30-Apr-2023

ବିନିକା(ହିମାଂଶୁ ଶେଖର ପୁଟେଲ)ବିନିକା ସ୍ପୋର୍ଟସ କ୍ଲବ ତରଫରୁ ସ୍ଥାନୀୟ ବିଜୁ ପଟ୍ଟନାୟକ ଷ୍ଟାଡିୟମ ଠାରେ ଆଇପିଏଲ ଢାଞ୍ଚାରେ ଚାଲିଥିବା ବିପିଏଲ ସିଜନ-୩ କ୍ରିକେଟ ଟୁର୍ଣ୍ଣାମେଣ୍ଟ ତୃତୀୟ ରାଉଣ୍ଡର ପ୍ରଥମ ମ୍ୟାଚରେ ଆନ୍ୟା ସ୍ପୋଟିଙ୍ଗକୁ ହରାଇ କମ୍ରେଡ ବିଜୟୀ ହୋଇଛି । ଟଚ ଜିଣି ଆନ୍ୟା ସ୍ପୋଟିଙ୍ଗ ପ୍ରଥମେ ବ୍ୟାଟିଂ କରି ୧୦ଓଭରରେ ୬ୱିକେଟ ହରାଇ ୭୬ରନ କରିଥିଲା ତାର ଜବାବରେ କମ୍ରେଡ ଦଳ ୫ୱିକେଟ ହରାଇ ୯.୩ଓଭରରେ ୭୮ରନ କରି ବିଜୟୀ ହୋଇଥିଲା। ମ୍ୟାଚକୁ ପ୍ରଦୀପ ମହାଳିଂ ଓ ସବ୍ୟସାଚୀ ମିଶ୍ର ପରିଚାଳନା କରିଥିବା ବେଳେ ସ୍କୋରର ଭାବେ ଆଲୋକ ସେଠୀ ଏବଂ ମ୍ୟାଚର ଧରାବିବରଣୀ ବୈରାଗୀ ପ୍ରଧାନ,ଶଶାଙ୍କ ଶେଖର ପ୍ରଦାନ କରିଥିଲେ ।ସ୍ପୋର୍ଟସ କ୍ଲବ ଉପ ସଭାପତି ବୁଲୁ ଦଣ୍ଡିଆଙ୍କ ଅଧ୍ୟକ୍ଷତାରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ମୁଖ୍ୟଅତିଥି ଭାବେ ଅବସରପ୍ରାପ୍ତ ବିନିକା ଏବିଇଓ ରାମଜୀ ବାବୁ,ସମ୍ମାନିତ ଅତିଥି ଭାବେ ଅବସରପ୍ରାପ୍ତ ମତ୍ସ୍ୟ

ଉତ୍ପାଦନ କେନ୍ଦ୍ର କର୍ମଚାରୀ ଗୌତମ ମିଶ୍ର,ଅବସରପ୍ରାପ୍ତ ରାଜସ୍ବ ଅଧିକାରୀ ଅରୁଣ ପୁରୋହିତ, ଅବସରପ୍ରାପ୍ତ ପ୍ରଧାନ ଶିକ୍ଷକ ବିନୋଦ ମେହେର ପ୍ରମୁଖ ଯୋଗଦେଇ ବିଜୟୀ/ରନରସଅପ ଦଳ ଓ ସବାର୍ଧିକ ରନ କରିଥିବା କମ୍ରେଡ ଦଳର ଆନନ୍ଦ ବଢେଇଙ୍କୁ ମ୍ୟାନ ଅଫ ଦି ମ୍ୟାଚ ପୁରସ୍କାର ପ୍ରଦାନ କରାଯାଇଥିଲା । ସୋମବାର ଅପରାହ୍ନରେ ପିସିସି ବନାମ ସାଗର-୧୧ ମଧ୍ୟରେ ମ୍ୟାଚ ଅନୁଷ୍ଟିତ ହେବ ।ଉଭୟ ଦଳର ଖେଳାଳୀ ମାନଙ୍କୁ ଉତ୍ସାହିତ କରିବା ସହିତ ପୁରସ୍କାର ପ୍ରଦାନ ପାଇଁ ମୁଖ୍ୟ ଅତିଥି ଭାବେ ସନ୍ତୋଷିନୀ ମନ୍ଦିର ପ୍ରତିଷ୍ଠାତା ତଥା ଯୁବ ସଂଗଠକ ସନ୍ତୋଷ କୁମାର ଅଗ୍ରୱାଲ,ସ୍ଵତନ୍ତ୍ର ଅତିଥି ଭାବେ ଯୁବ ଉଦ୍ୟୋଗୀ ବାସୁଦେବ ମିଶ୍ର,ସମ୍ମାନିତ ଅତିଥି ଭାବେ ଯୁବ ବ୍ୟବସାୟୀ ତଥା ନ୍ୟୁ ପାଣିଗ୍ରାହୀ ହୋଟେଲ ପ୍ରୋପାଇଟର ଶେଷଦେବ ପାଣିଗ୍ରାହୀ(ଟିଟୁ),ପ୍ରିନ୍ସ ସ୍ପୋଟିଂ ମାଲିକ ଜିତେନ୍ଦ୍ର ହୋତା ପ୍ରମୁଖ ଯୋଗଦେବାର କାର୍ଯ୍ୟକ୍ରମ ରହିଛି ବୋଲି ଆୟୋଜକଙ୍କ ସୂତ୍ରରୁ ପ୍ରକାଶ ।