20-May-2023

ବଲାଙ୍ଗିର (ଦେବାଶିଷ ବହିଦାର ): ତିନି ଶହ ରୁ ଅଧିକ ପୁସ୍ତକର ସର୍ଜନାର ସାମର୍ଥ୍ଯ ବହନ କରିଥିବା  ପ୍ରଖ୍ୟାତ  ସାରସ୍ବତ ସାଧକ  ,ଅନୁବାଦକ,କବି ,  ପଦ୍ମଶ୍ରୀ ବିଦ୍ୟାବାଚସ୍ପତି  ଡକ୍ଟର ଶ୍ରୀନିବାସ ଉଦଗାତା ଙ୍କୁ ମିଳିଛି ଅତିବଡି ଜଗନ୍ନାଥ ଦାସ  ସମ୍ମାନ। ଓଡିଶା ସାହିତ୍ଯ ଏକାଡେମୀର ଏକ ସ୍ବତନ୍ତ୍ର ସମାରୋହରେ ଭୁବନେଶ୍ବର  ଠାରେ ତାଙ୍କୁ ଏହି ସମ୍ମାନ ପ୍ରଦାନ କରାଯାଇଛି । ପୁରସ୍କାର ରେ ତାଙ୍କୁ  ପ୍ରଦାନ କରାଯାଇଛି  ତାମ୍ରଫଳକ, ଅଙ୍ଗବସ୍ତ୍ର ଓ ,ପାଞ୍ଚ ଲକ୍ଷ ଟଙ୍କାର ଚେକ୍ । ।ତାଙ୍କ ର ଏହି ବିରଳ ସମ୍ମାନ ପ୍ରାପ୍ତିରେ ବଲାଙ୍ଗିର ର ବିଭିନ୍ନ ମହଲରୁ ଅଭିନନ୍ଦନ ର ସୁଅ ଛୁଟୁଛି। ଆଜି ସକାଳେ ବଲାଙ୍ଗୀର ଜିଲ୍ଲାପାଳ ଚଞ୍ଚଳ ରାଣା ବଲାଙ୍ଗୀର ଜିଲ୍ଲା ପ୍ରଶାସନ, ଜିଲ୍ଲା ସଂସ୍କୃତି ପରିଷଦ ତରଫରୁ ଡକ୍ଟର ଉଦଗାତାଙ୍କୁ ଅଙ୍ଗବସ୍ତ୍ର  ଓ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରିବା ସହ ତାଙ୍କର ସ୍ବାସ୍ଥ୍ୟବସ୍ଥା କଥା ପଚାରି ବୁଝିଥିଲେ। ସମ୍ବର୍ଦ୍ଧନା ର ଉତ୍ତରରେ ପଦ୍ମଶ୍ରୀ

ଡକ୍ଟର ଶ୍ରୀନିବାସ ଉଦଗାତା  ତାଙ୍କର  ଜୀବନ ସାରା ସଂଗୃହିତ ଓ ସୁରକ୍ଷିତ  ପୁସ୍ତକ ସବୁକୁ ନେଇ ଏକ ଗବେଷଣା କେନ୍ଦ୍ର ଓ ପାଠାଗାର  କରିବାକୁ ତାଙ୍କର  ନିଜର ଭୂମିରେ ଏକ କୋଠା ପାଇଁ  ସରକାରଙ୍କ ତରଫରୁ ଆର୍ଥିକ ସହାୟତା  କେମିତି ମିଳିପାରିବ ସେ ଦିଗରେ ଜିଲ୍ଲାପାଳଙ୍କ   ସହ ଆଲୋଚନା କରିଥିଲେ।ସମ୍ବର୍ଦ୍ଧନା ସମୟରେ  ଅତିରିକ୍ତ ଜିଲ୍ଲାପାଳ ଲମ୍ବୋଦର ଧରୁଆ,  ଜିଲ୍ଲା ସଂସ୍କୃତି ଅଧିକାରୀ ରଶ୍ମୀରଞ୍ଜନ ମିଶ୍ର  ଉପସ୍ଥିତ ଥିଲେ।