14-May-2023

ଯାଜପୁର (ପ୍ରେରଣା ଖବର ): ଗତ ୧୩  ଓ ୧୪ ତାରିଖ ଦୁଇ ଦିନ ଧରି ନେସନାଲ୍ ୟୁନିଅନ୍ ଅଫ୍ ଜର୍ଣ୍ଣାଲିଷ୍ଟ (ଇଣ୍ଡିଆ ) ପକ୍ଷରୁ  ଯାଜପୁର ଠାରେ ଅନୁଷ୍ଠିତ ଜାତୀୟ କାର୍ଯ୍ୟକାରିଣୀ ବୈଠକ ଆଜି ଉଦଯାପିତ ହୋଇଯାଇଛି  l ଏଥିରେ ମୁଖ୍ୟ ଅତିଥି ଭାବେ ଗ୍ରାମ୍ୟ ଉନ୍ନୟନ ଓ ଦକ୍ଷତା ବିକାଶ ମନ୍ତ୍ରୀ ପ୍ରୀତି ରଞ୍ଜନ ଘଡେଇ ଯୋଗ ଦେଇ ରାଷ୍ଟ୍ର ନିର୍ମାଣ ଦିଗରେ ସାମ୍ବାଦିକ ମାନେ ଏକଜୁଟ୍ ହେବା ଆବଶ୍ୟକ ବୋଲି କହିଥିଲେ l 
ଅନ୍ୟତମ ଅତିଥି ଭାବରେ କୋରେଇ ବିଧାୟକ ଅଶୋକ ବଳ,ଏସ୍ ୟୁ ଜେ ର ରାଜ୍ଯ ସଭାପତି କୈଳାଶ ନାୟକ ,ରାଜ୍ଯ

ସାଧାରଣ ସମ୍ପାଦକ ପ୍ରଶାନ୍ତ ପାଢ଼ୀ ,ଏସ୍ ୟୁ ଜେ ର ରାଷ୍ଟ୍ରୀୟ ମହାସଚିବ ସୁରେଶ ଶର୍ମା ,ଏସ୍ ୟୁ ଜେ ର ଜୋନାଲ ସଭାପତି ଦୀପକ ମୁଖାର୍ଜୀ , ଏନ୍ ୟୁ ଯେ ର ସମ୍ପାଦକ ଅଜୟ ସାହୁ ,ଯାଜପୁର ମୁନିସିପାଲିଟି ଅଧ୍ୟକ୍ଷl ସଂଗୀତା ପିଙ୍ଗୁଆ, ନେସନାଲ୍ ସ୍କୁଲ ଅଫ୍ ଜର୍ଣ୍ଣାଲିଷ୍ଟ ର ଜିତେନ୍ଦ୍ର ଅଗସ୍ତି ପ୍ରମୁଖ ମଞ୍ଚାସୀନ ରହି ସାମ୍ବାଦିକଙ୍କ ଏକତା ଓ ଅଖଣ୍ଡତା ବଜାୟ ରଖିବ ଉପରେ ନିଜର ପ୍ରତିକ୍ରିୟା ରଖିଥିଲେ l
କାର୍ଯ୍ୟକ୍ରମ କୁ ସାମ୍ବାଦିକ ଚିନ୍ତାମଣି ପାଢୀ ପରିଚାଳନା କରିଥିଲେ l

ଏହି କାର୍ଯ୍ୟକ୍ରମରେ ବଲାଙ୍ଗିର ରୁ ଏସ୍ ୟୁ ଜେ ର ରାଜ୍ଯ ସମ୍ପାଦକ ମହେନ୍ଦ୍ର ଦର୍ଜି , ଏସ୍ ୟୁ ଜେ ର ଜିଲ୍ଲା ସଭାପତି ଗୋପବନ୍ଧୁ ସତପଥୀ ଓ ଏସ୍ ୟୁ ଜେ ର ଜିଲ୍ଲା ସମ୍ପାଦକ ରଘୁ ନନ୍ଦନ ସିଂହ ପ୍ରତିନିଧିତ୍ଵ କରି ଆଲୋଚନାରେ ଅଂଶଗ୍ରହଣ କରିଥିଲେ l ଏଥିରେ ଦେଶର 15 ଟି ରାଜ୍ୟରୁ ଡେଲିଗେଟସ୍ ସମେତ ରାଜ୍ୟର ବିଭିନ୍ନ ଜିଲ୍ଲାରୁ ସାମ୍ବାଦିକ ଓ ଏସ୍ ୟୁ ଜେ ର କର୍ମକର୍ତ୍ତା ମାନେ ଯୋଗ ଦେଇଥିଲେ l