24-Jul-2023

ବେଲପଡ଼ା(ପୂର୍ଣ୍ଣ ଶଶୀ ଶେଖର ରାଓ ): ବଲାଙ୍ଗିର ଜିଲ୍ଲା ବେଲପଡା ଲାନ୍ଥ ନଦୀରୁ ଏକ ବୃଦ୍ଧ ବ୍ୟକ୍ତି ଙ୍କ ଶବ ଉଦ୍ଧାର କରାଯାଇଛି। ସୂଚନା ଅନୁସାରେ ଆଜି ଅପରାହ୍ନ ୧୨ ଟା ବେଳକୁ ସ୍ଥାନୀୟ ଲୋକମାନେ ଗାଧୋଇବା ପାଇଁ ଯାଇଥିବା ବେଳେ ସେଠାରେ ଏକ ବୃଦ୍ଧ ବ୍ୟକ୍ତି ଙ୍କ ମୃତଦେହ ପଡ଼ିଥିବା ଦେଖି ବେଲପଡା ପୋଲିସ କୁ ଖବର ଦେଇଥିଲେ। ଖବର ପାଇ ଥାନା ଅଧିକାରୀ ରାଜେନ୍ଦ୍ର ବେହେରା ସଦଳବଳେ ଘଟଣାସ୍ଥଳରେ ପହଞ୍ଚିଥିଲେ। ମୃତ ଦେହ ଉଲଗ୍ନ ଅବସ୍ଥାରେ ପଡିରହିଥିବା ଯୋଗୁଁ ତାକୁ କପଡା ଢାଙ୍ଗି ତଦନ୍ତ ଆରମ୍ଭ କରିଥିଲେ। ତଦନ୍ତ ରୁ ଜଣାପଡିଛି ଯେ ଉକ୍ତ ବୃଦ୍ଧ ଜଣକ ହେଲେ ବେଲପଡା ବ୍ଳକ ନୁନହାଡ ପଞ୍ଚାୟତ ଚାଚେରବେଙ୍ଗ ଗାଆଁ ର ବେଣୁଧର ମଲ୍ଲିକ (୬୦) ପିତା ଯୁଧିଷ୍ଠିର ମଲ୍ଲିକ । ପରିବାର ଲୋକଙ୍କୁ ଆଣି ଶବ ଚିହ୍ନଟ କରି ଶବ ବ୍ୟବଚ୍ଛେଦ ପାଇଁ ବେଲପଡା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର କୁ ଆଣିଥିଲେ।ଡାକ୍ତରୀ

ମାଇନା ରୁ ଜଣାପଡିଛି ଯେ ତାଙ୍କ ଦେହରେ କୌଣସି କ୍ଷତବିକ୍ଷତ ଚିହ୍ନ ନାହିଁ। ଗତକାଲି ସେ ଗାଧୋଇବା ପାଇଁ ଯାଇଥିବା ବେଳେ ଆଉ ଘରକୁ ଫେରି ନଥିଲେ ଲାନ୍ଥ ନଦୀର ଜଳସ୍ରୋତ ଅଧିକ ଥିବା ହେତୁ ସେ ସମ୍ଭାଳି ନପାରି ବୁଡି ଯାଇଛନ୍ତି ପୋଲିସ ଅନୁମାନ କରୁଛି।ବେଲପଡା ଥାନା ରେ ୧୨/୨୦୨୩ ଏକ ଅପମୃତ୍ୟୁ ମାମଲା ରୁଜୁ କରି ପରିବାର ବର୍ଗଙ୍କୁ ଶବ ହସ୍ତାନ୍ତର କରାଯାଇଛି ବୋଲି ଥାନା ଅଧିକାରୀ ରାଜେନ୍ଦ୍ର ବେହେରା ସୂଚନା ଦେଇଛନ୍ତି।