24-Jul-2023

ସିନ୍ଧେକେଲା(ଅନୀଲ କୁମାର ତ୍ରିପାଠୀ ): ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ସିନ୍ଧେକେଲା ଗ୍ରାମର ମୁଖ୍ୟ ସଡ଼କରେ ବିଦ୍ୟୁତ ବିଭାଗ ପକ୍ଷରୁ ଲାଗିଥିବା କେବୁଲ ତଳ କୁ ଓହ୍ଲାଇ ହୋଇଥିବାରୁ ବିପଦ ର କାରଣ ହୋଇଛି । ସୂଚନାଯୋଗ୍ୟ ଯେ ଆଜି ରବିବାର ଦିନ ଦ୍ୱିପ୍ରହରରେ ବଲ ବିଭରେଜ ପେକେଜିଙ୍ଗ ଇଣ୍ଡିଆ ପ୍ରାଇଭେଟ ଲିମିଟେଡ ଶ୍ରୀ ସିଟି ଆନ୍ଧ୍ରପ୍ରଦେଶ ରୁ ବଲାଙ୍ଗୀର ଜିଲ୍ଲା ବେଲପଡା ବ୍ଲକ ସରମୁହାଣ ଠାରେ ଥିବା ମାଇକେଲ Breweries କୁ (୭ ହିଲସ ନାମକ)  ଏକ ଖାଲି ବିଅର କେନ୍ଡ଼ବା ବୋଝେଇ କଣ୍ଟେନର ନମ୍ବର ଏମଏଚ ୨୩ ଡବ୍ଲୁ ୪୪୭୫  କଳାହାଣ୍ଡି ପଟରୁ ଆସି ୪୨ ନମ୍ବର ରାଜ୍ୟ ରାଜପଥ ବଙ୍ଗୋମୁଣ୍ଡା ରାସ୍ତା ଦେଇ ଯାଉଥିବା ବେଳେ ସିନ୍ଧେକେଲା ମୁଖ୍ୟ ସଡ଼କ ରେ ବିଦ୍ୟୁତ କେବୁଲ ରେ ଘଷି ହୋଇଥିଲା କିନ୍ତୁ ସେତେବେଳେ କିଛି ଜାଣି ହେଲା ନାହିଁ । ଧୀରେ ଧୀରେ ସେଥିରେ ନିଆଁ ବାହାରି ସିନ୍ଧେକେଲା ରୁ ତିନି ଚାରି କିଲୋମିଟର ଗଲାପରେ ସାଲେମୁଡ଼ଗା ଗ୍ରାମର କେନାଲ ନିକଟରେ ହୁ ହୁ ହୋଇ ଜଳି ଅଗ୍ନିକାଣ୍ଡ ଘଟିଥିଲା । ଖବର ପାଇ ଘଟଣା ସ୍ଥଳରେ ଅଗ୍ନିଶମ ବିଭାଗ ପକ୍ଷରୁ ଦମକଳ ପହଞ୍ଚି

ଅଗ୍ନିଶମ ବାହିନୀ ନିଆଁ କୁ ଆୟତ୍ତ କରିଥିଲେ  ତଥାପି କଣ୍ଟେନର ର ବହୁ ଅଂଶ ପୋଡି ଯାଇଥିଲା। ସିନ୍ଧେକେଲା ପୋଲିସ ମଧ୍ଯ ଉପସ୍ଥିତ ଥିଲେ। ହାରାହାରି ୧୦ ଲକ୍ଷ ଟଙ୍କାର ସାମଗ୍ରୀ  କ୍ଷତି ହୋଇଥିବା ଜଣାପଡିଛି । ଉକ୍ତ କେବୁଲ ବହୁ ଦିନରୁ ଏଭଳି ଅବସ୍ଥାରେ ଅଛି , ବାରମ୍ବାର ବିଦ୍ୟୁତ ବିଭାଗ କୁ ଅଭିଯୋଗ କଲା ପରେ ମଧ୍ୟ କେହି କର୍ଣ୍ଣପାତ କରୁନାହାନ୍ତି । ଯାହା ଫଳରେ ଆଜି ଏଭଳି ଘଟଣା ଦେଖିବାକୁ ମିଳିଛି । ଅତିଶୀଘ୍ର ଏହାର ସମାଧାନ କରିବା ପାଇଁ ସାଧାରଣରେ ଦାବି ହେଉଛି ।