01-Jul-2023

ଖପ୍ରାଖୋଲ(ପୂର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲାର କୋଣ ଅନୁକୋଣରେ ନକଳି ଡାକ୍ତରଙ୍କ ପ୍ରାଦୁର୍ଭାବ ବଢ଼ି ଚାଲୁଥିବା ବେଳେ ଏବେ ଧିରେଧିରେ ସେମାନଙ୍କୁ ପୋଲିସ ପ୍ରଶାସନ ପକ୍ଷରୁ ଧରାଯାଉଛି। ପ୍ରଥମେ ଖପ୍ରାଖୋଲ ଥାନା ଅଧିକାରୀ ରମାକାନ୍ତ ସାହୁ ଦୁଇ ଜଣଙ୍କୁ ଗିରଫ କରିଥିବା ବେଳେ ଏବେ ଲାଠୋର ଥାନା ଅଧିକାରୀ ଝସକେତନ ଭୋଇ ମଧ୍ୟ ଜଣକୁ ଗିରଫ କରିଛନ୍ତି। ସୂଚନା ଅନୁସାରେ ପାଟଣାଗଡ଼

ଉପଖଣ୍ଡ ଖପ୍ରାଖୋଲ ବ୍ଳକ ବେନ୍ଦେର ଗାଆଁ ରେ ପଶ୍ଚିମବଙ୍ଗ ର ଗୋବରଡଙ୍ଗା ରୁ ଆସି ସୁବ୍ରଜିତ ମଜୁମଦାର ପିତା.ପ୍ରଦୀପ ମଜୁମଦାର ଦୁଇ ତିନି ବର୍ଷ ହେଲା ଏଠାରେ ରହି ବେଆଇନ ଭାବେ କ୍ଳିନିକ ଖୋଲିଥିଲା ।ଏ ବିଷୟରେ ଖବର ପାଇ ଲାଠୋର ଥାନା ଅଧିକାରୀ ଝସକେତନ ଭୋଇ ଉକ୍ତ ବ୍ୟକ୍ତି ଙ୍କ ପାଖକୁ ଯାଇ କାଗଜପତ୍ର ଯାଞ୍ଚ କରି ଗିରଫ କରିଛନ୍ତି।ଲାଠୋର ଥାନା କେଶ୍ ନମ୍ବର ୮୦/୨୦୨୩ ୟୁ ଏସ୍ ୪୧୯/୪୨୦ ଦଫା ରୁଜୁ କରି ଆସନ୍ତାକାଲି କୋର୍ଟ ଚାଲାଣ କରାଯିବ ବୋଲି ଭୋଇ ବାବୁ ସୂଚନା ଦେଇଛନ୍ତି।ଭୋଇ ବାବୁ ଙ୍କ 

 ଏଭଳି କାର୍ଯ୍ୟ ପ୍ରତି ଲୋକେ ଅନେକ ପ୍ରଶଂସା କରୁଛନ୍ତି। ଆହୁରି ଅନେକ ଗୁଡ଼ିଏ ନକଳି ଡାକ୍ତର ଅଞ୍ଚଳରେ ଅଛନ୍ତି ସେମାନଙ୍କ ପ୍ରତି ଦୃଷ୍ଟି ଦେଇ କାର୍ଯ୍ୟନୁଷ୍ଠାନ ନେବାକୁ ଦାବି କରିଛନ୍ତି। ଏପରିକି  ବେଲପଡା ଥାନା କାନୁଟ ଗାଁ ରେ ଚାରି ବର୍ଷ ରୁ ଉର୍ଦ୍ଧ୍ବ ହେବ ଜଣେ ବଙ୍ଗାଳୀ ଡାକ୍ତର ଆସି କ୍ଳିନିକ ଖୋଲିଛି ତାଙ୍କ ଶିକ୍ଷାଗତ ଯୋଗ୍ୟତା ଅଛି କି ନାହିଁ ତାହା ବେଲପଡା ପୋଲିସ ଟିକିଏ ନଜର ଦିଅନ୍ତୁ ବୋଲି ଜନସାଧାରଣରେ ଦାବି ହେଉଛି।