13-May-2023

ପାଟଣାଗଡ଼(ଦିଲୀପ ପଣ୍ଡା )ପାଟଣାଗଡ଼ ବ୍ଲକ ସହକାରୀ ମୃର୍ତ୍ତକା ସଂରକ୍ଷଣ ବିଭାଗ ପକ୍ଷରୁ ମୋପୋଖରୀ ଖନନ ନକରି ବିଭାଗୀୟ କର୍ମଚାରୀ ଟଙ୍କା ଆତ୍ମସାତ କରିଥିବା ଭରତବାହାଲ ,ବଡଝୁଲା,ଠେଲକୋଛାପର ଗାଁର ଚାଷୀମାନେ ଅଭିଯୋଗ କରିଛନ୍ତି । ଭରତବାହାଲ ଗାଁର ଚାଷୀ ଜଗନ୍ନାଥ ନାଏକ,ସଦାନନ୍ଦ ସାହୁ,ବଡଝୁଲା ଗାଁର ମାଧବୀ ସିଂ,ଠେଲକୋଛାପର ଗାଁର ଉଦ୍ଧବ ଧରୁଆ ଙ୍କ ଚାଷ ଜମିରେ ମୋପୋଖରୀ କାର୍ଯ୍ୟ ଖନନ ନକରି ବିଭାଗୀୟ ଅଧିକାରୀ ଓ କର୍ମଚାରୀ ଟଙ୍କା ଉଠାଇ ଆତ୍ମସାତ କରିଥିବା ଅଭିଯୋଗ ହେଉଛି । ସେହିପରି ଭାବରେ ଭରତବାହାଲ ଗାଁର ଚିଷୀ ଜାଦବ ସିଂ ବାବୁ ,ସୁରୁ ମିଶ୍ର, ଗୁଡୁରାଷ୍ଟ୍ର ନାଏକ ବିଭାଗୀୟ ଅଧିକାରୀ ଓ କର୍ମଚାରୀ ଙ୍କୁ ମୋପୋଖରୀ ଖନନ ସମ୍ପର୍କିତ ଆବଶ୍ୟକୀୟ କାଗଜପତ୍ର ଦେଇଥିଲେ । ତାଙ୍କ ନିର୍ଦ୍ଦେଶକ୍ରମେ ଏହି ୩ ଜଣ ଚାଷୀ ମନରେଗା ଯୋଜନାରେ ୨୦୨୧-୨୨ ଆର୍ଥିକ ବର୍ଷରେ ୧ ଲକ୍ଷ ୨୦ ହଜାର ଟଙ୍କା ବ୍ୟୟ ଅଟକଲରେ  ବିଭାଗୀୟ କର୍ମଚାରୀ ସୈ।କିଲାଳ ସାହୁ ଙ୍କ ଉପସ୍ଥିତିରେ ମୋପୋଖରି ଖନନ କାର୍ଯ୍ୟ କରିଛନ୍ତି । କାମ  ସରିଯିବାର  ୧ ବର୍ଷରୁ ଉର୍ଦ୍ଧ୍ବ ସମୟ ବିତିଯାଇଥିଲେ ସୁଦ୍ଧା ଜାଦବ ୬୫ ହଜାର ସୁରୁ ୪୦ ହଜାର ଓ ଗୁଡୁ ୭୫ ହଜାର ଟଙ୍କା ଲେଖାଏଁ ପାଇଛନ୍ତି । ବାକିତକ ଟଙ୍କା ବିଭାଗୀୟ କର୍ମଚାରୀ ସୈ।କିଲାଳ ଆତ୍ମସାତ କରିଦେଇଥିବାନେଇ ବିଭାଗୀୟ ସହକାରୀ ମୃତ୍ତିକା ସଂରକ୍ଷଣ ଅଧିକାରୀ ରଜନୀ କୁମ୍ଭାର ଙ୍କ ଠାରେ ବାରମ୍ଵାର ଅଭିଯୋଗ ସ୍ବତ୍ବେ କୌଣସି ସୁଫଲ ପାଇନଥିବା ଚାଷୀମାନେ ଅଭିଯୋଗ କରିଛନ୍ତି ।  ଜାହାକୁ ନେଇ ଏ‌ହିସବୁ ଚାଷୀ ମାନେ ଆଜି ଲରମ୍ଭା ଥାନାର ଦ୍ବାରସ୍ଥ ହୋଇଥିଲେ । ଥାନା ଅଧିକାରୀ ସେମାନଙ୍କୁ ଘଟଣା ସମ୍ପର୍କରେ ଉପଜିଲ୍ଲାପାଳ ଓ ପିଡିଡିଆରଡିଏ ଙ୍କୁ ଲିଖିତ ଭାବରେ ଜଣାଇବା ସହ ସେ ସମ୍ପର୍କିତ ଅଭିଯୋଗ ପତ୍ର ସଂଲଗ୍ନ କରି ଦେବାପରେ ମାମଲା ରୁଜୁ କରାଜିବବୋଲି ଚାଷୀ କରୁଣା ମିଶ୍ର ଙ୍କଠାରୁ ଜଣାପଡିଛି । ଏସମ୍ପର୍କରେ ବିଭାଗୀୟ କର୍ମଚାରୀ ସୈ।କିଲାଳ ସାହୁ ଙ୍କୁ ବାରମ୍ବାର ଫୋନକଲେ ମଧ୍ୟ ସେ ଜାଣିସୁଣି ଫୋନ ଉଠାଉନଥିବାବେଲେ ସରକାରୀ ମୃତିକା ସଂରକ୍ଷଣ ଅଧିକାରୀ ରଜନୀ କୁମ୍ଭାର ସୋମବାର ଦିନ କାର୍ଯ୍ୟାଲଜକୁ ଆସନ୍ତୁ ବୋଲି କହିଥିଲେ ।ଏଥିପ୍ରତି ଜିଲ୍ଲା ପ୍ରକଳ୍ପ ନିର୍ଦ୍ଦେଶକ ଦୃଷ୍ଟି ଦେବାକୁ ଚାଷୀମାନେ ଦାବି କରିଛନ୍ତି ।