28-Apr-2023

ବଲାଙ୍ଗିର (ଦେବାଶିଷ ବହିଦାର ): ବଲାଙ୍ଗିର ଜିଲ୍ଲା ବରିଷ୍ଠ ନାଗରିକ ମଞ୍ଚର କାର୍ଯ୍ୟକାରିଣୀ ବୈଠକ ସ୍ଥାନୀୟ ଶାନ୍ତି ପଡା ସ୍ଥିତ  ଶିଦ୍ଧଶଙ୍କର ଆଇରନ ଷ୍ଟୋର ଠାରେ ଅନୁଷ୍ଠିତ ହୋଇଥିଲା ମଞ୍ଚର ସଭାପତି ପ୍ରଭାକର ମିଶ୍ର ସଭାରେ ସଭାପତିତ୍ୱ କରିଥିଲେ l  ସାଧାରଣ ସମ୍ପାଦକ ମନୋରଞ୍ଜନ ମିଶ୍ର ପୂର୍ବ ବୈଠକର ବିବରଣୀ ପଠନ କରିଥିଲେ ଯାହାକୁ କରତାଳି ମାଧ୍ୟ୍ୟମରେ ଅନୁମୋଦନ ହୋଇ ଥିଲା l ସଭାରେ ଆଲୋଚିତ ହେବାକୁ ଥିବା ଏଜେଣ୍ଡା ଉପସ୍ଥାପିତ କରିଥିଲେ ସାଧାରଣ ସମ୍ପାଦକ ଶ୍ରୀ ମିଶ୍ର l 

  ଆସନ୍ତା ୨୬/୬/୨୩ ରେ ହେଵାକୁକୁ ଥିବା ସାଧାରଣ ସଭା  ଓ ପ୍ରତିଷ୍ଠା ଦିବସ ପାଇଁ ବିଭିନ୍ନ ବ୍ୟବସ୍ଥା ଓ ସ୍ଥାନ ତଥା ଅତିଥି ନିମନ୍ତ୍ରଣ ଇତ୍ୟାଦି ବିଷୟରେ ବିସ୍ତୃତ ଆଲୋଚନା ହୋଇଥିଲା l  ପ୍ରବଚନ କାର୍ଯ୍ୟକ୍ରମ ପାଇଁ  ପ୍ରବଚକ, ସ୍ଥାନ ଓ ଅର୍ଥ ବ୍ୟବସ୍ଥା ସାଙ୍ଗକୁ ଏହାର ସୁପରିଚାଳନା ପାଇଁ ଧନଞ୍ଜୟ ମିଶ୍ର, ଡ.ପ୍ରମୋଦ ମିଶ୍ର ଓ  ମଲିଆ ଗଡୁଆଙ୍କୁ ଦାଇତ୍ୱ ହସ୍ତାନ୍ତର କରାଯାଇଥିଲା l

  ଅସୁସ୍ଥ  ଓ ଦୁର୍ଘଟଣାରେ ପୀଡିତ ସଭ୍ୟ ମାନଙ୍କ ଘରକୁ ଯାଇ ତାଂକ ଅବସ୍ଥା ବୁଝିବା ଓ ତାଙ୍କୁ ସହାନୁଭୂତି ପ୍ରଦାନ କରିବା ନିମନ୍ତେ ସଂଗଠନ ସମ୍ପାଦକ ବିନୟ କୁମାର ମିଶ୍ରଙ୍କୁ ଦାୟିତ୍ୱ୍ୱ ପ୍ରଦାନ କରା ଯାଇଛି l ପୂର୍ବ ସାଧାରଣ ପରିଷଦ ବୈଠକରେ ପୀତବାସ ପଣ୍ଡା, ମଲିଆ ଗଡୁଆ ଓ ଗଣେଶ ପାଢ଼ୀଙ୍କୁ ବିଭିନ୍ନ ଦାୟିତ୍ୱ ଭାର ଦିଆଯାଇଥିଲା l ସମସ୍ତ ବିଷୟର ଆଲୋଚନାରେ ଇଂ. ପ୍ରଫୁଲ୍ଲ କୁମାର ସାହୁ, ଉପସଭାପତି, ଧନଜୟ ମିଶ୍ର, ମଲିଆ ଗଡୁଆ, ଡ. ପ୍ରମୋଦ ମିଶ୍ର, କପିଳେଶ୍ୱର ଖମାରୀ, ବିନୟ କୁମାର ମିଶ୍ର, ବାସୁଦେବ ମେହେର, ଇଂ. ହରେକୃଷ୍ଣ ମେହେର, ପୂର୍ଣଚନ୍ଦ୍ର ମେହେର, ପୁରୁଷତ୍ତମ ପଣ୍ଡା,ପୀତବାସ ପଣ୍ଡା ଓ ବୃଷକେତୁ ସାହୁ ପ୍ରମୁଖ ସକ୍ରିୟ ଅଂଶଗ୍ରହଣ କରିଥିଲେ  l ପରିଶେଷରେ କପିଳେଶ୍ୱର ଖମାରୀ  ସମସ୍ତଙ୍କୁ ଧନ୍ୟବାଦ ଦେଇଥିଲେ l