10-Jun-2023

ବୀରମହାରାଜପୁର, (ବିନୋଦ ପାଣ୍ଡେ) : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ କୃଷି କାର୍ଯ୍ୟାଳୟ ଠାରେ କୃଷି ସଚେତନତା ରଥର ଶୁଭାରମ୍ଭ ହୋଇଯାଇଛି।‌ ଏହି ଅବସରରେ ବୀରମହାରାଜପୁର ବ୍ଲକ ଅଧ୍ୟକ୍ଷା ଶାନ୍ତି ଲୁହା, ଆତ୍ମ ଅଧ୍ୟକ୍ଷ ବିବପ୍ପତି ପଣ୍ଡା ଅତିଥି ଭାବେ ଯୋଗଦେଇ ସବୁଜ ପତକା ଦେଖାଇ ଆନୁଷ୍ଠାନିକ ଭାବେ ଶୁଭାରମ୍ଭ ହୋଇଥିଲା।‌ ଅନ୍ୟମାନଙ୍କ ମଧ୍ୟରେ ବ୍ଳକ ଉପାଧ୍ୟକ୍ଷ ନାରାୟଣ ଓ କାର୍ଯ୍ୟାଳୟ କର୍ମଚାରୀ ମାନେ ଉପସ୍ଥିତ ଥିଲେ। ପ୍ରଥମେ ଚମ୍ପାମାଲ  ପଞ୍ଚାୟତ ମୁଖ୍ୟାଳୟ ଠାରୁ କୃଷି ସଚେତନତା ରଥ ଶୁଭାରମ୍ଭ ହୋଇଛି l ରାଜ୍ୟ ସରକାର ଙ୍କ ଚାଷୀ ମାନଙ୍କୁ ବିଭିନ୍ନ କୃଷି ସହାୟତା ପ୍ରଦାନ, ମିଲେଟ ମିଶନ ଜରିଆରେ ମାଣ୍ଡିଆ ଚାଷ ପାଇଁ ସିଧା ସଳଖ ପ୍ରଦାନ, କୃଷି ଯନ୍ତ୍ରପାତି କ୍ଷେତ୍ରରେ ଚାଷୀ ମାନଙ୍କୁ ସବସିଟି ପ୍ରଦାନ, ସମନ୍ୱିତ କୃଷି ପାଇଁ ଫୁଲ ଚାଷ, ବତକ, କୁକୁଡ଼ା, ଗାଈ, ଛେଳି ଚାଷ ପାଇଁ ସହାୟତା ପ୍ରଦାନ ପ୍ରଭୁତି ବିଷୟରେ ସଚେତନତା କରାଯାଇଥିଲା l ଉକ୍ତ କାର୍ଯ୍ୟକ୍ରମ ରେ ବ୍ଲକ କୃଷି ଅଧିକାରୀ ସନ୍ଧ୍ୟାଶ୍ରୀ ଭୂୟାଁ, ଆତ୍ମା ର ପୂର୍ବତନ ସଦସ୍ୟ କିଶୋର ହୋତା, କୃଷକ ସାଥି ସଞ୍ଜୟ ନେଗୀ ପ୍ରମୁଖ ଯୋଗଦେଇଥଲେ l ଚମ୍ପାମାଲ ପରେ ହିଲୁଙ୍ଗ, ଏବଂ ଉଫୁଲା ଗ୍ରାମପଞ୍ଚାୟତ ଠାରେ କୃଷି ସଚେତନତା ରଥ ପରିକ୍ରମା କରିଥିଲା l ଏହି ସଚେତନତା ସମୟରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା l