29-Apr-2023

ବଲାଙ୍ଗିର(ଦେବାଶିଷ ବହିଦାର): କେବଳ ଗୃହପାଳିତ ପ୍ରାଣୀମାନଙ୍କ ସେବା ନୁହେଁ, ବରଂ ସବୁ ପ୍ରାଣୀମାନଙ୍କୁ ଆଦର ,ଯତ୍ନ ଓ ସେବା କରିବା ମଣିଷର କର୍ତବ୍ଯ  ହେବା ଉଚିତ।କାରଣ ମଣିଷର ଜୀବସତ୍ତା ନିର୍ଭର କରେ  ପରିବେଶ ର ସନ୍ତୁଳନ ଉପରେ,ଏବଂ ପରିବେଶ ସନ୍ତୁଳନ ବଜାୟ ରହିବ ପ୍ରାଣୀ ସଂପଦର ସୁପରିଚାଳନାରେ।ତେଣୁ ସବୁ ପ୍ରାଣୀଙ୍କୁ  ଆମେ ସମାନ ଭାବରେ ସେବା କରିବା ଦରକାର ବୋଲି  ବଲାଙ୍ଗିର  ସାମ୍ବାଦିକ ଭବନ ଠାରେ ଜିଲ୍ଲା ପ୍ରାଣୀ ସଂପଦ ବିଭାଗ ଦ୍ବାରା ଆୟୋଜିତ ବିଶ୍ବ ପ୍ରାଣୀ ସଂପଦ ଦିବସ ବସରରେ ମୁଖ୍ଯ ଅତିଥି ଭାବେ ଯୋଗଦେଇ କହିଛନ୍ତି ବଲାଙ୍ଗିର ପୌରାଧ୍ୟକ୍ଷା ଶ୍ରୀମତୀ ଲିକା ସାହୁ। ଏହି କାର୍ଯ୍ୟକ୍ରମରେ ଡ. ଦେବାଶିଷ 

 ସାମନ୍ତ  ସ୍ବାଗତ ଭାଷଣ  ଦେଇଥିବା ବେଳେ ବଲାଙ୍ଗିର ପୌରାଧ୍ୟକ୍ଷା ଶ୍ରୀମତୀ ଲିକା ସାହୁ ,ମୁଖ୍ଯ ଅତିଥି,ବଲାଙ୍ଗିର  ଜିଲ୍ଲା ମୁଖ୍ଯ  ପ୍ରାଣୀ ଚିକିତ୍ସା ଅଧିକାରୀ ଡାକ୍ତର୍ ସନ୍ତୋଷ କୁମାର ପଣ୍ଡା ,

ଓ ଉପଖଣ୍ଡ ପ୍ରାଣୀ ଚିକିତ୍ସା ଅଧିକାରୀ ଡାକ୍ତର ଗଣେଶ କୁମାର ଜେନା, ସହକାରୀ  ପ୍ରାଣୀ ଚିକିତ୍ସା ଅଧିକାରୀ ଡାକ୍ତର ଆଲୋକ କୁମାର ନାଏକ, ବିକେଏନ୍ ମିଲ୍କ ୟୁନିଅନ ର ସାଧାରଣ ପରିଚାଳକ ଡାକ୍ତର  ରଜନୀକାନ୍ତ ରଥ ମଂଚାସୀନ ହୋଇଥିଲେ। ଏହି ଅବସରରେ ପ୍ରାଣୀପାଳକଙ୍କ ହିତରେ ରୂପାନ୍ତରିତ, ନିରପେକ୍ଷ  ଓ ବିସ୍ତୃତ ପ୍ରାଣୀ ଚିକିତ୍ସା ସେବା  ସଂପର୍କରେ ଆଲୋଚନା କରାଯାଇଥିଲା। ଡାକ୍ତର ଅର୍ଚିତା ସ୍ବାଇଁ ସଭାକୁ  ସଂଯୋଜନା କରିଥିଲେ। ଏହି ଅବସରରେ ପ୍ରାଣୀ ସଂପଦର ବିକାଶ କ୍ଷେତ୍ରରେ  ଉଲ୍ଲେଖନୀୟ ଅବଦାନ ପାଇଁ ସଂଗୀତା ଡବ୍ଲୁ ଏସଏଚଜି, କେଶାଇପାଲି, ଆଗଲପୁର, ମାଁ ଦୁର୍ଗା ଡବ୍ଲୁ ଏସଏଚଜି, କନକପୁର,ମାଁ ସରସ୍ଵତୀ ଡବ୍ଲୁ ଏସଏଚଜି, ବନ୍ଧଲିପଡା, ଲୋଇସିଂହା ସମେତ ଅଗ୍ରଣୀ  ଚାଷୀ ଅନୀଲ ମେହେର, ପାଟଣାଗଡ, ଗୋକୁଳ ବେମାଲ, ହଲନଭଟା, ସରୋଜ କୁମାର କର୍ମୀ, ସାରସପଡା, ହମିର ତାଣ୍ଡି, ସାରସପଡା, ଖଗେଶ୍ବର ନାଏକ, ତାଲଝରନ, ସୁଦାମ ମେହେର, ରେଙ୍ଗାଲି, ରଂଜିତ ବିଶ୍ବାସ, ଝରନିପାଲି ଓ ଜିତେନ କଲେତ,ପିପିର୍ଡା ଙ୍କୁ  ସମ୍ମାନିତ କରାଯାଇଥିଲା।