26-Apr-2023

ବିନିକା(ହିମାଂଶୁ ଶେଖର ପୁଟେଲ)ବିନିକା ସ୍ପୋର୍ଟସ କ୍ଲବ ତରଫରୁ ସ୍ଥାନୀୟ ବିଜୁ ପଟ୍ଟନାୟକ ଷ୍ଟାଡିୟମ ଠାରେ ଚାଲିଥିବା ବିପିଏଲ ସିଜନ-୩ କ୍ରିକେଟ ଟୁର୍ଣ୍ଣାମେଣ୍ଟ ଦ୍ଵିତୀୟ ରାଉଣ୍ଡର ପ୍ରଥମ ମ୍ୟାଚରେ ସାଗର-୧୧କୁ ହରାଇ କମ୍ରେଡ ବିଜୟୀ ହୋଇଛି । ଟଚ ଜିଣି ସାଗର ଦଳ ପ୍ରଥମେ ବ୍ୟାଟିଂ କରି ୧୦ଓଭରରେ ୮ୱିକେଟ ହରାଇ ୮୦ରନ କରିଥିଲା ତାର ଜବାବରେ କମ୍ରେଡ ୭ୱିକେଟ ହରାଇ ୮୪ରନ କରି ବିଜୟୀ ହୋଇଥିଲା । ମ୍ୟାଚକୁ ବିନୋଦ ପାତ୍ର ଓ ଜିତେନ୍ଦ୍ର ମଣ୍ଡଳ ପରିଚାଳନା କରିଥିବା ବେଳେ ସ୍କୋରର ଭାବେ ହାଡୁ ବଢେଇ,ଆଲୋକ ସେଠୀ ଏବଂ ମ୍ୟାଚର ଧରାବିବରଣୀ ରବୀନ୍ଦ୍ର ହୋତା ପ୍ରଦାନ କରିଥିଲେ ।ସ୍ପୋର୍ଟସ କ୍ଲବ ସମ୍ପାଦକ ମନୋଜ ଦାସଙ୍କ ଅଧ୍ୟକ୍ଷତାରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ଶଙ୍କରା ସେବା ସମବାୟ ସମିତି ସଭାପତି ତଥା ବ୍ଲକ ବିଜେଡ଼ି ସଂଗଠକ ଧର୍ମରାଜ ପଣ୍ଡା ମୁଖ୍ୟଅତିଥି,ବିନିକା ବିଜ୍ଞାପିତ ପରିଷଦ ବିଜେଡ଼ି ଯୁବ ସଂଗଠକ ରବୀନ୍ଦ୍ର ପାତ୍ର ସମ୍ମାନିତ ଅତିଥି ଭାବେ ଯୋଗଦେଇ ବିଜୟୀ/ରନରଅପ ଦଳ ଏବଂ କମ୍ରେଡ ଦଳର ବିଶେଶ୍ୱର ନାଗ ୨ଓଭର ଫିଙ୍ଗି ୩ୱିକେଟ ନେଇ ଦଳକୁ ବିଜୟୀ କରିବାରେ ପ୍ରମୁଖ ଭୂମିକା ତୁଲାଇଥିବାରୁ ମ୍ୟାନ ଅଫ ଦି ମ୍ୟାଚ ପୁରସ୍କାର ପ୍ରଦାନ କରାଯାଇଥିଲା । ଟୁର୍ଣ୍ଣାମେଣ୍ଟ ପରିଚାଳନାରେ

ସୋମନାଥ,ଭାଗବତିଆ,ସୁଦାମ,ସଂଗ୍ରାମ ସହଯୋଗ କରିଥିଲେ ।ଆଜି ଗୁରୁବାର ଅପରାହ୍ନରେ ପିସିସି ବନାମ ଆନ୍ୟା ସ୍ପୋଟୀଙ୍ଗ ଦଳ ମଧ୍ୟରେ ମ୍ୟାଚ ଅନୁଷ୍ଟିତ ହେବ ।ଉଭୟ ଦଳର ଖେଳାଳୀ ମାନଙ୍କୁ ଉତ୍ସାହିତ କରିବା ସହିତ ପୁରସ୍କାର ପ୍ରଦାନ ପାଇଁ ମୁଖ୍ୟ ଅତିଥି ଭାବେ ବୀରମହାରାଜପୁର ନିର୍ବାଚନ ମଣ୍ଡଳୀ ବିଜେପି ଆଶାୟୀ ବିଧାୟକ ପ୍ରାର୍ଥୀ ବଳରାମ ସୁନା, ବିନିକା ନଗର ପୂର୍ବତନ ବିଜେପି ସଭାପତି ସମ୍ବିତ ନେପାକ,ନଗର ଉପସଭାପତି ଧର୍ମେନ୍ଦ୍ର ସାହୁ ପ୍ରମୁଖ ଯୋଗଦେବାର କାର୍ଯ୍ୟକ୍ରମ ରହିଛି ବୋଲି ଆୟୋଜକ ବିନିକା ସ୍ପୋର୍ଟସ କ୍ଲବ ତରଫରୁ ସୂଚନା ଦିଆଯାଇଛି ।