24-Apr-2023

ବିନିକା(ହିମାଂଶୁ ଶେଖର ପୁଟେଲ) ବିନିକା ସ୍ପୋର୍ଟସ କ୍ଲବ ତରଫରୁ ସ୍ଥାନୀୟ ବିଜୁ ପଟ୍ଟନାୟକ ଷ୍ଟାଡିୟମ ଠାରେ ଚାଲିଥିବା ବିପିଏଲ ସିଜନ-୩ କ୍ରିକେଟ ଟୁର୍ଣ୍ଣାମେଣ୍ଟର ରବିବାର ଦ୍ଵିତୀୟ ମ୍ୟାଚରେ ଆନ୍ୟା ସ୍ପୋଟିଙ୍ଗ ଅତୁଳ-୧୧କୁ ୪୦ରନ ବ୍ୟବଧାନରେ ହରାଇ ବିଜୟୀ ହୋଇଛି । ଟସ୍ ଜିଣି ପ୍ରଥମେ ଆନ୍ୟା ସ୍ପୋଟିଙ୍ଗ ଦଳ ୧୦ଓଭରରେ ୩ୱିକେଟ ହରାଇ ୯୪ରନ କରିଥିଲା ତାର ଜବାବରେ ଅତୁଳ-୧୧ ମାତ୍ର ୫୪ରନ କରିବାକୁ ସକ୍ଷମ ହୋଇଥିଲା । ମ୍ୟାଚକୁ ବିନୋଦ ପାତ୍ର ଓ ଜିତେନ୍ଦ୍ର ମଣ୍ଡଳ ପରିଚାଳନା କରିଥିବା ବେଳେ ସ୍କୋରର ଭାବେ ହାଡୁ ବଢେଇ, ଆଲୋକ ସେଠୀ ଏବଂ ମ୍ୟାଚର ଧରାବିବରଣୀ ପରମାନନ୍ଦ ପ୍ରଧାନ ଓ ଭବାନୀ ଶଙ୍କର ଜଗଦଲା ପ୍ରଦାନ କରିଥିଲେ । ସ୍ପୋର୍ଟସ କ୍ଲବ ଉପସଭାପତି ବୁଲୁ ଦଣ୍ଡିଆଙ୍କ ଅଧ୍ୟକ୍ଷତାରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ସରକାରୀ ଓକିଲ ଜୟପ୍ରକାଶ ପ୍ରଧାନ ମୁଖ୍ୟ ଅତିଥି,ଯୁବ ଓକିଲ ରଘୁନାଥ କୁମ୍ଭାର,ଗୋବିନ୍ଦା ଅଗ୍ରୱାଲ ସମ୍ମାନିତ ଅତିଥି ଭାବେ ଯୋଗଦେଇ ବିଜୟୀ/ରନରଅପ ଦଳ ଏବଂ ସର୍ବାଧିକ  ସ୍କୋର କରିଥିବା ଆନ୍ୟା ସ୍ପୋଟିଙ୍ଗର ଦିନେଶକୁ ମ୍ୟାନ ଅଫ ଦି ମ୍ୟାଚ ପୁରସ୍କାର ପ୍ରଦାନ କରାଯାଇଥିଲା । ଟୁର୍ଣ୍ଣାମେଣ୍ଟ ପରିଚାଳନାରେ ଆଶୁତୋଷ ଦାସ,ପ୍ରତ୍ୟୁଷ ପଟ୍ଟନାୟକ,ରଂଜନ ବେହେରା,ରଜତ ମେହେର ସହଯୋଗ କରିଥିଲେ ।

ସୋମବାର ଅପରାହ୍ନରେ ତ୍ରିରଙ୍ଗା ୟୁଥ୍ କ୍ଲବ୍ ବନାମ ପିସିସି ମଧ୍ୟରେ ମ୍ୟାଚ ଅନୁଷ୍ଟିତ ହେବ । ଏଥିରେ ବଲାଙ୍ଗୀର ସାଂସଦଙ୍କ ପ୍ରତିନିଧି ତଥା ଆଇନଜୀବୀ ପ୍ରଶାନ୍ତ ଦଣ୍ଡସନା, ବିନିକା ଓକିଲ ସଂଘ ସଂପାଦକ ହରିବଂଶ ମେହେର,ପୂର୍ବତନ ସାମ୍ବାଦିକ ତଥା ଯୁବ ଓକିଲ ବୀରେନ୍ଦ୍ର ପୋଢ ଅତିଥି ଭାବରେ ଯୋଗଦେଇ ଉଭୟ ଦଳର ଖେଳାଳୀ ମାନଙ୍କୁ ଉତ୍ସାହିତ କରିବା ସହିତ ପୁରସ୍କାର ପ୍ରଦାନ କରିବାର କାର୍ଯ୍ୟକ୍ରମ ରହିଛି ବୋଲି ଆୟୋଜକଙ୍କ ସୂତ୍ରରୁ ପ୍ରକାଶ ।