26-Apr-2023

ବୀରମହାରାଜପୁର(ବିନୋଦ ପାଣ୍ଡେ): ପଶ୍ଚିମ ଓଡିଶାର ବରଗଡ ଜିଲ୍ଲା ପକ୍ଷରୁ ଆୟୋଜିତ ଦ୍ୱିତୀୟ ପଶ୍ଚିମ ଓଡିଶାର ତାଏକୋଣ୍ଢୋ ପ୍ରତିଯୋଗିତାରେ ସୁବର୍ଣ୍ଣପୁର ଜିଲ୍ଲା ତାଏ କଣ୍ଡୋ ଆସୋସିଏସନ ଅଂଶଗ୍ରହଣ କରି ଚାମ୍ପିଅନ୍ ଟ୍ରଫି ହାସଲ କରିବାରେ ସଫଳ ହୋଇଛି। ଏହି ପ୍ରତିଯୋଗିତା ରେ ପଶ୍ଚିମ ଓଡିଶାର ଅନେକ ଜିଲ୍ଲାରୁ ବିଭିନ୍ନ ବର୍ଗରୁ ପ୍ରାୟ ତିନିଶହ ରୁ ଉର୍ଦ୍ଧ୍ବ ଖେଳାଳି ଅଂଶ ଗ୍ରହଣ କରିଥିଲେ। ତେବେ ସୁବର୍ଣ୍ଣପୁର ଜିଲ୍ଲା ତାଏକୋଣ୍ଢୋ ଆସୋସିଏସନ ୬୦ ଜଣ ଖେଳାଳି  ତାଏକୋଣ୍ଢୋ ର ଉଭୟ କିରୋଗି ଏବଂ ପୁମସେ ପ୍ରତିଯୋଗିତା ଅଂଶ ଗ୍ରହଣ କରି ୨୬ ଟି ସ୍ବର୍ଣ୍ଣ ପଦକ, ୧୯ ଟି ରୋପ୍ଯ ପଦକ ଏବଂ ୨୭ ଟି କାଂଷ୍ୟ ପଦକ ହାସଲ କରିଥିଲେ। ତେବେ ଏହି ଭାବରେ ସୁବର୍ଣ୍ଣପୁର ଜିଲ୍ଲା ତାଏକଣ୍ଡୋ ଆସୋସିଏସନ ତାଏକୋଣ୍ଢୋ  କିରୋଗି ପ୍ରତିଯୋଗିତାରେ ଚାମ୍ପିଅନ୍ ହୋଇଥିବା ବେଳେ ପୁମସେ ରେ ରନର୍ସଅପ୍ ଟ୍ରଫି ହାସଲ କରି ଜିଲ୍ଲା ପାଇଁ ଗୋୖରବ ଆଣିଛନ୍ତି। ଏହି ପ୍ରତିଯୋଗିତାରେ ଜିଲ୍ଲା ତାଏକୋଣ୍ଢୋ ଆସୋସିଏସନର ସମ୍ପାଦକ ଏହେସାସ୍ ହୋତା, କୋଷାଧ୍ୟକ୍ଷ ଶୁଭମ୍ ପଟ୍ଟନାୟକ, ପ୍ରଶିକ୍ଷକ ମହେନ୍ଦ୍ର ରଣା, ଅନ୍ବେଷ ହୋତା, ଆର୍ଯ୍ଯନ ପୁରୋହିତ, ମନିଷ ମହାନ୍ତି, ବବଲୁ କର୍ଣ୍ଣ ବିଶ୍ବରଞ୍ଜନ ସାହୁ, ହର୍ସିତା ନାୟକ ପ୍ରମୁଖ ସାମିଲ ହୋଇଥିଲେ। ତେବେ ଜିଲ୍ଲା ତାଏକୋଣ୍ଢୋ ଆସୋସିଏସନର ଏହି ସଫଳତା ପାଇଁ ଓଡିଶା ତାଏକୋଣ୍ଢୋ ଆସୋସିଏସନର ସାଧାରଣ ସମ୍ପାଦକ ମନମୋହନ ଭଞ୍ଜ  ସୁବର୍ଣ୍ଣପୁର ଜିଲ୍ଲା ତାଏକଣ୍ଡୋ ଆସୋସିଏସନର ସଭାପତି ରବିନ୍ଦ୍ର ହୋତା, ସହସମ୍ପାଦକ ଶେଷଦେବ ବାରିକ ଦଳକୁ ଶୁଭେଚ୍ଛା ଜଣାଇ ଛନ୍ତି। ସେହିପରି  ବିଭିନ୍ନ ମହଲରୁ ମଧ୍ଯ ଶୁଭେଚ୍ଛା ସୁଅ ଛୁଟୁଛି।