24-Jul-2023

ବିନିକା(ହିମାଂଶୁ ଶେଖର ପୁଟେଲ): ବିନିକା ବାଳକ ଉଚ୍ଚ ବିଦ୍ୟାଳୟ ଠାରେ ରବିବାର ଓଷ୍ଟା ସୁବର୍ଣ୍ଣପୁର ଜିଲ୍ଲାର ଚତୁର୍ଥ ସାମ୍ବିଧାନିକ ସମ୍ବିଲନୀ ଓ ନୂତନ କର୍ମକର୍ତ୍ତା ମନୋନୟନ ଅନୁଷ୍ଟିତ ହୋଇଯାଇଛି।ଜିଲ୍ଲା ସଭାପତି ବୈଦ୍ୟନାଥ କର୍ଣ୍ଣଙ୍କ ସଭାପତିତ୍ବରେ ଅନୁଷ୍ଠିତ ଏହି ସମ୍ବିଳନୀରେ ରାଜ୍ୟ ସାଧାରଣ ସମ୍ପାଦକ ରଞ୍ଜନ କୁମାର ଦାସ,ଯୁଗ୍ମ ସମ୍ପାଦକ ବ୍ରଜ କିଶୋର ବିଶ୍ଵାଳ,ପୂର୍ବତନ ରାଜ୍ୟ ସଭାପତି ବିନୋଦ ବିହାରୀ ପାଣିଗ୍ରାହୀ,ଜିଲ୍ଲା ଉପଦେଷ୍ଟା ପ୍ରମୋଦ ପଣ୍ଡା,ପର୍ଯ୍ୟବେକ୍ଷକ ସୁଧୀର ନାଏକ,ରାଜ୍ୟ ସହ ସମ୍ପାଦକ ଆଶୁତୋଷ ରଥ,ବରଗଡ଼ ଜିଲ୍ଲା ସମ୍ପାଦକ ସଞ୍ଜୟ କୁମାର ସିଂ,ବୌଦ୍ଧ ଜିଲ୍ଲା ସଭାପତି ପୀତବାସ ପଣ୍ଡା ପ୍ରମୁଖ ଯୋଗଦେଇ ସଂଘର ଆଗାମୀ ଲକ୍ଷ ଉପରେ ଆଲୋକପାତ କରିଥିଲେ । ପ୍ରାରମ୍ଭରେ ଅମିୟ ମହାନ୍ତି ସ୍ଵାଗତ ଭାଷଣ ପ୍ରଦାନ କରିଥିବା ବେଳେ ଶୁଶିଲ କୁମାର ବିଶି ସଂପାଦକୀୟ ବିବରଣୀ ଓ ଆୟ ବ୍ୟୟ ପଠନ ଓ ଶେଷରେ ଆଖୋଜ ପଧାନ  ଧନ୍ୟବାଦ ଅର୍ପଣ କରିଥିଲେ।ଦ୍ଵିତୀୟ ପର୍ଯ୍ୟାୟରେ ସମସ୍ତଙ୍କ ଉପସ୍ଥିତିରେ ଆଗାମୀ ତିନି ବର୍ଷ ପାଇଁ ସୁବର୍ଣ୍ଣପୁର ଜିଲ୍ଲା ଓଷ୍ଟା ସଂଘର ନୂତନ କର୍ମକର୍ତ୍ତା ଚୟନ କରାଯାଇଥିଲା ।ଏଥିରେ ସଭାପତି ଭାବେ ଅଖୋଜ ପଧାନ,କାର୍ଯ୍ୟକାରୀ ସଭାପତି ପ୍ରେମାନନ୍ଦ ହୋତା,ଉପ ସଭାପତି ଗତିକୃଷ୍ଣ ମିଶ୍ର,ପ୍ରମୋଦ ପଧାନ,ଦୀପଶିଖା ମହାପାତ୍ର,ଯୁଗ୍ମ ସମ୍ପାଦକ ଚନ୍ଦ୍ର ଶେଖର ମହାପାତ୍ର,ଶୋଭାଚନ୍ଦ୍ର ବାରିକ,ଅନୁସୟା ମିଶ୍ର,ସମ୍ପାଦକ ଶୁଶିଲ କୁମାର ବିଶି ଚୟନ ହୋଇଥିବା ବେଳେ କାର୍ଯ୍ୟକାରୀ ସଦସ୍ୟ ଭାବରେ ମଧୁସୂଦନ ମହାକୁର,ରବୀନ୍ଦ୍ର ମିଶ୍ର,ରତ୍ନାକର କର୍ଣ୍ଣ,ହୃଷୀକେଶ ଡ଼ାଙ୍ଗ ପ୍ରମୁଖ ରହିଛନ୍ତି।ଶେଷରେ ପୂର୍ବତନ ସଭାପତି ବିନୋଦ ବିହାରୀ ପାଣିଗ୍ରାହୀ ନୂତନ କର୍ମକର୍ତ୍ତାଙ୍କୁ ଶପଥ ପାଠ କରାଇଥିଲେ ।