13-May-2023

ପାଟଣାଗଡ଼/ବେଲପଡା (ଦିଲୀପ ପଣ୍ଡା ): ଶ୍ରମିକ ମାନେ କିଭଲି ବାହ୍ୟ ରାଜ୍ୟକୁ ଦାଦନ ଖଟିବାକୁ ନଜାଇ ନିଜ ଅଞ୍ଚଳରେ କାମଧନ୍ଦା ପାଇବେ ସେଥିପାଇଁ ରାଜ୍ୟ ସରକାର କୋଟି କୋଟି ଟଙ୍କା ଖର୍ଚ୍ଚ କରି ଏମଜିଏନଆରଜିଏସ ଯୋଜନା ମାଧ୍ୟମରେ ଶ୍ରମିକ ମାନଙ୍କୁ କାମ ଯୋଗାଇ ଆସୁଛନ୍ତି । କିନ୍ତୁ ଏହାର ଏକ ବ୍ୟତିକ୍ରମ ଦେଖିବାକୁ ମିଳିଛି ବଲାଙ୍ଗୀର ଜିଲ୍ଲା ବେଲପଡା ବ୍ଲକ ଦର୍ଲିପାଲି ପଞ୍ଚାୟତ ଆଡମୁଣ୍ଡା କୁର୍ମିବନ୍ଧ ପଙ୍କ ଉଦ୍ଧାର କାଯ୍ୟରେ । ଏଠାରେ ଶ୍ରମିକ ବଦଳରେ ଜେସିବି ଲଗାଇ ଆଜିକୁ ଆଠଦିନ ହେଲା କାମ କରାଯାଉଛି । ସୂଚନା ଅନୁସାରେ ୨୦୨୨-୨୩ ଆର୍ଥିକ ବର୍ଷରେ ୧୦ ଲକ୍ଷ ଟଙ୍କା ବ୍ୟଜ ଅଟକଳରେ ଏମଜିଏନଆରଜିଏସ ଯୋଜନାରେ କୁର୍ମୀ ପୋଖରୀର ପଙ୍କ ଉଦ୍ଧାର କାମ ଚାଲିଛି । ନିୟମ ମୁତାବକ

ଏହି କାମ ଜବକାଡ ଧାରି ଶ୍ରମିକ ମାନେ କରିବାକଥା କିନ୍ତୁ ଦର୍ଲି ପାଲି ପଞ୍ଚାୟତ ସମିତି ସଭ୍ୟା ଙ୍କ ସ୍ଵାମୀ ସଦାନନ୍ଦ ଭୁଏଙ୍କ କହିବା ଅନୁସାରେ ଏହି ପଞ୍ଚାୟତ ଦାଇତ୍ବରେ ଥିବା କନିଷ୍ଠ ଯନ୍ତ୍ରୀ ପ୍ରଶାନ୍ତ ଘଡେଇ ଙ୍କ ନିର୍ଦ୍ଦେଶ ମୁତାବକ ଶ୍ରମିକ ବଦଲରେ ଲୁଚାଛୁପାରେ ଆମେ ଜେସିବି ଦ୍ଵାରା ୪ ଗୋଟି ଟ୍ରାକ୍ଟର ଲଗାଇ ଏହି ପୋଖରୀର ପଙ୍କ ଉଦ୍ଧାର କାମ କରୁଛୁ । କନିଷ୍ଠ ଯନ୍ତ୍ରୀ ଜଣେ ସରକାରୀ କର୍ମଚାରୀ ହୋଇ ମଧ୍ୟ କାହିଁକି ସେ ଏଭଳି କାର୍ଯ୍ୟ କରୁଛନ୍ତି ତାହା ତଦନ୍ତ ସାପେକ୍ଷ ? ଏସମ୍ପର୍କରେ କନିଷ୍ଠ ଯନ୍ତ୍ରୀ ଶ୍ରୀ ଘୋଡେଇ କୁ ପଚାରିବାରୁ ଏହି ପୋଖରୀରେ ଏମଜିଏନଆରଜିଏସ କାମ ସରିବାପରେ ସିଏଫସି ଫଣ୍ଡରୁ ଜେସିବି ଦ୍ଵାରା କାମ କରାଜାଉଛି ବୋଲି ସଫେଇ ଦେଇଥିଲେ । ଅପରପକ୍ଷରେ ସମିତି ସଭ୍ୟାଙ୍କ ସ୍ଵାମୀ ଶ୍ରୀ ଭୁଏ  ଶ୍ରମିକ ଅଭାବଵରୁ ପ୍ରାରମ୍ଭରୁ ଆଜିକୁ ୮ ଦିନହେଲା ଜେସିବି ଦ୍ଵାରା ଟ୍ରାକ୍ଟର ମାଧ୍ୟମରେ ଏହି ପୋଖରୀର ପଙ୍କ ଉଦ୍ଧାର କାମ କରାଯାଉଛି ବୋଲି ପ୍ରକାଶ କରିଥିଲେ । ଏହି ଘଟଣା ସମ୍ପର୍କରେ ବିଡିଓ ଭିକ୍ଟର ସୋରେନ୍ କୁ ପଚାରିବାରୁ ଆଜିକୁ ସପ୍ତାହେରୁ ଉର୍ଦ୍ଧ ହେବ ଜେସିବି ଦ୍ଵାରା କାମ ହେଉଥିବା

ଅଭିଯୋଗ ପାଇଛି । ଏହାର ତଦନ୍ତ କରାଜିବବୋଲି କହିଥିଲେ । ତେବେ ସମିତି ସଭ୍ୟାଙ୍କ ସ୍ଵାମୀ, କନିଷ୍ଠ ଯନ୍ତ୍ରୀ ଓ ବିଡ଼ିଓ ଙ୍କ ପ୍ରତିକ୍ରିୟା ରେ ତାଲମେଲ ରହୁ ନଥିବା ସହ ପୋଖରୀ କୁଲରେ ଲାଗିଥିବା ସୁଚନା ଫଲକରୁ ବ୍ଲକ ପ୍ରଶାସନ ଜାଣିସୁଣି ଶ୍ରମିକ ମାରଣା ନିତି କରୁଥିବା ଅଭିଯୋଗ ହେଉଛି ।ଏଥିପ୍ରତି ଜିଲ୍ଲା ପ୍ରକଳ୍ପ ନିର୍ଦ୍ଦେଶକ ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି ।