29-Apr-2023

ଡୁଙ୍ଗୁରିପାଲି(ଅରାବିନ୍ଦ ମିଶ୍ର)- ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ଏକ ଶାନ୍ତିପ୍ରିୟ ଅଂଚଳ । ଏହି ଅଂଚଳର ସ୍ୱାଭିମାନ ମଧ୍ୟ ସ୍ୱତନ୍ତ୍ର । କିନ୍ତୁ ଏହି ଶାନ୍ତି ପ୍ରିୟ ଅଂଚଳରେ ଅପ୍ରିତିକର ଘଟଣା ଘଟୁଥିବା ସାଧାରଣରେ ଚର୍ଚ୍ଚା ହେଉଛି । ଯାହାକି ଡୁଙ୍ଗୁରିପାଲିର ସ୍ୱାଭିମାନ ଉପରେ ଆଂଚ ଦେଖା ଦେଉଛି । ବିଗତ କିଛି ବର୍ଷ ତଳେ ଡୁଙ୍ଗୁରିପାଲି- ଚିନାଯୁରୀ ମଝିରେ ଥିବା ଏକ ପରିତ୍ୟକ୍ତ ଅବସ୍ଥାରେ କେତେଜଣ ଯୁବକ ଯୁବତୀ ରାତିରେ ଥିଲେ ।  ସ୍ଥାନୀୟ ଲୋକେ ସେତେବେଳେ ଡୁଙ୍ଗୁରିପାଲି ପୋଲିସକୁ ଖବର ଦେଇଥିଲେ ।  ଖବର ପାଇ ଡୁଙ୍ଗୁରିପାଲି ପୋଲିସ ମଧ୍ୟ ଘଟଣା ସ୍ଥଳରୁ ଦୁଇ ଜଣ ଯୁବତୀଙ୍କୁ ଉଦ୍ଧାର କରିଥିଲେ ।  ସେମାନଙ୍କୁ ଥାନାକୁ ଆଣି ପଚରା ଉଚୁରା କରାଯାଇଥିଲା । ସେମାନେ ବରପାଲି  ଯାଉଥିବା ବେଳେ ବାଟ ବଣା ହୋଇ ସେଠାରେ ରହିଯାଇଥିବା ପ୍ରକାଶ କରିଥିଲେ ।  ଯାହାକି ପୋଲିସ ସେତିକିରେ ସେମାନଙ୍କୁ ଛାଡି ଦେଇଥିଲା । ସେତେବେଳେ ଏହି ଘଟଣା ଚର୍ଚ୍ଚାର ବିଷୟ ପାଳଟି ଥିଲା ।  ଉକ୍ତ ଯୁବତୀମାନେ ଏହି ଅଂଚଳର ହୋଇ ନଥିବା ବେଳେ କେଉଁ ସ୍ଥାନକୁ ଯାଉଥିଲେ ।  କେବେ ଯାଇଥିଲେ । ସାଙ୍ଗରେ ଥିବା ପୁରୁଷ ବନ୍ଧୁମାନଙ୍କ ସହିତ ତାଙ୍କର ସଂପର୍କ କଣ ରହିଥିଲା । ଏହାକୁ ପୋଲିସ ପକ୍ଷରୁ ତଦନ୍ତ ଠିକ୍ ଭାବରେ କରାଯାଇଥିଲା ନା ନାହିଁ ତାହା ଜଣା ପଡି ନଥିଲା । କିନ୍ତୁ ବର୍ତ୍ତମାନ ରାତିରେ ଡୁଙ୍ଗୁରିପାଲି ଅଂଚଳରେ ଅଜଣା ବାହାରର ଯୁବତୀମାନେ ବୁଲାବୁଲି କରୁଥିବା ଜୋରସୋରରେ ଆଲୋଚନା ହେଉଛି । ଉକ୍ତ ଯୁବତୀମାନେ ରାତିରେ ଆସି ଚିନାଯୁରୀ-ଡୁଙ୍ଗୁରିପାଲି-ଚେରୁପାଲି ମଧ୍ୟରେ ବୁଲାବୁଲି କରୁଛନ୍ତି । ସେମାନଙ୍କ ଚାଲିଚଳନ ଆଚାର ବ୍ୟବହାରରୁ ବାହାରର ବୋଲି ଜଣାପଡୁଛନ୍ତି । ନିଶାର୍ଦ୍ଧ ରାତିରେ କେତେକ ଯୁବକମାନଙ୍କ ସହିତ ଗାଡିରେ ମଧ୍ୟ ଯାଉଥିବା ଲୋକେ ଆଲୋଚନା କରୁଛନ୍ତି । ଏମାନେ ରାତ୍ରିକାଳୀନ ବସ, ଟ୍ରେନ ଯୋଗେ ଯିବା ଆସିବା କରୁଛନ୍ତି । ରାତିରେ ରହି ପାହାନ୍ତିଆରେ ପୁଣି ଫେରୁ ଯାଉଛନ୍ତି ।  ଏଥିରେ ସ୍ଥାନୀୟ କିଛି ଯୁବକମାନେ ସାମିଲ ଥିବା ମଧ୍ୟ ଚର୍ଚ୍ଚା ହେଉଛି । ଏଣୁ ଏହା ପଛରେ ଥିବା ରହସ୍ୟର ପର୍ଦ୍ଦାଫାସ କରାଯାଇ ଉକ୍ତ ଯୁବତୀମାନେ କେଉଁ ଉଦ୍ଦେଶ୍ୟରେ ଏଠାକୁ ରାତିରେ ଆସି ବୁଲାବୁଲି କରି ସକାଳେ ସେମାନଙ୍କ ପତ୍ତା ନାହିଁ ଏହାର ତଦନ୍ତର ଅବଶ୍ୟକ ରହିଛି । ଯାହାଫଳରେ ଶାନ୍ତି ପ୍ରୀୟ ଅଂଚଳରେ ସ୍ୱାଭିମାନ ବଜାୟ ରହିବ ।