14-May-2023

ବଲାଙ୍ଗିର, (ବିନୋଦ କୁମାର ଦୀପ) ବଲାଙ୍ଗିର ରୁ ପ୍ରକାଶିତ ଓଡିଆ ସାପ୍ତାହିକ ଖବର କାଗଜ ଜନ ସମ୍ବାଦ ର ୧୪ ତମ ସ୍ଵନକ୍ଷତ୍ର ସମାରୋହ -୨୦୨୩  ସ୍ଥାନୀୟ ସାମ୍ବାଦିକ ଭବନ ସମ୍ମିଳନୀ କକ୍ଷ ଠାରେ ପାଳିତ ହୋଇଯାଇଛି l ଖବର କାଗଜ ର ସଂପାଦକ ସଚିତା ନନ୍ଦ ବଗର୍ତ୍ତୀ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ସମାରୋହରେ ଅତିଥି ଭାବେ ତୁଷୁରା ଏନ୍.ଏ.ସି  ଅଧ୍ୟକ୍ଷ ଶ୍ରୀଯୁକ୍ତ ଅଜୟ ଜୟସ୍ୱାଲ, ପୁଇଁନ୍ତଲା ବ୍ଲକ ଅଧ୍ୟକ୍ଷ ଶ୍ରୀଯୁକ୍ତ ସରୋଜ କୁମାର ପଧାନ, ବଲାଙ୍ଗିର ସଦର ବ୍ଲକ ଅଧ୍ୟକ୍ଷା ଶ୍ରୀମତୀ ସରିତା ବାଗ, ବଲାଙ୍ଗିର ଜିଲ୍ଲା କିଶାନ କଂଗ୍ରେସ  ଅଧ୍ୟକ୍ଷ ଶ୍ରୀଯୁକ୍ତ ସାନନ୍ଦ କୁମାର ମିଶ୍ର ପ୍ରମୁଖ ଯୋଗଦେଇ ଜନ ସମ୍ବାଦ ନିର୍ଭୀକତା ର ସହ ଗ୍ରାମାଞ୍ଚଳ ର ସମସ୍ୟା ଗୁଡିକୁ ପ୍ରକାଶିତ କରିବା ଦିଗରେ ପ୍ରୟାସ ଜାରି ରଖିଛି  l

ସ୍ଵଳ୍ପ  ସମ୍ବଳ ମଧ୍ୟମରେ ନିୟମିତ ଭାବେ ଖବର କାଗଜ କୁ ପ୍ରକାଶିତ କରୁଥିବାରୁ ଅତିଥି ମାନେ ସଂପାଦକ ଙ୍କୁ ସାଧୁ ବାଦ ଜଣାଇବା ସହ ଖବର କାଗଜ ର ଉତ୍ତରୋତ୍ତର  ଉନ୍ନତି କାମନା କରିଥିଲେ l ଏହି ଅବସରରେ ବଲାଙ୍ଗିର ସଦର ପୂର୍ବତନ ବ୍ଲକ ଅଧ୍ୟକ୍ଷ ତଥା ନବ ନିର୍ବାଚିତ ଜିଲ୍ଲା ସମିତି ସଭ୍ୟ ସଂଘ ର ସଭାପତି ଗୋଲାପ ବାଗ ଙ୍କୁ ଜନ ସମ୍ବାଦ ପରିବାର ତରଫରୁ ସମ୍ବର୍ଦ୍ଧିତ କରାଯାଇଥିଲା । ସଭା କାର୍ଯ୍ୟ ପୂର୍ବରୁ  ଜନ ସମ୍ବାଦ ର ସ୍ୱନ କ୍ଷତ୍ର ସଂଖ୍ୟା କୁ ଅତିଥି ମାନେ ଉନ୍ମୋଚିତ କରିଥିଲେ l ବରିଷ୍ଠ ସାମ୍ବାଦିକ ନବୀନ କୁମାର ପଶାୟତ ସ୍ବାଗତ ଭାଷଣ ଦେଇଥିବା ବେଳେ ସଭାକୁ ସାମ୍ବାଦିକ ସନ୍ଦୀପ କୁମାର କୁଅର ସଂଯୋଜନା କରିଥିଲେ l