08-May-2023

 ବିନିକା(ହିମାଂଶୁ ଶେଖର ପୁଟେଲ)ହାତୀ ଆକ୍ରମଣରେ ଜିବର୍ଦ୍ଧନ କର୍ଣ୍ଣଙ୍କ ମୃତ୍ୟୁ ଘଟଣାକୁ ୫ବର୍ଷ ୬ମାସ ପୁରିଥିଲେ ମଧ୍ୟ ସେହି ସମୟରେ ଜିଲ୍ଲା ପ୍ରଶାସନ ଦେଇଥିବା ଲିଖିତ ପ୍ରତିଶ୍ରୁତି ଜିବର୍ଦ୍ଧନଙ୍କ ପତ୍ନୀ ଜୟନ୍ତୀକୁ ଅଦ୍ୟାବଧି ସରକାରୀ ଚାକିରୀ ମିଳିପାରିନାହିଁ ।ଫଳରେ ସ୍ତ୍ରୀ ଜୟନ୍ତୀ ଓ ୩ଝିଅଙ୍କ ଜୀବନ ଦୁର୍ବିସହ ହୋଇପଡ଼ିଛି ।ପ୍ରଶାସନ ଦେଇଥିବା ପ୍ରତିଶୃତି ପ୍ରତିଫଳିତ ହେବ ଭାବି ସ୍ତ୍ରୀ ଜୟନ୍ତୀ ଓ ୩ଝିଅ ସ୍ଥାନୀୟ ପ୍ରଶାସନ ଠାରୁ ଆରମ୍ଭ କରି ଜିଲ୍ଲା ପ୍ରଶାସନ ଠାରେ ବାରମ୍ବାର ଅଭିଯୋଗ କରିଆସୁଥିଲେ ମଧ୍ୟ କେବଳ ପ୍ରତିଶ୍ରୁତି ହିଁ ତାଙ୍କ ପାଇଁ ସାର ହୋଇଛି । କାଳେ ପ୍ରଶାସନ ଆମ ଗୁହାରୀ ଶୁଣିବ,ଦେଇଥିବା ଲିଖିତ ପ୍ରତିଶ୍ରୁତି ପାଳନ ହେବ ଭାବନା ନେଇ ସ୍ତ୍ରୀ ଜୟନ୍ତୀ ଓ ୩ଝିଅ ଅନେକ ଥର ସୁବର୍ଣ୍ଣପୁର ଜିଲ୍ଲା ପ୍ରଶାସନ ପାଖକୁ ଯାଇ ଜିଲ୍ଲା ଶିକ୍ଷାଧିଶ,ଜିଲ୍ଲାପାଳ,ଅତିରିକ୍ତ ଜିଲ୍ଲାପାଳ,ଉପ ଜିଲ୍ଲାପାଳଙ୍କୁ ଭେଟୁଛନ୍ତି ।ସେହିପରି ବିନିକା ଠାରେ ଯଦି ଜିଲ୍ଲାପାଳଙ୍କ ଅଭିଯୋଗ ଶୁଣାଣି ଶିବିର ଆୟୋଜନ ହୁଏ ଖବର ପାଇଲା ମାତ୍ର ଅଭିଯୋଗ ପ୍ରକୋଷ୍ଟକୁ ଆସି ଗୁହାରୀ କରୁଛନ୍ତି ।ହେଲେ ସେଠାରେ ମଧ୍ୟ କେବଳ ପ୍ରତିଶ୍ରୁତି ଛଡ଼ା ଆଉକିଛି ମିଳୁନାହିଁ ।ଯାହା ଫଳରେ ମାସ ମାସ ଧରି ଅପେକ୍ଷା କରିବାକୁ ପଡ଼ୁଥିଲେ ମଧ୍ୟ ତାହା ସଫଳ ହେଉନାହିଁ । ବରଂ ପ୍ରଶାସନର ପ୍ରତିଶ୍ରୁତି ସ୍ୱାମୀକୁ ହରେଇଥିବା ଜୟନ୍ତୀ ପାଇଁ ପ୍ରତାରଣା ସଦୃଶ ହୋଇଛି ବୋଲି ସବର୍ତ୍ରରେ ଆଲୋଚନା ହେଉଛି ।ସୂଚନା ଯୋଗ୍ୟ ଯେ ଗତ ୨୦୧୭ମସିହା ନଭେମ୍ବର ମାସ ୨୭ତାରିଖ ସନ୍ଧ୍ୟା ପ୍ରାୟ ୯ଘଣ୍ଟା ସମୟରେ  ଘରର ଏକମାତ୍ର ରୋଜଗାରକ୍ଷମ ବ୍ୟକ୍ତି ଜିବର୍ଦ୍ଧନ କର୍ଣ୍ଣ କାମ ସାରି ନିଜ ଗ୍ରାମ ଫୁଲମୁଠୀକୁ ଫେରୁଥିବା ବେଳେ ଗାଁ ମୁଣ୍ଡ ସ୍କୁଲ ନିକଟରେ ବଣୁଆ ହାତୀପଲଙ୍କ ହାବୁଡ଼ରେ ପଡ଼ି ଜୀବନ ହରେଇଥିଲେ ।ସକାଳେ ଗ୍ରାମବାସୀ ଓ ଅଞ୍ଚଳର ଶତାଧିକ ଲୋକ ବିନିକା-ସୋନପୁର ମୁଖ୍ୟରାସ୍ତା ଅବରୋଧ କରି କ୍ଷତିପୂରଣ ଓ ପରିବାର ପରିପୋଷଣ ପାଇଁ ଜୟନ୍ତୀ କୁ ଚାକିରୀ ଯୋଗାଇଦେବାକୁ ଦାବୀ ରଖିଥିଲେ ।ଲୋକଙ୍କ ଦାବିରେ ପ୍ରଶାସନ ମୁଣ୍ଡନୁଆଇଁ ଥିଲା ।ସ୍ଥାନୀୟ ପ୍ରଶାସନ ଓ ଅଞ୍ଚଳବାସୀଙ୍କ ଉପସ୍ଥିତିରେ ସେହି ସମୟରେ କାର୍ଯ୍ୟରତ ସୋନପୁର ଉପଜିଲ୍ଲାପାଳ ବଳରାମ ମଲ୍ଲିକ ବିନିକା ଠାରେ ଆଦର୍ଶ ବିଦ୍ୟାଳୟ ଖୋଲିଲେ ଜୟନ୍ତୀକୁ ଅଗ୍ରାଧିକାର ଭିତ୍ତିରେ ନିଯୁକ୍ତି ମିଳିବ ବୋଲି ଲିଖିତ ପ୍ରତିଶ୍ରୁତି ଦେଇଥିଲେ ।କିନ୍ତୁ ଅତ୍ୟନ୍ତ ପରିତାପର ବିଷୟ ଆଦର୍ଶ ବିଦ୍ୟାଳୟ ଖୋଲିବାର ୪ବର୍ଷ ବିତି ଯାଇଥିଲେ ମଧ୍ୟ ଜୟନ୍ତୀ ଚାକିରୀ ପାଇନାହିଁ ।୩ଝିଅ ଗାୟତ୍ରୀ(୧୬),ଧରିତ୍ରୀ(୧୩),ଅନନ୍ୟା(୮)ଙ୍କ ଲାଳନ ପାଳନ ସହ ତାଙ୍କର ଭବିଷ୍ୟତ ଗଠନ ନେଇ ଚିନ୍ତାରେ ଭାଙ୍ଗିପଡିଛନ୍ତି ଜୟନ୍ତୀ ।ଆଶା ରଖି ଜୟନ୍ତୀ ୩ଝିଅଙ୍କୁ ସାଥିରେ ଧରି ଆଜି ବିନିକା ଠାରେ ଅନୁଷ୍ଠିତ ଜିଲ୍ଲାପାଳଙ୍କ ଶୁଣାଣି ଶିବିରକୁ ଆସି ପୁନର୍ବାର ଲିଖିତ ଅଭିଯୋଗ କରିବା ପରେ ପ୍ରଶାସନିକ ଅଧିକାରୀ ଋଣ ନେଇ ସ୍ବାବଲମ୍ବୀ ହୁଏ ବୋଲି କହିଥିଲେ ।ପୁଣି ଅଭିଯୋଗ ପତ୍ରକୁ ଡିଇଓଙ୍କ ପାଖକୁ ପଠାଇଦେଇଛନ୍ତି । ଯାହା ଫଳରେ ଜୟନ୍ତୀ ଓ ୩ଝିଅ ପୁଣି ନିରାଶ ହୋଇ ଘରକୁ ଫେରୁଥିବା ଦେଖିବାକୁ ମିଳିଥିଲା ।ତେବେ ଚାକିରୀ ପାଇଁ ଦୋୖଡି ଦୋୖଡି ନୟାନ୍ତ ଅସହାୟ ଜୟନ୍ତୀ ପରିବାର ଉପରେ ଜିଲ୍ଲା ପ୍ରଶାସନର ଆଶୀର୍ବାଦ ପଡ଼ିବ ନା ପ୍ରତିଶ୍ରୁତି ପ୍ରତାରଣା ହେବ ତାହା ଦେଖିବାକୁ ବାକି ରହିଲା ।