11-Jul-2023

(ପ୍ରେରଣା ଖବର)
ଜିଲ୍ଲାପାଳ ଓ ଏସପିଙ୍କ ଜନଶୁଣାଣି ବଲାଙ୍ଗୀର ଜିଲ୍ଲା ଗୁଡଭେଳାବ୍ଲକ କାର୍ଯ୍ୟାଳୟର ସଭାଗୃହରେ ସୋମବାର ବଲାଙ୍ଗୀର ଜିଲ୍ଲାପାଳ ଚଞ୍ଚଳ ରାଣା ଓ ଆରକ୍ଷୀଅଧିକ୍ଷକ  ଖିଲାରୀ ଋଷିକେଶଙ୍କ ଯୁଗ୍ମ ଜନଶୁଣାଣି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଏହି ଜନଶୁଣାଣୀରେ ମୋଟ ୧୬୩ଟି ଅଭିଯୋଗ ଆସିଥିଲା l  ଆବାସ ଯୋଜନା ପାଇଁ ୧୧୭ଟି ଓ ଅନ୍ୟାନ୍ୟ ପାଇଁ ୪୬ଟି ଅଭିଯୋଗ ହୋଇଥିଲା l କିଛି ଅଭିଯୋଗ ଏଠାରେ ସମାଧାନ ହୋଇଥିବା ବେଳେ କିଛି ଅଭିଯୋଗ ବିଭାଗୀୟ ଅଧିକାରୀଙ୍କୁ ସମାଧାନପାଇଁ ଦାୟିତ୍ୱ ଦିଆଯାଇଥିଲା l ଗୁଡ଼ଭେଲାବ୍ଳକ ମହକୁମା ସ୍ଥିତ ନୂତନ ୩୩କେଭି ବିଦ୍ୟୁତଗ୍ରୀଡ଼ ଭଳଭାବେ ଏବେ ପର୍ଯ୍ୟନ୍ତ କାର୍ଯ୍ୟାକ୍ଷମ  ହୋଇପାରି ନଥିବା ନେଇ  ଅଭିଯୋଗ କରିଥିଲେ ପୂର୍ବତନ ବ୍ଲକ ଅଧ୍ୟକ୍ଷ ଅଶୋକ ଚନ୍ଦ୍ର ଦୋରା l ଜିଲ୍ଲାପାଳ ଏଥି ପାଇଁ ବିଭାଗୀୟ ଉଚ୍ଚ ଅଧିକାରୀ, ଟାଟା ପାୱାର ଓ ଡି.ପି.ଏମ.ୟୁ.ଙ୍କ ମାଧ୍ୟମରେ ସମାଧାନ ଯଥାଶୀଘ୍ର ହେବ ବୋଲି କହିଥିଲେ l ଘର ପାଇଁ ଆସିଥିବା କିଛି ବ୍ୟକ୍ତି ଜିଲ୍ଲାପାଳଙ୍କୁ ଭେଟି ପାରି ନ ଥିବାରୁ କାଳେ ଆମ ଘର ହୋଇ ପାରିବ ନାହିଁ ବୋଲି ନିରାଶଅନୁଭବ କରିଥିବା ଦେଖିବାକୁ ମିଳିଥିଲା l  ଉକ୍ତ କାର୍ଯ୍ୟକ୍ରମର ପରିଚାଳନା ବିଡିଓ ଗୁରେଶ୍ବର ଭୋଇ କରିଥିବା ବେଳେ ବିଭାଗୀୟ ଅଧିକାରୀ ମାନେ ଉପସ୍ଥିତ ଥିଲେ ।