11-Jun-2023

ବୀରମହାରାଜପୁର,(ବିନୋଦ ପାଣ୍ଡେ ): ସୁବର୍ଣ୍ଣପୁର ଜ଼ିଲ୍ଲା ବୀରମହାରାଜପୁର ବ୍ଳକ କାର୍ଯ୍ୟାଳୟ ପରିସରରେ ରେ ଲୋକଙ୍କ  ପାଇଁ ପାନୀୟ ଜଳ ସୁବିଧା ଲାଗି ନୂତନ ଭାବେ ନିର୍ମାଣ ହୋଇଥିବା ଅମୃତ ଧାରା ଲାଗିଥିବା ତିନିଗୋଟି ଟେପ କୁ କେହି ଦୁର୍ବୁତ୍ତ ଗତକାଲି  ଖୋଲି ନେଇଥିବା  ଦେଖିବାକୁ ମିଳିଛି l ଏଠାକୁ ଆସୁଥିବା ବହୁ ଜନସାଧାରଣ ଥଣ୍ଡା ପାଣି ଟୋପାଏ ପାଇଁ ଉକ୍ତ ପ୍ରକଳ୍ପ ଉପରେ ନିର୍ଭର କରିଥାନ୍ତି। କୈାଣସି ଅସାମାଜିକ ବ୍ୟକ୍ତି ଉକ୍ତ ପ୍ରକଳ୍ପରେ‌ ଲାଗିଥିବ ଟେପ କୁ ଚୋରି କରି ନେବାରୁ ଏଠାରେ ପାଣି ବନ୍ଦ ହୋଇଯାଇଛି । ଫଳରେ ସ୍ଥାନୀୟ କର୍ମଚାରୀ ଓ ଜନସାଧାରଣ ପିଇବା ପାଣି ଟୋପାଏ ପାଇଁ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିବା ଦେଖିବାକୁ ମିଳିଛି।
 ବ୍ଲକ କାର୍ଯ୍ୟାଳୟ, ତହସିଲ, ସବ -ରେଜିଷ୍ଟର, ସମନ୍ୱିତ ଶିଶୁ ବିକାଶ, ଆର. ଆଇ. ଅଫିସ  ଓ ବରିଷ୍ଠ ଦେୱାନୀ ଅଦାଲତ ପ୍ରମୁଖ କାର୍ଯ୍ୟାଳୟ ରହିଛି। ସକାଳ ପାଇଲା ମାତ୍ରେ ଦୂର ଦୁରାନ୍ତରୁ ଅନେକ ଲୋକ ବିଭିନ୍ନ କାମରେ ଏଠାକୁ ଆସିଥାନ୍ତି। ପ୍ରବଳ  ଗ୍ରୀଷ୍ମପ୍ରବାହ‌ ଓ ଲୋକଙ୍କ ଶୋଷ ମେଣ୍ଟାଇବା ସହ ଏଠାରେ  ଅମୃତ ଧାରା ପ୍ରକଳ୍ପ ନିର୍ମାଣ ହୋଇଛି ।  ଫଳରେ ଅମୃତ ଧାରା ରୁ ପାଣି ବାହାରୁ ନ ଥିବାରୁ ଅନେକ ଲୋକ ପାଣି ନ ପାଇ ନିରାଶ ରେ ଫେରୁଛନ୍ତି l ଏଣୁ ତୁରନ୍ତ ଏହି ଅମୃତ ଧାରା ରେ ନୂତନ ଟେପ ଲଗାଇ ପାଣି ଯୋଗାଇ ଦେବାକୁ ଜନସାଧାରଣରେ ଦାବି ହୁଏ ।