01-Jul-2023

ବରଗଡ଼:-ବରଗଡ଼ ଜିଲ୍ଲାରେ ସାର ନକଲି କୀଟନାଶକ ନକଲି ବିହନ ନକଲି   ଔଷଧ ନକଲି ସବୁ ନକଲି , ହେଲେ ଗରିବ କୃଷକ ଖାଉଟି ଅସଲି ଯେଉଁ ମାନଙ୍କୁ ବାରମ୍ବାର ଆର୍ଥିକ ଶୋଷଣ କରି ଜୀବନ ଜୀବିକା ଦୁର୍ବିସହ କରାଯାଉଛି।ଜିଲ୍ଲା ପ୍ରଶାସନ ବିଭାଗୀୟ ଅଧିକାରୀ ଆଇନ କାନୁନ କିଛି କାମ ଦେଉନାହିଁ କି ସେମାନଙ୍କ ପ୍ରତି ଭୟମଧ୍ୟ ନାହିଁ।ଯେଉଁମାନେ ନକଲି ଦ୍ରବ୍ୟ ତିଆରୀ ବା ବିକ୍ରି କରୁଛନ୍ତି ସେମାନେ କେଉଁଠାରୁ ଏତେ ସାହାସ ପାଉଛନ୍ତି ବା ସେମାନଙ୍କୁ ତାକତ ଦେଉଛି କିଏ ? ଏହି ପରି ଅନେକ ପ୍ରଶ୍ନ କରାଯାଇ ପାରେ।ଗତ ତିନିଦିନ ତଳେ ବରାପଲି ବ୍ଲକ କାଇଁଶିର ଗ୍ରାମ ପାଖରେ DAP ଏବଂ ପୋଟାସ ସାର ବୋଝେଇ ଟ୍ରକ କାଦୁଅରେ ଫସିଯାଇଥିଲା । ତାହାକୁ ଉଦ୍ଧାର କରିବା ପାଇଁ ଲୋକମାନଙ୍କୁ ଡକାଯିବା ରୁ ଲୋକମାନେ ଆସି ଦେଖିଲେ ଯେ ତୁଲଣ୍ଡି ଗ୍ରାମ ପଟୁ ବରପାଲି ଆଡକୁ ଟ୍ରକ ଯାଉଛି ।ସେମାନଙ୍କର ସନ୍ଦେହ ହେଲା କୃଷିବିଭାଗ କୁ ଫୋନ କରି ସୂଚନାଦେଲେ ଅଧିକାରୀ ଆସିଲେ ଦେଖିଲେ କୌଣସି ପଦକ୍ଷେପ ନେଲେ ନାହିଁ।ପରେ ଗ୍ରାମରେ ଚର୍ଚ୍ଚା ହେବାରୁ ଜାଣିବାକୁ ପାଇଲେ ତୁଲଣ୍ଡି ଗ୍ରାମର ମୋହନ ବାରିକ ପ୍ରାୟ ଦୁଇ ତିନି ବର୍ଷ ହେବ ନକଲି ସାର ତିଆରି କରୁଛି।କାଇଁଶିର ଗ୍ରାମର ଚାଷୀ ମାନେ ତିନି ମାସ ପୂର୍ବେ ପୋଟାସ ସାର କାମ ନ ଦେବାରୁ ନକଲି ଭାବି ଜିଲ୍ଲା କୃଷିଅଧିକାରୀ ଙ୍କୁ ସାର ଆଣି ଅଭିଯୋଗ କରିଥିଲେ।ଅଧିକାରୀ ମହୋଦୟ ପରୀକ୍ଷା ପାଇଁ ଭୁବନେଶ୍ବର ପଠାଯିବ ଯଦି ନକଲି ତାହାହେଲେ ପଦକ୍ଷେପ ନିଆଯିବ କହିଥିଲେ ହେଲେ କୌଣସି ସୂଚନା ଦେଇ ନ ଥିଲେ ।ସେହି ଅସନ୍ତୋଷ ଫଳରେ ବିଭିନ୍ନ ଅଫିସ ପୋଲିସ ଙ୍କୁ ଫୋନ କରି ଗ୍ରାମବାସୀ ବାଧ୍ୟ କରିବାରୁ ପୋଲିସ ସାହାଯ୍ୟ ଫସିଥିବା ଟ୍ରକ ରୁ 90 ବସ୍ତା ସାର  ପୋଲିସ ଜବଦ କରିଛି।ତୁଲଣ୍ଡି ର ମୋହନ ବାରିକ ଙ୍କ ଘରକୁ ପୋଲିସ ଏବଂ କୃଷିଅଧିକାରୀ ଗଲେବେଳେ ଶହଶହ ଖାଲି ବସ୍ତା ନିଆଁ ଲଗାଇ ଜଳିଦେଥିବା ଦେଖିବାକୁ ପାଇଲେ।ଲୁଣ ରଙ୍ଗ ମାଟି ୟୁରିଆ ସାର ସାହାଯ୍ୟ ରେ ନକଲି ସାର ପ୍ରସ୍ତୁତ କରୁଥିବା ଦେଖିବାକୁ ପାଇଲେ।କିନ୍ତୁ ସିଜ କଲେନାହିଁ କି ଦୋଷୀକୁ ଗିରଫ କଲେ ନାହିଁ।କେବଳ ସେମ୍ପୁଲ ଭୁବନେଶ୍ୱର ପଠାଯିବ ଯଦି ନକଲି କାର୍ଯ୍ୟାନୁଷ୍ଠାନ ନିଆଯିବ କହି ଛାଡି ଦେଲେ।ଏହି ସବୁ ଘଟଣା ଚାଷୀ ମାନଙ୍କୁ ବିସ୍ମିତ କରିଛି ଚାଷକମ ଛାଡି ଅଫିସ ଅଫିସ ଦୌଡ଼ିବା ପାଇଁ ବାଧ୍ୟହେଉଛନ୍ତି।ଆଜି କାଇଁଶିର ଗ୍ରାମର କାରଣ ସାହୁ,ଅଚୁତ ଦେହେରୀ, ପ୍ରଫୁଲ୍ଲ କୁମାର ଭୋଇ, ତ୍ରିଲୋଚନ ମହାକୁଡ଼,ଟିକେଶ୍ୱର ଦେହେରୀ,ମୋହନ ସାହୁ,ଲୋକନାଥ ଦେହେରୀ ଙ୍କ ନେତୃତ୍ୱରେ ଆସି ଜିଲ୍ଲାପାଳଙ୍କ ଅନୁପସ୍ଥିତି ରେ ଏ ଡି ଏମ୍ ମିର୍ଧା ଟପୋ ଭେଟି ସାତଦିନ ମଧ୍ୟରେ ଉଚିତ ପଦକ୍ଷେପ ନ ନେଲେ ଆନ୍ଦୋଳନ କରିବାକୁ ଚେତାବନୀ ଦେଇଛନ୍ତି।