ୍ରାଙ୍କନ ପ୍ରତିଯୋଗିତାରେ ଶୀତୁ କର୍ଣ୍ଣ, ସହଦେଵ ମହାକୁର ଓ ନିତୁରାଣୀ ଦେହୁରୀ ଯଥାକ୍ରମେ ପ୍ରଥମ, ଦ୍ଵିତୀୟ ଓ ତୃତୀୟ ସ୍ଥାନ ଅଧିକାର କରିଥିଲେ | କାର୍ଯ୍ୟକ୍ରମରେ ଗୌନ୍ତିଆ ପଲତା,ଅଜିତ ଗୁରୁ, ପବିତ୍ର ମୋହନ ପଧାନ, ହରିବୋଲ ପଧାନ ସହଯୋଗ କରିଥିଲେ ଓ ସଭା ଶେଷରେ ଖେଳ ଶିକ୍ଷକ ପ୍ରବୀଣ ନାରାୟଣ ପଣ୍ଡା ଧନ୍ୟବାଦ ଅର୍ପଣ କରିଥିଲେ |