29-Apr-2023

 ବିନିକା(ହିମାଂଶୁ ଶେଖର ପୁଟେଲ)ବିନିକା ସ୍ପୋର୍ଟସ କ୍ଲବ ତରଫରୁ ସ୍ଥାନୀୟ ବିଜୁ ପଟ୍ଟନାୟକ ଷ୍ଟାଡିୟମ ଠାରେ ଆଇପିଏଲ ଢାଞ୍ଚାରେ ଚାଲିଥିବା ବିପିଏଲ ସିଜନ-୩ କ୍ରିକେଟ ଟୁର୍ଣ୍ଣାମେଣ୍ଟ ଦ୍ଵିତୀୟ ରାଉଣ୍ଡର ଚତୁର୍ଥ ମ୍ୟାଚରେ ତ୍ରିରଙ୍ଗାକୁ ହରାଇ ସିଦ୍ଧିକ୍ଷା ରେବେଲସ ବିଜୟୀ ହୋଇଛି । ଟଚ ଜିଣି ସିଦ୍ଧିକ୍ଷା ପ୍ରଥମେ ବ୍ୟାଟିଂ କରି ୧୦ଓଭରରେ ୩ୱିକେଟ ହରାଇ ୯୨ରନ କରିଥିଲା ତାର ଜବାବରେ ତ୍ରିରଙ୍ଗା ୟୁଦ କ୍ଲବ ୮ୱିକେଟ ହରାଇ ୫୫ରନ କରିବାକୁ ସକ୍ଷମ ହୋଇଥିଲା। ମ୍ୟାଚକୁ ବିନୋଦ ପାତ୍ର ଓ ଜିତେନ୍ଦ୍ର ମଣ୍ଡଳ ପରିଚାଳନା କରିଥିବା ବେଳେ ସ୍କୋରର ଭାବେ ହାଡୁ ବଢେଇ,ଆଲୋକ ସେଠୀ ଏବଂ ମ୍ୟାଚର ଧରାବିବରଣୀ ବୈରାଗୀ ପ୍ରଧାନ ଭବାନୀ ଶଙ୍କର ଜଗଦଳା ପ୍ରଦାନ କରିଥିଲେ ।ସ୍ପୋର୍ଟସ କ୍ଲବ କୋଷାଧ୍ୟକ୍ଷ ହିମାଂଶୁ ଶେଖର ପୁଟେଲଙ୍କ ଅଧ୍ୟକ୍ଷତାରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ମୁଖ୍ୟଅତିଥି ଭାବେ ବିନିକା ବିଜୁ ଜନତା ଦଳର ଯୁବ ସଂଗଠକ ତଥା ସ୍ବେଚ୍ଛାସେବୀ ଅନ୍ତର୍ୟାମୀ ପଣ୍ଡା(ବାବୁଲାଲ),ସମ୍ମାନିତ ଅତିଥି ଭାବେ ଯୁବ ବ୍ୟବସାୟୀ ବିକାଶ ଦଣ୍ଡସନା,ଯୁବ ଓକିଲ ଦେବରାଜ ମେହେର ଯୋଗଦେଇ ବିଜୟୀ/ରନରସଅପ ଦଳ, ୪ଟି ବିଶାଳ

ଛକ୍କା ସହ ବ୍ୟକ୍ତିଗତ ୪୬ରନ ଓ ମୂଲ୍ୟବାନ ୨ଟି ୱିକେଟ ନେଇ ସିଦ୍ଧିକ୍ଷା କୁ ବିଜୟୀ କରିବାରେ  ପ୍ରମୁଖ ଭୂମିକା ତୁଲାଇଥିବା କିରଣ ରାଉତଙ୍କୁ ମ୍ୟାନ ଅଫ ଦି ମ୍ୟାଚ ପୁରସ୍କାର ପ୍ରଦାନ କରାଯାଇଥିଲା । ରବିବାର ଅପରାହ୍ନରେ ଆନ୍ୟା ସ୍ପୋଟିଙ୍ଗ ବନାମ କମ୍ରେଡ ମଧ୍ୟରେ ମ୍ୟାଚ ଅନୁଷ୍ଟିତ ହେବ ।ଉଭୟ ଦଳର ଖେଳାଳୀ ମାନଙ୍କୁ ଉତ୍ସାହିତ କରିବା ସହିତ ପୁରସ୍କାର ପ୍ରଦାନ ପାଇଁ ଅବସରପ୍ରାପ୍ତ ଏବିଇଓ ରାମଜୀ ବାବୁ,ଅବସରପ୍ରାପ୍ତ ମତ୍ସ୍ୟ ଉତ୍ପାଦନ କେନ୍ଦ୍ର କର୍ମଚାରୀ ଗୌତମ ମିଶ୍ର,ଅବସରପ୍ରାପ୍ତ ରାଜସ୍ବ ଅଧିକାରୀ ଅରୁଣ ପୁରୋହିତ,ଅବସରପ୍ରାପ୍ତ ପ୍ରଧାନ ଶିକ୍ଷକ ବିନୋଦ ମେହେର ପ୍ରମୁଖ ଅତିଥି ଭାବରେ ଯୋଗଦେବାର କାର୍ଯ୍ୟକ୍ରମ ରହିଛି ବୋଲି ଆୟୋଜକଙ୍କ ସୂତ୍ରରୁ ପ୍ରକାଶ ।