05-May-2023

ସାଲେଭଟା(ପ୍ରେରଣା ଖବର) ବଲାଙ୍ଗିର ଜିଲ୍ଲା ଆଗଲପୁର (ଡୁଡୁକା) ବ୍ଳକ ରୋତ  ପଂଚାୟତ ସମିତି ମହାବିଦ୍ୟାଳୟ ବାଣୀନିକେତନରେ  ଓଡିଆ ଓ ଭାଷା ସାହିତ୍ୟ ବିଭାଗ ତରଫରୁ  ସନ୍ଥକବି ଭୀମଭୋଇ  ଜୟନ୍ତୀ ଉତ୍ସବ ଅନୁଷ୍ଠିତ  ହୋଇଛି । ଏହି ଅବସରରେ ଓଡିଆ ଭାଷା ଓ ସାହିତ୍ୟ ଜଗତରେ ମହିମାଧର୍ମର ଆଦ୍ୟକବି ସନ୍ଥ ଭୀମଭୋଇଙ୍କ  ଅତୁଳନୀୟ ଅବଦାନ ଉପରେ ଏକ ଆଚେନାଚକ୍ର ଅନୁଷ୍ଠିତ ହୋଇଥିଲା । ମହାବିଦ୍ୟାଳୟର ସ୍ମାର୍ଟରୁମ୍ ରେ ଅନୁଷ୍ଠିତ ଜୟନ୍ତୀ ସଭାରେ ଅଧ୍ୟକ୍ଷ ଡ. ସନ୍ତୋଷ କୁମାର ରଥ ସଭାପତିତ୍ୱ କରିଥିଲେ ।  ଗଙ୍ଗାଧର ମେହେର ବିଶ୍ୱବିଦ୍ୟାଳୟ ସମ୍ବଲପୁର ର ପ୍ରାକ୍ତନ ଭୀମଭୋଇ ଚେୟାର ପର୍‌ସନ ପ୍ରଫେସର ଡ.ସନ୍ତୋଷ କୁମାର ରଥ ମୁଖ୍ୟବକ୍ତା ଆକାରରେ ଯୋଗଦାନ କରିଥିଲେ । ସେହିପରି ମହାବିଦ୍ୟାଳୟର ପ୍ରାକ୍ତନ ଓଡିଆ ପ୍ରାଧ୍ୟାପକ ଡ. ଅରୁଣ କୁମାର ନ଼ାଏକ ମୁଖ୍ୟଅତିଥି ଓ ଆଗଲପୁର ବ୍ଳକ ସାମ୍ବାଦିକ ବିରାଜନନ୍ଦ ପାଢ଼ୀ ସମ୍ମାନୀତ ଅତିଥି ଭାବରେ ଯୋଗଦାନ କରିଥିଲେ ଓଡିଆ ଭାଷା ଓ ସାହିତ୍ୟରେ  ସନ୍ଥକବି ଭୀମ ଭୋଇଙ୍କ  ସାହିତ୍ୟ ସାଧନା ଓ ମହିମାଧର୍ମ  ଉପରେ ତଥ୍ୟଭତ୍ତିକ  ଆଲୋଚନା ଉପସ୍ଥାପନା କରିଥିଲେ । ଅଧ୍ୟାପକ ଡ, ଲିଙ୍ଗରାଜ ମେହେର ଅତିଥି ପରିଚୟ ପ୍ରଦାନ କରିବା ସହ ପ୍ରାରମ୍ଭିକ ସୂଚନା ପ୍ରଦାନ କରିଥିଲେ । ଅଧ୍ୟାପକ ସୋମନାଥ ପଧାନଙ୍କ ନିର୍ଦ୍ଦେଶନାରେ ପ୍ରାରମ୍ଭିକ ସଙ୍ଗୀତକୁ ଛାତ୍ରୀ ଝରଣା ସାହୁ, ଅମିଶା ପଟେଲ, କବିତା ସାହୁ, ବବଲି ବାରୀକ, ନନ୍ଦିନୀ ମେହେର, ସରସ୍ୱତୀ ମାଝୀ ପ୍ରମୁଖ ସନ୍ଥକବି  ଭୀମଭୋଇଙ୍କ ଦ୍ୱାରା ରଚିତ ବନ୍ଦଇ ପାଦପଦ୍ମକୁ ଗାନ କରିଥିଲେ । ଅଧ୍ୟକ୍ଷ ଡ. ସନ୍ତୋଷ କୁମାର ରଥ, ଆଗଲପୁର ପଂଚାୟତ ମହାବିଦ୍ୟାଳୟ ବାଣୀନିକେତନରେ ପ୍ରତିବର୍ଷ ସନ୍ଥକବି ଭୀମଭୋଇ  ଜୟନ୍ତୀ ଉତ୍ସବ  ପାଳନ କରିବାକୁ  କହିଥିବା ବେଳ  ଏଠାରେ  ଭୀମଭୋଇଙ୍କ ଏକ ପ୍ରତିମୂର୍ତ୍ତି ସ୍ଥାପନ କରିବାସହ  ଆସନ୍ତା ବୈଶାଖ ପୁର୍ଣ୍ଣିମା ଦିନ କବିଙ୍କ ମହିମା ଖଲିଆପାଲିରୁ ସାଧନାପୀଠରୁ  ଏକ ମସାଲ ଶୋଭାଯାତ୍ରା ସହ ଜୟନ୍ତୀକୁ ଆହୁରି ଆକର୍ଷଣୀୟ କରାଯିବ ବୋଲି ଘୋଷଣା କରିଥିଲେ ।
ଏହିଥିରେ ମହାବିଦ୍ୟାଳୟର ସମସ୍ତ ଅଧ୍ୟାପକ, ଅଧ୍ୟାପିକ, କର୍ମଚାରୀ ସମେତ ସମସ୍ତ ଛାତ୍ରଛାତ୍ରୀ ଉପସ୍ଥିତ ଥିଲେ । ଶେଷରେ ଅଧ୍ୟାପକ ସୋମନାଇ ପଧାନ ଧନ୍ୟବାଦ ଅର୍ପଣ କରିଥିଲେ । ସତ୍ୟବ୍ରତ, ବିରେନ୍ଦ୍ର,ସାଗରିକା, ମୋନାଲିସା, ମୈାସୁମୀନିକିତା, ଆନ୍ଦୋଳନ ଓ ଶିବାନୀ ପ୍ରମୁଖ ସହଯୋଗ କରିôଥିଲେ ।