24-Jul-2023

 ବିନିକା(ହିମାଂଶୁ ଶେଖର ପୁଟେଲ)ମାନ୍ୟବର ବୀରମହାରାଜପୁର ବିଧାୟକ ପଦ୍ମନାଭ ବେହେରା ବିନିକା ଗସ୍ତରେ ଆସି ଜନକଲ୍ୟାଣ ଉଦ୍ଦେଶ୍ୟରେ ନିର୍ମାଣ ହୋଇଥିବା ବିଭିନ୍ନ ପ୍ରକଳ୍ପ ଗୁଡ଼ିକୁ ଉଦ୍ଘାଟନ କରିଛନ୍ତି ।ଏହି ଅବସରରେ ବିନିକା ଏନଏସି ମୁଖ୍ୟ ଫାଟକ ଠାରେ ୧୯ଲକ୍ଷ ୮୧ହଜାର ଟଙ୍କା ବ୍ୟୟରେ ନିର୍ମାଣ କରାଯାଇଥିବା "ମୋର ବିନକା ମତେ ସୁନ୍ଦର" ସେଲଫି ପଏଣ୍ଟକୁ ଉଦ୍ଘାଟନ କରିଥିଲେ।ପରେ ସେଲ୍ଫି

ପଏଣ୍ଟ ପରିସର ଭିତରକୁ ଯାଇ ବିଧାୟକ ସୁଇଚ ଦବାଇ ତାର ସୌନ୍ଦର୍ଯ୍ୟକରଣକୁ ପ୍ରତିଫଳିତ କରିଥିଲେ ।ସେହିପରି ମହାନଦୀ ସେତୁ ନିକଟ ବିଜୁ ପଟ୍ଟନାୟକ ପାର୍କ ଠାରେ ଶାରୀରିକ ସୁସ୍ଥ ପାଇଁ ୨୯ଲକ୍ଷ ୭୧ହଜାର ଟଙ୍କା ବ୍ୟୟରେ

ନିର୍ମାଣ ହୋଇଥିବା ସର୍ବସାଧାରଣ ବ୍ୟାୟାମ ଶାଳ ଏବଂ ଶିଶୁ କ୍ରୀଡା ସ୍ଥଳୀକୁ ଲୋକାର୍ପଣ କରିଥିଲେ ।ପରେ ସ୍ଥାନୀୟ ଏନଏସି କାର୍ଯ୍ୟାଳୟକୁ ଆସି ମଧୁବାବୁ ପେନସନ ଯୋଜନାରେ ସାମିଲ ହୋଇଥିବା ନୂତନ ୧୭ଜଣ ହିତାଧିକାରୀଙ୍କୁ ଭତ୍ତା ବଣ୍ଟନ କରିଥିଲେ ।ଅନୁଷ୍ଟିତ ଏହି କାର୍ଯ୍ୟକ୍ରମରେ ବିନିକା ଏନଏସି ଅଧ୍ୟକ୍ଷ ସୁବାସ ଚନ୍ଦ୍ର ଭୋଇ,ବିନିକା ତହସିଲ ଦାର ତଥା କାର୍ଯ୍ୟନିର୍ବାହୀ ଅଧିକାରୀ ମୁକ୍ତେଶ୍ଵର ପାଣିଗ୍ରାହୀ,ଏନଏସି ଉପଧକ୍ଷା ତପସ୍ୱିନୀ ମେହେର, ବିଜେଡ଼ି ନଗର ସଭାପତି ସୋମନାଥ ମିଶ୍ର,ବ୍ଲକ ସଭାପତି ଦ୍ବାରିକାନାଥ ସାହୁ,ନଗର ମହିଳା ମୋର୍ଚା ସଭାନେତ୍ରୀ ଲକ୍ଷ୍ମୀ ମେହେର,ସମସ୍ତ କାଉନସିଲ,ଏନଏସି ଷ୍ଟାଫଙ୍କ ସମେତ ବହୁ ବିଜେଡ଼ି କର୍ମୀ ସାମିଲ ହୋଇଥିଲେ ।