05-May-2023

ଡୁଙ୍ଗୁରିପାଲି(ଅରବିନ୍ଦ ମିଶ୍ର)-ସମୟ ଥିଲା ପୋଲିସ ଚୋର, ଦୁଷ୍କର୍ମକାରୀ, ଡକାୟତି ତଥା ବିଭିନ୍ନ ଅସାମାଜିକ କାର୍ଯ୍ୟରେ ଲିପ୍ତ ଥିବା  ଲୋକଙ୍କୁ ବାନ୍ଧି ଜେଲ ପଠାଉଥିଲା ।  ଥାନା ପୋଲିସ କହିଲେ  ଲୋକଙ୍କ ମଧ୍ୟରେ ଏକ ନକରାତ୍ମକ ଚିନ୍ତା ସୃଷ୍ଟି ହେଉଥିଲା । ବିଭିନ୍ନ ସ୍ଥାନରେ ଯାନୀଯାତ୍ରା ସମାଗମରେ ପୋଲିସ ପହଞ୍ଚି ସେଠାରେ ଶାନ୍ତିଶୃଙ୍ଖଳା ରକ୍ଷା କରିବା, ଆନ୍ଦୋଳନ ସ୍ଥଳକୁ ଯାଇ ଲୋକଙ୍କୁ ବୁଝା ସୁଝା କରିବା,  ଘଟଣା ଦୁର୍ଘଟଣା, ଚୋରୀ, ମାଡପିଟ , ଭିଆଇପି ଭିଭିଆଇପିଙ୍କ ସୁରକ୍ଷା, ସୁବୁ କ୍ଷେତ୍ରରେ ପୋଲିସର ଉପସ୍ଥିତି ରହିଥାଏ । ଏତେ ସବୁ ବ୍ୟସ୍ତତା ମଧ୍ୟରେ ଆଜିର ପୋଲିସ ଲୋକଙ୍କ ନିକଟତର ହେବାରେ ଲାଗିଛି । ସାଧାରଣ ଲୋକ ଏବଂ ପୋଲିସ ମଧ୍ୟରେ ଧିରେ ଧିରେ ଆଜି ବିଶ୍ୱାସର ସଂପର୍କ ବଢିବାରେ ଲାଗିଛି । ପୋଲିସ ଲୋକଙ୍କ ପାଖରେ ଯେତିକି ଉତ୍ତର ଦାୟୀ ହେବାରେ ଲାଗିଲାଣି ଲୋକେ ମଧ୍ୟ ଆଜି ବିଭିନ୍ନ କ୍ଷେତ୍ରରେ ପୋଲିସକୁ ସହ ଯୋଗ କରୁଁଛନ୍ତି । ଏଥି ପାଇଁ ଆମ ପୋଲିସ ସମିତି ମଧ୍ୟ ଏକ ମାଧ୍ୟମ ହୋଇ ରହିଛି ।  ସବୁ କାମ ମଧ୍ୟରେ ଆଜି ପୋଲିସ ସମାଜ ସେବାରେ ମଧ୍ୟ ସମୟ ଦେଇ ଆଗେଇ ଚାଲିଛି ।

ଗତ କାଲି ରାମପୁର ଥାନା ପରିସରରେ ୨୮୫ ୟୁନିଟର ଏକ ରକ୍ତଦାନ ଶିବିର ଆୟୋଜନ କରିବା ପୋଲିସର ସମାଜସେବାର ଗୁତୁତ୍ୱ ବହନ କରୁଛି । ଆଜି ମଧ୍ୟ ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ପୋଲିସ ପକ୍ଷରୁ ‘ଜଳ ହିଁ ଜୀବନ’କୁ ନେଇ ଏକ ଥଣ୍ଡାପାନୀୟ ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଡୁଙ୍ଗୁରିପାଲି ସାପ୍ତାହିକ ବଜାର ସମ୍ମୁଖ ୨୬ଜମ୍ବର ଜାତୀୟ ରାଜପଥ ଆରଏମସି ଗେଟ ସମ୍ମୁଖରେ ଡୁଙ୍ଗୁରିପାଲି ଥାନାଧିକାରୀ ସତ୍ୟନାରାୟଣ ପଧାନଙ୍କ ତତ୍ତ୍ୱାବଧାରେ ବଜାର ଆସୁଥିବା ତୃଷାର୍ତ୍ତ ଲୋକଙ୍କୁ ଥଣ୍ଡା ପାଣି ଦେବାର ଏକ ମହନୀୟ କାର୍ଯ୍ୟ ଦେଖିବାକୁ ମିଳିଛି । ଲୋକଙ୍କୁ ଥଣ୍ଡା ଦହିପାଣି, ଜଳଜିରା, ସରବତ ପାଣି ଯୋଗାଇ ଦେଇଅଛି । ନିଜେ ଥାନାଧିକାରୀ ଲୋକଙ୍କୁ ପାଣି ଦେଇ ଆସୁଥିଲେ ।  ଏଥିରେ ସହ ଯୋଗ କରିଥିଲେ ଯୁବ ସବ୍‌ଇନ୍‌ପକ୍ଟେର ଟଙ୍କଧର ଛତ୍ରୀଆ,  ଏଏସଆଇ ମହନ ବରିହା, ଜିତେନ୍ଦ୍ର ମେହେର,କୋସଲ ସାମ୍ବାଦିକ ସଂଘର ସଭାପତି ବିପ୍ରଚରଣ ସାହୁ, କବି ଘନଶ୍ୟାମ ମେହେର, ନିମାଇଁ ଚରଣ ମଲ୍ଲିକ,ଅମ୍ଲାନ ପାଣ୍ଡିଆ, ଅନ୍ନପୂଣ୍ଣ ପଧାନ, ଅବସରପ୍ରାପ୍ତ ଶିକ୍ଷକ ସୁରେଶ ପଧାନ ପ୍ରମୁଖ କାର୍ଯ୍ୟକ୍ରମର ଉପସ୍ଥିତ ରହି ଲୋକଙ୍କୁ ଥଣ୍ଡା ପାନୀୟ ବଣ୍ଟନ କରିଥିଲେ । ପୋଲିସର ଏଭଳି ସମାଜସେବା କାର୍ଯ୍ୟକୁ ବିଭିନ୍ନ ମହଲରେ ପ୍ରଶଂସା କରାଯାଇଛି ।