12-May-2023

ପାଟଣାଗଡ଼(ଦିଲୀପ ପଣ୍ଡା ): ନିଖିଳ ଓଡିଶା ଏମଡିଏମ ପାଚିକା ସହାୟିକା ସଂଘ ବଲାଙ୍ଗୀର ଶାଖାର ସଦସ୍ୟା ମାନେ ପାଟଣାଗଡ ଗୋଷ୍ଠୀ ଶିକ୍ଷା ଅଧିକାରି ଙ୍କ ଜରରିଆରେ ଶିକ୍ଷା ମନ୍ତ୍ରୀଙ୍କୁ ଏକ ୧୬ ଦଫା ସମ୍ବଳିତ ଦାବିପତ୍ର ପ୍ରଦାନ କରିଛନ୍ତି ।  ନିଖିଳ ଓଡିଶା ଏମଡିଏମ ପାଚିକା ସହାୟିକା ସଂଘ ବଲାଙ୍ଗୀର ଶାଖାର ସଦସ୍ୟା ମାନେ ପାଟଣାଗଡ଼ ହାଟପଦା ସ୍ଥିତ ପଞ୍ଚମୁଖୀ ହନୁମାନ ମନ୍ଦିର ପ୍ରାଣଙ୍ଗରେ ସକାଳେ ଏକତ୍ରିତ ହୋଇଥିଲେ । ସଭାପତି ପାଣ୍ଡବ ଭୋଇ ଓ ସମ୍ପାଦିକା ମାଧବି କଲତା ଙ୍କ ନେତୃତ୍ବରେ ସଦସ୍ୟା ମାନେ ସହରରେ ମୁଖ୍ୟରାସ୍ତା ଦେଇ ପାଟଣାଗଡ଼ ଗୋଷ୍ଠି ଅଧିକାରୀ ଙ୍କ କାଯ୍ୟାଲୟ ସମ୍ମୁଖରେ ପହଞ୍ଚି ବିଭିନ୍ନ ପ୍ରକାର ବିକ୍ଷୋଭ ସହ ନାରାବାଜି କରିଥିଳେ । ପରେ ଗୋଷ୍ଠୀ ଶିକ୍ଷା ଅଧିକାରୀ ଶଙ୍କର ପ୍ରସାଦ ମାଝୀ ଙ୍କ  ଜରିଆରେ ଶିକ୍ଷା ମନ୍ତ୍ରୀଙ୍କୁ ଏକ ୧୬ ଦଫା ସମ୍ବଳିତ ଦାବିପତ୍ର ପ୍ରଦାନ କରିଥିଲେ । ଦାବିଗୁଡିକ ମଧ୍ୟରେ ୨୦୦୯ ଡ଼ିସେମ୍ବରରୁ ୨୦୧୨ ପର୍ଯ୍ୟନ୍ତ କାମକରିଥିବା ପାଚିକା ସହାୟିକା ତଥା ମୃତକଙ୍କ ଉତ୍ତରାଧିକାରୀ ଓ ଅବସର ପ୍ରାପ୍ତ ପାଚିକା ତଥା ବିଭିନ୍ନ ସ୍ଥାନରେ ବିଦ୍ୟାଳୟ ଵନ୍ଦ ପରେ ବାଦ ପଡ଼ିଥିବା ପାଚିକା ଙ୍କୁ ୨୮ ମାସର ବର୍ଦ୍ଧିତ ବକେୟା ପ୍ରଦାନ, କେନ୍ଦ୍ର ସରକାରଙ୍କ ଘୋଷଣା ଅନୁଯାୟୀ ୨୦୦୯ ଡିସେମ୍ବର ଠାରୁ ୨୦୧୭ ଡିସେମ୍ବର ପର୍ଯ୍ୟନ୍ତ ରାଜ୍ୟ ସରକାର ଙ୍କ ୪୦% ବକେୟା ପ୍ରଦାନ, ପାଚିକା ମାନଙ୍କୁ ସରକାରୀ କର୍ମଚାରୀର ମାନ୍ୟତା ସହ ମାସିକ ସର୍ବନିମ୍ନ ୨୬ ହଜାର ଟଙ୍କା ପ୍ରଦାନ, ସ୍କୁଲ ବନ୍ଦ ସହ ମିଶ୍ରଣ ଫଳରେ ବାଦ୍ ପଡିଥିବା ପାଚିକା ଙ୍କୁ ଅନ୍ୟତ୍ର ନିୟୁକ୍ତି ,ପାଚିକା ମାନଙ୍କୁ ୧୦ ମାସ ପରିବର୍ତ୍ତେ ୧୨ ମାସର ପାରିଶ୍ରମିକ ପ୍ରଦାନ, ପାଚିକା ଙ୍କ ବୟସ ସିମା ବୃଦ୍ଧି ସହ ଅବସରକାଳୀନ ଭର୍ତ୍ତା ପ୍ରଦାନ, ପାଚିକା ମାନଙ୍କୁ ପ୍ରଶୁତି କାଲିନ ଛୁଟିର ବ୍ୟବସ୍ଥା କରିବା, ଏମଡିଏମ କୁ ଅକ୍ଷୟ ପାତ୍ର ଓ ମୋଦି ଫାଉଣ୍ଡେସନ ଭଲି ଘରୋଇ ସଂସ୍ଥାକୁ ହସ୍ତାନ୍ତର ବନ୍ଦ କରାଯିବା, ସାମାୟିକ ନିରାପର୍ତ୍ତା,ବୀମାଭୁକ୍ତ କରିବା ସହ ଚାରି ବର୍ଷର ବକେୟା ଶାଢ଼ୀ ପ୍ରଦାନ, କେନ୍ଦ୍ର ଓ ରାଜ୍ୟ ସରକାରଙ୍କ ବଜେଟରେ ଆବଶ୍ୟକୀୟ ବ୍ୟୟବରାଦ କରିବାର ବ୍ୟବସ୍ଥା ସହିତ ଛାତ୍ର ମାନଙ୍କର ମୁଣ୍ଡପିଛା ଖର୍ଚ୍ଚ ବୃଦ୍ଧିସାଙ୍ଗକୁ ନୂତନ ଶିକ୍ଷାନୀତି କୁ ବାତିଲ ପ୍ରଭୁତି ଦାବିଗୁଡିକ ରହିଛି । ଆଜିର ଏହି କାର୍ଯ୍ୟକ୍ରମରେ ସଭାପତି, ସମ୍ପାଦିକା, ଶ୍ରମିକ ନେତା, ଗୋପାଳ ଭୋଇଙ୍କ ସମେତ ସତାଧିକ ପାଚିକା ଓ ସହାୟିକା ଉପସ୍ଥିତ ଥିଲେ ।