25-Apr-2023

ବିନିକା(ହିମାଂଶୁ ଶେଖର ପୁଟେଲ)ବିନିକା ସ୍ପୋର୍ଟସ କ୍ଲବ ତରଫରୁ ସ୍ଥାନୀୟ ବିଜୁ ପଟ୍ଟନାୟକ ଷ୍ଟାଡିୟମ ଠାରେ ଚାଲିଥିବା ବିପିଏଲ ସିଜନ-୩ କ୍ରିକେଟ ଟୁର୍ଣ୍ଣାମେଣ୍ଟ ପ୍ରଥମ ରାଉଣ୍ଡର ଶେଷ ମ୍ୟାଚରେ ସିଦ୍ଧିକ୍ଷା ରେବେଲସକୁ ୧୫ରନରେ ହରାଇ ବାଦୀ ବ୍ରଦରସ ବିଜୟୀ ହୋଇଛି । ଟଚ ଜିଣି ବାଦୀ ବ୍ରଦରସ ପ୍ରଥମେ ବ୍ୟାଟିଂ କରି  ୧୦ଓଭରରେ ୭ୱିକେଟ ହରାଇ ୯୪ରନ କରିଥିଲା ତାର ଜବାବରେ ସିଦ୍ଦିକ୍ଷା ୮ୱିକେଟ ହରାଇ ୭୯ରନ କରିବାକୁ ସକ୍ଷମ ହୋଇଥିଲା । ମ୍ୟାଚକୁ ରଞ୍ଜିତ ପଣ୍ଡା ଓ ବାବୁଲାଲ ସାହୁ ପରିଚାଳନା କରିଥିବା ବେଳେ ସ୍କୋରର ଭାବେ ହାଡୁ ବଢେଇ,ଆଲୋକ ସେଠୀ ଏବଂ ମ୍ୟାଚର ଧରାବିବରଣୀ ଆଶିଷ ପଣ୍ଡା ପ୍ରଦାନ କରିଥିଲେ ।ସ୍ପୋର୍ଟସ କ୍ଲବ କୋଷାଧ୍ୟକ୍ଷ ହିମାଂଶୁ ଶେଖର ପୁଟେଲଙ୍କ ଅଧ୍ୟକ୍ଷତାରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ପୁର୍ବତନ କ୍ରିକେଟର ସନ୍ତୋଷ କର ମୁଖ୍ୟଅତିଥି,ପୂର୍ବତନ ଖେଳାଳୀ ଚକ୍ରଧର ପାଣିଗ୍ରାହୀ,କଳାକାର ରାମଚନ୍ଦ୍ର ଦାସ ସମ୍ମାନିତ ଅତିଥି ଭାବେ ଯୋଗଦେଇ ବିଜୟୀ/ରନରଅପ ଦଳ ଏବଂ ବାଦୀ ବ୍ରଦରସର ରିଣ୍ଟୁ ମେହେର ୫୦ରନ କରି ଦଳକୁ ବିଜୟୀ କରିବାରେ ପ୍ରମୁଖ ଭୂମିକା ତୁଲାଇଥିବାରୁ ମ୍ୟାନ ଅଫ ଦି ମ୍ୟାଚ ପୁରସ୍କାର ପ୍ରଦାନ କରାଯାଇଥିଲା । ଟୁର୍ଣ୍ଣାମେଣ୍ଟ ପରିଚାଳନାରେ ପ୍ରତାପ ସାହୁ,ଭୁବନେଶ୍ୱର ପାତ୍ର,ସନୁ ରାଉତ,ପିଣ୍ଟୁ ଦୀପ ସହଯୋଗ କରିଥିଲେ ।ଆଜି ବୁଧବାର ଅପରାହ୍ନରେ ସାଗର-୧୧ ବନାମ କମ୍ରେଡ ଦଳ ମଧ୍ୟରେ ମ୍ୟାଚ ଅନୁଷ୍ଟିତ ହେବ ।ଉଭୟ ଦଳର ଖେଳାଳୀ ମାନଙ୍କୁ ଉତ୍ସାହିତ କରିବା ସହିତ ପୁରସ୍କାର ପ୍ରଦାନ ପାଇଁ ମୁଖ୍ୟ ଅତିଥି ଭାବେ ଶଙ୍କରା ସେବା ସମବାୟ ସମିତି ସଭାପତି ଧର୍ମରାଜ ପଣ୍ଡା,ବିଜେଡ଼ି ସଦସ୍ୟ ରବୀନ୍ଦ୍ର ପାତ୍ର,ଯୁବ ଉଦ୍ୟୋଗୀ ଦେବାନନ୍ଦ ପ୍ରଧାନ ସମ୍ମାନିତ ଅତିଥି ଭାବେ ଯୋଗଦେବେ ବୋଲି ଆୟୋଜକଙ୍କ ସୂତ୍ରରୁ ପ୍ରକାଶ ।