24-Jul-2023

ବିନିକା(ହିମାଂଶୁ ଶେଖର ପୁଟେଲ): ବିନିକା ସହର କୁଲିପଡ଼ାର ଅବସରପ୍ରାପ୍ତ ଶିକ୍ଷକ ଦୈତାରୀ ମେହେର(୮୩)ଙ୍କ ପରଲୋକ ହୋଇଯାଇଛି। ତାଙ୍କ ପରଲୋକ ଖବର ଶୁଣିବା ପରେ ଶିକ୍ଷା ପ୍ରେମୀ ମହଲରେ ଶୋକର ଛାୟା ଖେଳିଯାଇଛି ।ସୂଚନା ଯୋଗ୍ୟ ଯେ ସେ ଜଣେ ସରଳ, ମିଷ୍ଟଭାଷୀ ତଥା ପରୋପକାରୀ ଭାବରେ ବେଶ ଜଣାଶୁଣା।ଏପରିକି ଚାକିରୀ ଜୀବନରେ ଅନେକ ସ୍କୁଲରେ ଶିକ୍ଷକତା କରି ଛାତ୍ରଛାତ୍ରୀ ମାନଙ୍କୁ ଆଦର କରିବା ସହିତ ଶିକ୍ଷାଦାନ ପ୍ରତି ଗୁରୁତ୍ତ୍ଵ ଦେଉଥିଲେ ।ସେହିପରି ଶିକ୍ଷା ବିଭାଗର ବିଭିନ୍ନ କାର୍ଯ୍ୟକୁ ଦକ୍ଷତାର ସହିତ ସମ୍ପାଦନ ଏବଂ ଭବିଷ୍ୟତ ଗଠନ ଦିଗରେ ଅନେକଙ୍କୁ ମାର୍ଗ ଦର୍ଶନ ଦେଇଥିବାରୁ ବିଭିନ୍ନ ସମୟରେ ସମ୍ମାନିତ ହୋଇଥିଲେ। ତାଙ୍କର ଶେଷ ଚାକିରୀ ଜୀବନ ବିନିକା ବ୍ଲକ ଅନ୍ତର୍ଗତ ସିନ୍ଦୁରପୁର ପଞ୍ଚାୟତ ବିଶାଳପାଲି ସ୍କୁଲ ଠାରେ କଟିଥିଲା।ସେଠାରୁ ଅବସର ପରେ ଆଧ୍ୟାତ୍ମିକ ମାର୍ଗ ଓ ସମାଜ ସେବାରେ ବିଶେଷ ଧ୍ୟାନ ଦେଉଥିଲେ । ତାଙ୍କର ଅଚାନକ ପରଲୋକ ଖବର ଶୁଣି ଅଞ୍ଚଳର ଅନେକ ବ୍ୟକ୍ତି ବିଶେଷ ତାଙ୍କ ଘରକୁ ଆସି ଶେଷ ଦର୍ଶନ କରିବାର ସୁଯୋଗ ପାଇଥିଲେ।ମୃତ୍ୟୁ ଶଯ୍ୟା ନିକଟରେ ତାଙ୍କର ଦୁଇ ପୁଅ,ବୋହୂ,ଝିଅ,ନାତି ନାତୁଣୀ ଓ ପରିବାର ବର୍ଗ ଉପସ୍ଥିତ ଥିଲେ। ନିକଟ ମହାନଦୀ ଶ୍ଵସାନ ଘାଟରେ ତାଙ୍କର ଅନ୍ତେଷ୍ଟ୍ରିକ୍ରିୟା ସଂପନ୍ନ କରାଯାଇଥିଲା ବଡ଼ପୁଅ ରାମେଶ୍ବର ମେହେର ମୁଖାଗ୍ନୀ ପ୍ରଦାନ କରିଥିଲେ ।