24-Jul-2023

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ଅଗ୍ରେସନ ଭବନ ଠାରେ ଆଦିବାସୀ କଲ୍ୟାଣ ସଂଘ ର ନବ ନିର୍ବାଚିତ ସଭାପତି ସତ୍ୟ ନାରାୟଣ ଭୋଇ ଙ୍କ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି l ଏହି ସଭା ଟି କାଁହୁଚରଣ ପଧାନ ଙ୍କ ନେତୃତ୍ୱ ରେ ଅନୁଷ୍ଠିତ ହୋଇଥିଲା l କାର୍ଯ୍ୟକ୍ରମରେ ସତ୍ୟ ନାରାୟଣ ଭୋଇ ମୁଖ୍ୟଅତିଥି ଭାବେ ଯୋଗ ଦେଇଥିବା ବେଳେ ପୂର୍ବତନ ଜିଲ୍ଲା ପରିଷଦ ସଭ୍ୟା ସୁକୁମାରୀ ଧରୁଆ, ଭୁବନ ନାଏକ, ଅଭିମନ୍ୟୁ ଭୋଇ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ l ମଞ୍ଚ ପରିଚାଳନା କରିଥିଲେ ଯଥା ବିଶ୍ୱାଳ l ଏହି ସଂଘ 2007 ମସିହାରୁ ସରକାରୀ ତାଲିକାଭୁକ୍ତ ହୋଇ କାର୍ଯ୍ୟ କରୁଥିଲେ ସୁଦ୍ଧା ଆଶାନୁରୂପକ ସଫଳତା ପାଇ ପାରିନଥିଲା l ସାଂସଦ ନିରଞ୍ଜନ ବିଶି ବିଗତ ପଂଚାୟତ ନିର୍ବାଚନ ରେ ଆଦିବାସୀ ପ୍ରତିନିଧିତ୍ୱ ମନାକରି ନିଜେ ସାଂସଦ ପଦରେ ବିଜେଡି ଦଳରୁ ମନୋନୀତ ହୋଇ ଆଦିବାସୀ ଙ୍କୁ ଧୋକା ଦେଇଥିବା ସୂଚନା ଦେଇଥିଲେ l ଆଗାମୀ ଦିନରେ ଶ୍ରୀ ସତ୍ୟ ଭୋଇଙ୍କ ନେତୃତ୍ୱରେ ଆଦିବାସୀ ଙ୍କ ସମସ୍ୟା ଯାହାକି ଜମି, ଜଙ୍ଗଲ ସୁରକ୍ଷା, ପାଣି, ଶିକ୍ଷା ର ସମାଧାନ ପାଇଁ ବୈଠକ ରେ ଦାବୀ କରାଯାଇଥିଲା l ସୂଚନା ରୁ ପ୍ରକାଶ ଯେ ଗତ ସପ୍ତାହରେ ଶ୍ୟାମସୁନ୍ଦର ଭୋଇଙ୍କୁ ଆଦିବାସୀ କଲ୍ୟାଣ ସଂଘ ର ସଭାପତି ଭାବେ ସାଂସଦ ଶ୍ରୀ ବିଶିଙ୍କ ଉପସ୍ଥିତି ରେ ମନୋନୀତ କରାଯିବା ବେଳେ ରବିବାର ଦିନ ତାଙ୍କୁ ବଲାଙ୍ଗୀର ଠାରେ ସମ୍ବର୍ଦ୍ଧନା ଦିଆଗଲା l ଅନ୍ୟ ପକ୍ଷରେ ସତ୍ୟ ନାରାୟଣ ଭୋଇ ଙ୍କୁ ଲୋଇସିଂହା ଅଗ୍ରେସନ ଭବନ ଠାରେ ଆଦିବାସୀ କଲ୍ୟାଣ ସଂଘ ର କେତେକ ଗୋଷ୍ଠୀ ଦ୍ୱାରା ସମ୍ବର୍ଦ୍ଧନା ଦିଆଗଲା l ଏହାକୁ ନେଇ ଲୋକଙ୍କ ମନରେ ପ୍ରକୃତ ସଭାପତି କିଏ ବୋଲି ପ୍ରଶ୍ନ ଉଠିଛି l ଏ ବିଷୟରେ ଶ୍ରୀ ସତ୍ୟ ନାରାୟଣ ଭୋଇ ଙ୍କୁ ପ୍ରଶ୍ନ ପଚାରିବାରୁ ମୁଁ ଗଣତ୍ରାନ୍ତିକ ଭାବେ ନିର୍ବାଚିତ ହୋଇଛି ହେଲେ ଶ୍ରୀ ଶ୍ୟାମସୁନ୍ଦର ଭୋଇ ଗଣତ୍ରାନ୍ତିକ ଭାବେ ନିର୍ବାଚିତ ହୋଇନାହାନ୍ତି l ଏ ବାବଦରେ ଶ୍ୟାମସୁନ୍ଦର ଭୋଇ ଙ୍କୁ ପଚାରି ବୁଝିବାରୁ ତାର ବିପରୀତ କଥା କହିଥିଲେ l ପ୍ରକୃତ ରେ ଆଦିବାସୀ କଲ୍ୟାଣ ସଂଘ ର ସଭାପତି ପଦ କିଏ ଅକ୍ତିଆର କରିବ ତାହା ଆଗାମୀ ଦିନରେ ସ୍ପଷ୍ଟ ହେବ l ଉକ୍ତ ସଭାରେ ବ୍ଲକ ବିଜେଡି ସଭାପତି ହୃଦାନନ୍ଦ ବେହେରା ଓ ବ୍ଲକ ଅଧ୍ୟକ୍ଷ ଯତୀନ୍ଦ୍ର ପଟେଲ ସତ୍ୟ ନାରାୟଣ ଭୋଇ ଙ୍କୁ ଫୁଲମାଳ ଦେଇ ସମ୍ମାନିତ କରିଥିବାରୁ ଲୋକଙ୍କ ମନରେ ପ୍ରଶ୍ନବାଚୀ ସୃଷ୍ଟି ହୋଇଛି l