10-Jun-2023

ବୀରମହାରାଜପୁର(ବିନୋଦ ପାଣ୍ଡେ ) : ଅଂଚଳର ବିକାଶରେ ଗଣମାଧ୍ୟମ ପ୍ରତିନିଧିଙ୍କ ଭୂମିକା ଗୁରୁତ୍ୱପୁର୍ଣ୍ଣ । ଏଭଳି କିଛି ମନ୍ତବ୍ୟ ରଖିଛନ୍ତି ବୀରମହାରାଜପୁର ବ୍ଲକ ଉପାଧ୍ୟକ୍ଷ ନାରାୟଣ ଲୁହା । ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ  ବାଗବର ଆମ୍ବ ବଣରେ ସାମ୍ବାଦିକଙ୍କ ସହ ହୋଇଥିବା ସ୍ୱତନ୍ତ୍ର ବନ୍ଧୁ ମିଳନ କାର୍ଯ୍ୟକ୍ରମରେ ଏଭଳି କିଛି କହିଛନ୍ତି ନାରାୟଣ । ବୀରମହାରାଜପୁର ନିର୍ବାଚନ ମଣ୍ଡଳୀର  ବିନିକା,ଉଲୁଣ୍ଡା ଏବଂ ବୀରମହାରାଜପୁର ବ୍ଲକରେ କାର୍ଯ୍ୟରତ ଉଭୟ ଇଲୋକ୍ଟ୍ରୋନିକ୍ସ ଏବଂ ପ୍ରିଂଟ ମିଡିଆର ପ୍ରତିନିଧିଙ୍କୁ ନେଇ ଏକ ବନ୍ଧୁ ମିଳନ କାର୍ଯ୍ୟକ୍ରମର ଆୟୋଜନ କରିଥିଲେ ବିଜେଡିର ଯୁବ ନେତା ତଥା ବୀରମହାରାଜପୁର ବ୍ଲକ ଆପାଧ୍ୟକ୍ଷ ନାରାୟାଣ ଲୁହା । ଏହି ଅବସରରେ ନିମନ୍ତ୍ରିତ ସମସ୍ତ ଗଣ ମାଧ୍ୟମ ପ୍ରତିନିଧିଙ୍କୁ ସର୍ବପ୍ରଥମେ ଉପଢୌକନ ଦେଇ ସେ ମସ୍ୱର୍ଦ୍ଧିତ କରିଥିଲେ । ପରେ ପରେ ବୀମରହାରାଜପୁର ନୁର୍ବାଚନ ମଣ୍ଡଳୀର ସାମଗ୍ରୀକ ଉନ୍ନତି ପାଇଁ ସାମ୍ବାଦିକଙ୍କ କର୍ତବ୍ୟକୁ ପ୍ରଂଶସା କରିଥିଲେ । ଆଗାମୀ ୨୦୨୪ ସାଧାରଣ ନୁର୍ବାଚନରେ ସେ ବିଜେଡି ଦଳରୁ ବୀରମହାରାଜପୁରର ପ୍ରାର୍ଥୀ ହେବାପାଇ ଦଳପାଖରେ ଆବେଦନ କରିବେବୋଲି କହିବା ସହ ସେନେଇ ମଧ୍ୟ ସାମ୍ବାଦିକମାନେ ସହଯୋଗର ହାତ ବଢାଇବାକୁ ସେ ସମସ୍ତ ଗଣମାଧ୍ୟମ ପ୍ରତିନିଧିଙ୍କୁ ଅନୁରୋଧ କରିଥିଲେ । ଏହି କାର୍ଯ୍ୟକ୍ରମରେ ନିର୍ବାଚନ ମଣ୍ଡଳୀରେ ତିନିଗୋଟି ବ୍ଲକରୁ ୩୦ ରୁ ଉର୍ଦ୍ଧ ସାମ୍ବାଦିକ ଯୋଗଦେଇଥିଲେ ।